لو فابريقة و مثبتين في شهادة البيانات بتاعت العربية يبقى حضرتك اللى غلطان انك تسيبهم يدفعوك الغرامة
موضوع مهم متااااااابع باهتمام
القرار النهائى ممنوعة ولا مش ممنوعة؟؟؟
انا اصلا مش بحب الستاير فى العربيات
هية اكيد مخالفة ياجماعة عشان نص القانون واضح بس برده حسب الموقف يعني مثلا لما تقف في كمين في عز الشمس ومعاك ناس ورا وانت مركب الستاير اعتقد صعب اوي يقولك شيل الستاير دي عشان تحرق الناس اللي جوة دول لكن بقي لو قابلك بالليل او حتي بالنهار وانت لوحدك ولاقيك مقفله كل العربية قدام وورا ستاير اكيد لازم يتكلم فاعتقد الستاير اللي هية موجودة دلوقتي اللي بتدوس بزورار تترفع دي معقولة عادي لما يكون في ناس راكبة بالنهار تنزلها وتمشي وان شاء الله ميحصلش مشاكل ولما ييجي الليل ارفعها ولما تكون بالنهار ولوحدك ارفعهم برده وممكن تسيب اللي جمبك انت عشان الشمس انا عن نفسي بعمل كدة وعمر محد كلمني ولا قاللي حاجة
الستاير الكبس ممنوعة
انا كنت مفيم القزاز اللى قدام وحاطط ستاير كبس ورا
دخلت لجنة نزلت القزاز القدام
المقدم بص ورا على الستاير مكلمش
قاللى ممكن ترفع القزاز رفعت لقى الفاميه دارك
قالى اركن بعد ما دفعت 50 جنيه قلت له الستاير اللى ورا ايه النظام
قال عادى
اخدت على كلامه
الاسبوع اللى فات وانا داخل المطار وقفني ودفعني مخالفة ستاير 50 جنيه
طب اشلها طب مش عارف ايه مرضيش برده
وقالى في الاخر الستارة بتعت القزاز الخلفي المفروض ممنوعة بس مش بندقق عليها بس لو ظابط رخم هيرخم
كان نفسي اقوله زيك كده
وفي الاخر قاللى على فكرة انت لو فضلت كده مش هتعرف تتعامل مع الناس
عشان شديت معاه في الكلام
قلت له يعني انا متاخر عليهم ومستنيني جوه والطيارة وصلت
وانت قاعد معطلني وتدفعني مخالفة عاوزني فرحان ومبسوط يعني!!!!
قالى لالا انت زي العسل وقعد يهزر
طبعا مليش نفس اهزر بعد ما كعيت ال50 جنيه
قلت له طيب شكرا ومشيت
ستارة الزجاج الخلفى مش ممنوعة بعدى على اكتر من 10 كماين اسبوعيا من سنتيين
ستائر الزجاج الجانبى الخلفى ممنوعة دفعت 50 جنية من اول كمين !
يا جماعة يعني ايه لو بالنهار ماشي انما لو بالليل فيه مخالفة.
هو يعني وانا ماشي يبقى معايا خيط اشده تقع الخمس ستاير.
او الحل الثاني اني اركب بلتكانة واجيب ستاير عمولة من سيدار
لا بجد انا الستاير هي الحل الوحيد معايا عشان عربيتي مفيهاش تكييف وبعدين الكبس اصلا صيني يعني بعد لزقتين مبيتلزقوش ثاني !
!!!!