ازاى انقل النمر من عربيتى القديمه لعربيتى الجديده ؟؟

**KHALED AYMAN** · 05-07-2009 12:24 AM

السلام عليكم ...
انا اشتريت عربيه زيرو لسه معلقتش نمر...
و عايز اخد النمر الى على عربيتى القديمه ..
و مش عايز ابيعها بيها ...
عشان الرقم عاجبنى و عزيز عليا ...
يا ترى ايه الاجراءات الى بتتعمل و هل ينفع اساسا ولا لا ؟؟؟
و هل يشترط الواسطه ولا لا ؟؟
ملحوظه :
انا عايز انقل النمر من على العربيه القديمه و اجيبلها نمر غيرها عشان ابيعها بيها ...

**أبو صلاح** · 05-07-2009 02:01 AM

أعتقد ان الكلام ده غير منطقي
ومفيش ما يستعدي انك تحتفظ باي نمرة خصوصا مع النمر بالشكل الجديد

**KHALED AYMAN** · 05-07-2009 02:08 AM

النمر الشكل الجديد لسه كتير على ما توصل المحله هنا ..
مش اقل من سنه ...
و سبب احتفاظى بالنمره ان الرقم حلو و عزيز عليا ...
بس الى خلى الفكره تيجى فى دماغى ان شوفت ناس عمو كده ....
يعنى مثلا ببقى عارف ان فلان معاه فيكترا رقمها 0000
الاقيه جاب باسات و عليها نفس الرقم ....
بكره هعدى عالمرور اسأل كده و اشوف ....
و متشكر لردك يا باشا ...

**amrico** · 05-07-2009 09:09 AM

المشاركة الأصلية كتبت بواسطة khaled ayman

النمر الشكل الجديد لسه كتير على ما توصل المحله هنا ..
مش اقل من سنه ...
و سبب احتفاظى بالنمره ان الرقم حلو و عزيز عليا ...
بس الى خلى الفكره تيجى فى دماغى ان شوفت ناس عمو كده ....
يعنى مثلا ببقى عارف ان فلان معاه فيكترا رقمها 0000
الاقيه جاب باسات و عليها نفس الرقم ....
بكره هعدى عالمرور اسأل كده و اشوف ....
و متشكر لردك يا باشا ...

ياريت تعرفنا عملت ايه يا خالد باشا وتقولنا ايه هي الإجراءات
ومبروك العربية الجديدة وربنا يكفيك شرها وتاخد خيرها

**mramzy** · 05-07-2009 09:14 AM

هو طبعا ينفع لان فى واحد فى القاهره صاحب محل حلويات شهير رقمه 66 القاهره كل ما يغير العربيه كل سنه بياخد نفس النمرة وانا كنت سالت فقالوا ان النمره اصلا بتاعتك مادام مسلمتهاش بس نفسى اعرف الاجراءات ازاى

**M.Mostafa80** · 05-07-2009 09:21 AM

ياخالد باشا سيادتك ممكن تعمل حاجه لزيزه قوى الا وهى بتفك النمر من على العربيه وتعمل حاجه أسمها شهاده بيانات منا المرور وبتبقى غير مطالب بلوحات معدنيه على السياره حتى البيع وتحتفظ برقمك القديم حتى تذهب للمرور لترخيص السياره الجديده وتطلب من موظف الشباك انو يسجلك رقم العربيه القديمه على الجديده بس الحته الأخيره دى ممكن يبقى فيها اجرأات خاصه بيها فى المرور والله ورسوله اعلم بردو

**KHALED AYMAN** · 05-07-2009 05:17 PM

انا بشكر كل الى ردو عليا ...
انا روحت المرور و قالولى الاتى ..
هات العربيتين الجديده و القديمه ..
هطلع شهاده مخالفات للقديمه ..
و هنفك النمر من عليها و نسلمها للمرور ..
و هم هيطلعولى النمره و نحطها على الجديده ....
و هيطلعو اى نمره للقديمه ..
و بس على كده ...
ان شاء الله هرخص العربيه الجديده على يوم السبت ..
الورق هييجى بكره ...
و على ما السيد الوالد يفضى هنكون بقينا السبت ...