اقتباس:
المشاركة الأصلية كتبت بواسطة madawbs
بص ياباشا انا اتأخرت فى الرد على حضرتك شوية بس كنت باراجع قانون المرور والله قريته مادة مادة وبند بند مافيش وحط خط تحت مافيش اى نص بيتكلم على الستائر او الزجاج الملون او الفيميه ولا ليها اى عقوبة او غرامة الموجود فقط مادة 74 بند 10 وبيتكلم على الملصقات (والمقصود بيها ملصقات تمميزية يعنى بتقول بيها انا عضو مجلس شعب خافو منى) مش مقصود بيها فيميه او ستاير الى بيحصل من توقيف ومخالفات غير قانونى وليس له اى سند فى قانون المرور وياريت لو لقيت المادة الى بتتكلم عن ده ابعتهالى (مش باتحداك ولا حاجة بس يمكن تكون فاتتنى وانا باراجع القانون)
وده النص الى انا راجعته من على موقع محافظة القاهرة
http://www.cairo.gov.eg/c13/c19/traffic/default.aspx
ياباشا خد وقتك مافيش مشكلة وانا بشكرك انك قراءت القانون عشان لو حصل وحد وقفك تكون عارف المخالفة ايه وغرامتها ايه وهل فيها تصالح ولا لأ و اللى ليك واللى عليك وبتمنى كل الناس اللى بتسوق تعمل كدة المهم كان ليا تعليق على كلام حضرتك بخصوص المادة 74 بند 10 واللى بتتكلم على الملصقات وهيه دى فعلا المادة اللى احنا عايزنها واسمح لى انى احط النص بتاعها "" إضافة ملصقات أو معلقات أو وضع أية كتابة أو رسم أو أية رموز أو أية بيانات أخرى غير تلك الواجبة بحكم القانون واللوائح على جسم المركبة أو أى جزء من أجزائها ، أو لوحاتها المعدنية "" على حسب فهمى للنص انه لم يقتصر على الملصقات التمييزية فقط اللى بتدل على صاحب العربية سواء عضو مجلس الشعب أوالهيئة القضائية ورجال النيابة العامة وضباط الشرطة والجيش وخلافة ذى ما حضرتك تفضلت وقلت بل هو بيتكلم بشكل عام نسبياٌ بالنسبة للملصقات والمعلقات فأعتقد ان الفامية يعتبر من الملصقات على الزجاج والستاير تعتبر من المعلقات وهى جزء من المركبة عشان هما بيعتبروا اى حاجه مش نزله في شهادة البيانات بتاعت العربية تبقى تندرج تحت المادة دى ولو في اى تعليق او تفسير اوضح من كدة ياريت تتفضلوا بيه