لادا واطية ايه الحل ساعدونى

**islamnooh** · 04-07-2009 07:01 PM

السلام عليكم ورحمة الله وبركاته ,,

أشتريت لادا 2107 زيرو مصرى المشكلة انها بتحك فى المطبات
سألت قالولى دى علبة البيئة
رحت التوكيل رفعوهالى شوية ( مش قوى ) بس لسه بتحك فى المطبات الجامدة خصوصا لو مركب 3 ورا او 2

واحد قابلنى فى التوكيل قالى انا شيلت علبة البيئة دى والعربية عاملة معايا 57000 كيلو تمام ولا اى مشاكل ولا حك بقى ولا يحزنون

سألت ميكانيكى قالى اوعك دى الناس بتدور على تركيبها عشان تحمى الموتور وانت عاوز تفكها

المشكلة بقى انها اتهرت حك وشكلها هيبوظ خلاص وبأخد المطبات بورب والناس بتضحك عليا ويقولولى ياعم دى لاداااااااااااا انت فاكر نفسك راكب لانوس ولا فيرنا وياسلام لو الدنيا زحمة طبعا بضطر اخد المطب عدل واحكها تماااام.

بتاع الجكمانات قالى اسخنلك عليها من ادام وورا وارفعهالك بس مش اوى برضه

اه نسيت اقولكم الميكانيكى قالى دى عاوزة يايات عشان اليايات اللى بتجى فيها ضعيفة .
بس واحد صاحبى كان معاه شاهين قالى ان العفشجى اللى كان بيرحله عشان بيحس بأى زلطة عالسكة قاله الهبد ده عشان اليايات عندك مش الاصلية دى جامدة الاصلية ارفع واطرى عشان متحسش بمطبات وهبد .

اعمل ايه يا هل الخبرة اغير اليايات الاصلية ولا اشيل علبة البيئة ولا اعمل ايه بالله عليكم ؟؟؟

**M.FOUAD** · 04-07-2009 11:02 PM

انت ممكن تركب كاوتش على اليايات مش هيكلفك اكثر من 20 جنية و هيعلي العربية شوية

**blazer** · 05-07-2009 06:06 AM

العليات بتضعف ثبات العربيه جداجدا
هو الحل لو اليايات اللى فى العربيه مش حلوه
ركب يايات ناشفه شويه هتخلى العربيه عاليه و تزود الثبات
ومن افضل الانواع المنرو و عليها ضمان سنه

**M.FOUAD** · 05-07-2009 09:40 AM

المشاركة الأصلية كتبت بواسطة blazer

العليات بتضعف ثبات العربيه جداجدا
هو الحل لو اليايات اللى فى العربيه مش حلوه
ركب يايات ناشفه شويه هتخلى العربيه عاليه و تزود الثبات
ومن افضل الانواع المنرو و عليها ضمان سنه

هي طبعا بتبوظ ثبات العربية لكن مش هتحس بالفرق في الادا العربية ناشفة اصلا و خسارة الواحد يغير اليايات الاصلية بتاعتها خاصة ان علبة البيئة مش هتعيش اكثر من اربع او خمس سنين و طبعا محدش بيغيرها

**islamnooh** · 05-07-2009 10:42 AM

أسف يا جماعة العربية مش واطية انا قصدت أنها بوجود علبة البيئة كأنها واطية وبتحك فى اقل مطب

ولكن وضع طبيعى أنها توطى لما يركب ورا 3 أفراد وزن تقيل .

وجزاكم الله خير على ردودكم

م/ إسلام نوح
المجموعة الهندسية للمقاولات

**M.ABDEEN** · 05-07-2009 06:12 PM

ركب يا باشا جيلد على السوست تعليها شوية بس ممكن العربية تعوم شوية
او ركب يايات ناشفة شوية

**Truman** · 06-07-2009 02:15 AM

المشكلة دى كانت عندى و ركبت علايات كاوتش على اليايات قدام و راح الحك خالص و الثبات معقول لحد سرعة 100 مع العلم ان العربية إستيشن 2104

**M.ABDEEN** · 06-07-2009 03:06 PM

المشاركة الأصلية كتبت بواسطة truman

المشكلة دى كانت عندى و ركبت علايات كاوتش على اليايات قدام و راح الحك خالص و الثبات معقول لحد سرعة 100 مع العلم ان العربية إستيشن 2104

انا فعلا عملت كده وكانت 2104 وكانت ثابتة ل 135 تقريبا

**abuhaitham** · 10-09-2009 10:49 PM

الحل الجذزي لهذه المشكلة ان اليايات الأصلية الخاصة بالادا رفيعة واكيد ضعفت عندك انصحك بتركيب يايات فيات 131 وفية منها نوعين هات النوع الأغلى شوية والعفشجي يركبه بعد ما يقص منه شويه 10سم تقريبا يس يكون رافع شوية عشان لما تركب ناس ورا وان شاء اله هتلاقي نتيج كويسة بسة كمان بالمرة شوف المساعدين عشان تضمن نتيجة أكيدة . واوعى تركب يايات بيجو لا جديدة ولا مستعملة لأنها ناشفة وهتبهدل العربية

**kareemsmart** · 12-09-2009 01:31 PM

المشاركة الأصلية كتبت بواسطة fouad nour

انت ممكن تركب كاوتش على اليايات مش هيكلفك اكثر من 20 جنية و هيعلي العربية شوية

لا انصحكم بذلك .. انا ركبت كاوتش تحت السوست امام و خلف و بعد فترة بسيطة واحدة منهم اتقطعت ولقيت العربية مالت

الحل الجذرى تغيير السوست

الموضوع: لادا واطية ايه الحل ساعدونى

LinkBack

أدوات الموضوع

عرض

-

المواضيع المتشابهه

الحل فى عفشة لادا

تويوتا كورلا 98 واطية ايه الحل

ساعدونى فى لادا سمارة

نفسى فى عربية لادا ساعدونى

اى حد عندة مشكلة فى لادا يقول وان شاء عندنا الحل

الكلمات الدلالية لهذا الموضوع

المفضلات

المفضلات

ضوابط المشاركة