الموضوع: (الاسكندرانيه) حد شاف الحادثه بتاعت بليل فى سان ستيفانو

والله يا جماعة انا في رأيي ان دايما مشكلة البحر عندنا متلخصه في شوية حاجات
منها و بجدارة قلة ادب و قلة اهتمام من الناس اللي سايقه جري و غرز خصوصا ان البحر مافيش عليه رقيب
الناس اللي بتعدي برضه ساعات تحس كده بغرابة و هو ماشي يعني تلاقيه عدي مره واحده من قصادك و ياريته بيعدي بسرعة لا هو يمشي علي مهله خاااااااااااااااااااااااا اااااالص و تنت اتصرف و ساعات تلاقيه راح واقف مرة واحدة كده قصادك و حصلت معايا مرتين و ربنا ستر و انا كمان مش باحب الجري و انا سايق مرة واحده و بنتها و مرة تانيه راجل لقيته كده قصاد العربية
تلاقي ناس كتير مش بتستخد الأنفاق لما تبقي متوفره برضه ماتفهمش ليه و خد عندك بقي الصيف و قرفه عندنا فلو صادف انك رايح المعموره ولا المنتزه و لا اي حاجه الناحيه دي احسن لك امشي من السريع و ربنا يسترها معانا كلنا

الراجل اللى كان بينبه العربيات ده ان فيه بقعة زيت , راجل شهم و محترم و كان متوقع الكارثة اللى حصلت !

لو فيه زيت ادلق على الارض و حد داس عليها بتبقى مصيبة كبيرة و ربنا اللى بيسلم .

ده حتى لو انتبه السائق ان فيه بقعة زيت و هدى السرعة خالص و داس على البقعة دي بالراحة و عمل آثار وامتداد ليها على الارض بالكاوتش بتاع العربية !!

مجرد الاثار دي بتاعت الكاوتش بتعمل اختلال و فقد اتزان لاي عربية قادمة بعده ( بفرض انه تفادى البقعة الاصلية ) و ممكن تقلبها !!! فما بالك بقى باللى يدوس على البقعة نفسها .

لعمل الخير و مما يتطلبه ضميرك لانقاذ ارواح كثيرة في مثل هذه المواقف

ان تقوم اولا بمحاولة حرق لهذه البقعة للفت انتباه القادمين حتى لو كان الوقت نهارا ...

تانى حاجة

وضع الكثير من الرمال او الاتربة الى ان تختفى البقعة تماما

و متقولش و انا مالي لان الكل معرض لهذه المواقف الغير متوقعة و اعتبرها من اعمال صدقة الطريق

و ربنا يسلم طريق الناس كلها

الزيت دا فعلا كارثه.. والحادثـه غريبه

فكرتني بفيلـم Final Destination والحادثه العجيبه اللي كانت فيه

السنة اللى فاتت شفت حادثة واحدة بس .

كانت كريستاله زرقاء عمالة تلف كل شوية فى الكورنيش و عمالين يحرقوا و يشدوا و هكذا لمدة طويلة .

بعد 10 دقايق بالظبط كانت الاسعاف بتشيل فى الشباب اللى كانوا راكبين و العربية كانت كومة حديد فقط لا غير .