حد يقول لي اللي في الصورة ده رشح منين؟

**nasroo** · 06-07-2009 10:51 AM

المشاركة الأصلية كتبت بواسطة akramlail

اللة يفتح عليك يا بشمهندس والله متعرفش الواحد من غيرك كان جاهل قد اية ----بس سؤال اغبى منة شوية بعد معمل الاختبار دة وعرفت ان الموتور 70% مثلا المفروض انة بيعرفنى العيب فين واصلحة ازاى ؟وتكلفة الاختبار دة كام --وكدة يبقى انت عملت اللى عليك وزيادة

تكلفة قياس كبس الموتور 50 جنيه ولو هتكشف على العربية كلها 100 جنيه - ده في بنزينات شل
لو طلع العيب عندك من الصبابات يبقى هتغير كاوتش صبابات وتعمل روديه بالمرة وده تكلفته ماتعديش 50 جنيه من غير المصنعية
لكن لو طلع التفويت من الشنابر الموضوع هيخش في 700 جنيه من غير المصنعية

**zocor742** · 06-07-2009 02:40 PM

تمام ياهندسة بعد ما قريت الموضوع لقيت الرض للسؤال ومعلومات جديدة
ربنا مايحرمنا من مواضيعك ومعلوماتك القيمة الى ديما بتفيد الاعضاء وانا اولهم اتعلمت من حضرتك كتير جدا فى عالم السيارات

**nasroo** · 12-07-2009 04:58 PM

خلاص عالجت المشكلة بتاعت ترشيح الزيت من الحتة دي ودلوقتي ناشفة خااالص الحمد لله

لكن طلع ان في حتة تانية بترشح من تحت الفتيس اعتقد والله اعلم انها كارتيرة الفتيس - هي جنب كارتيرة الموتور هصورها واحط الصورة

**nasroo** · 13-07-2009 09:59 AM

هي المنطقة اللي عليها الدايرة الحمرا دي وبالاخص اللي فوق الصفيحة السودا (انا لسا عامل جوان كارتيرة الفتيس عند خراط ومركبه)

**MMamdouh** · 13-07-2009 11:17 AM

طيب انت عملت كارتيرة عمولة ليه؟؟؟ مهى موجودة عند بتوع قطع الغيار

MMamdouh

**MMamdouh** · 13-07-2009 12:09 PM

انا قصدى جوان الكارتيرة... معلش خطاء مطبعى

جوان الكارتيرة ب 10 فى المحلات

الصورة لجوان الكارتيرة فعلا... و لو الزيت فوقية ممكن يكون التسريب من اويل سيل العقربة مثلا بفرض ان الزيت بيتسرب من نقطه اعلى من جوان الكارتيرة

MMamdouh