هل ستائر الكبس مخالفه للمرور ولا ايه نظامها من المرور؟؟
ياريت حد يرد عليا
عرض للطباعة
هل ستائر الكبس مخالفه للمرور ولا ايه نظامها من المرور؟؟
ياريت حد يرد عليا
متابع بأهتمام
بس فى واحد قالى أن ألى ورا مش ممنوعة والبيبان ممنوعة بس مش متأكد نستنى رأى باقى الأعضاء افضل
بص يا باشا أنا لسة مركب ستاير كبس من أسبوع بعد فترة حيرة طويلة جدا علشان إخوانا الصهاينة بتوع المرور و تلككهم
بس في الأخر قررت بأني أشتري ستاير كبس و أستخرت ربنا و توكلت على الله و كمان الله أعلم بنيتي في سبب تركيب الستاير و هو التخفيف من الحمل على التكييف وكمان أنا بسافر كتير مع أهلي و الشمس بتكون مميته ورا عليهم طول سكه السفر
تجربتي بقى يا سعادة حضرت الباشا خلال الأسبوع ده هي مشوارين للمطار و سفر لدمياط و إسكندرية و لف في مدينة نصر و مصر الجديدة و وقفت خلال الأسبوع ده في حوالي أربع كماين كلهم بصوا على الرخص و طريق السلامة ياباشا
أرجو أني أكون أفدتك و قدرت أساعدك و تحت أمرك في أي سؤال أو أستفسار
هوه ايه الكبس ده .. ده نوع غير الستاير اللي بتتفتح وتتقفل بالعرض وا ايه ؟؟
أى نوع من انواع الستائر سواء كان كبس او حتى شفط فهو ممنوع ومخالفة
لا انت فاهم غلط كبس جاية يااما من حاجتين:
اولن الكبسة لحمة ورز وصلصة :36_1_1[1]:
ثانيا:انك تكبس واحد قدامك :36_1_1[1]:
انا برضوا معرفش يعنى ايه كبس بس تقريبا الى هيا بتبقا عاملة كدة وهيا مقفولة
كانها حتة عصاية متركبة من ورا ف الحتة الى ورا الكنبة الى بيتبقا فيها السمعات و بيبقا ليه ايدين كدة فوق
ولما تحب ترفعها بتترفع معاك وتركب نهاياتها ف الايدين ديه بس تقريبا مش بتبقا غمقة اوى يعنى بتبقة شبكة كدة
الستاير الكبس بتبقى على مقاس الشباك بتركب عليه من جوه و بتبقى للبابين اللى ورا و الزجاج اللى ورا
حد يعرف ممكن أعملهم فين فى المنصوره؟
أنا عن نفسي ... جبت طقم ستاير جاهز ومخصوص للمازدا3 للأربع ابواب والزجاج الخلفي ... وقابل للفتح والغلق ... الطقم كامل ب 325 جنيه ، هوه تايواني ونضيف جدا ، مش عارف ده اللي قصدك عليه ولا ايه
الستاير الكبس ممنوعة ومخالفة لقانون المرور زى الفاميه كده عشان هيقولك دى تعوق الرؤية والكلام ده وتدفع عليها 50 جنية تصالح فورى ولو الضابط مش غلس هتقولوا هفكهم دلوقتى بعد ماتفكهم هيديك الرخصة و يمشيك غير كده ياتدفع فورى يا يسحب الرخصة.