الموضوع: حد يقول لي اللي في الصورة ده رشح منين؟

للأسف الترشيح ده برضه جاى من مكان تركيب حافظة الفتيس على مخرج الفلام (الداير بين المكنه والفتيس )............وبرضه الترشيح ده حيكون سببه حاجه من أثنين ( أويل سيل مدخل عمود الدريك بتاع الفتيس .......أو أويل سيل الكرنك الخلفى )

يعني الزيت ده زيت موتور ولا زيت فتيس؟؟؟؟؟؟

اصله لو زيت موتور يبقى ده السبب اللي بيخللي زيت الموتور يقل عند القياس
لكن لو زيت فتيس يبقى زيت الموتور بيتحرق فعلا ومحتاج طقم شنبر
والله يا استاذ سمير انا فاكك الفتيس 3 مرات عشان الاويلسيلات دي (الكرنك الخلفي وزور الفتيس) منهم مرتين الصنايعي واخد مصنعيته كامله 150 في المرة ومرة مادفعتش حاجة عشان اتخنقت بئا
ومش عارف اعمل ايه افكه للمرة الرابعة

اصله لو زيت موتور يبقى ده السبب اللي بيخللي زيت الموتور يقل عند القياس

ده أحتمال .....والمفروض كان يبان التعريق من وراء الحدافه (ساعة ماكان بيغير سيل الكرنك الخلفى )

لكن لو زيت فتيس يبقى زيت الموتور بيتحرق فعلا ومحتاج طقم شنبر

برضه ده تفسير سليم ..........

والله يا استاذ سمير انا فاكك الفتيس 3 مرات عشان الاويلسيلات دي (الكرنك الخلفي وزور الفتيس) منهم مرتين الصنايعي واخد مصنعيته كامله 150 في المرة ومرة مادفعتش حلجة عشان اتخنقت بئا

أنا فاكر أننا أختلفنا فى الموضوع ده قبل كده ( مابين زيت الفتيس وزيت الموتور )....ولازم نعرف ده زيت أيه الأول ......ماتحاول تشوف لونه ( زيت الموتور بيبقى محروق ولونه بنى بعد فتره من أستعماله لأنه بيتعرض لحرارة الموتور والحريق وخلافه .............أما زيت الفتيس حيكون شفاف وواضح ) ولو عندك عينه منه ......ركز معاها شويه لتوضيح اللون بقدر المستطاع ......وبعدين ممكن تلاحظ ....هل لون التسريب بيغمق مع مرور الوقت ....يعنى أول مابتغير زيت المكنه بيبقى التسريب فاتح وبعد كده بيغمق بعد 2000كم مثلا ....وكده حيبقى زيت مكنه

ومش عارف اعمل ايه افكه للمرة الرابعة ولا كده حرام بئا

للأسف لازم .....حيتفك فى يوم من الأيام ( سواء ده من الفتيس أو الموتور )..........وبعدين ....حاول تطمن برضه لكبس الموتور كنوع من الأطمئنان مؤقتا..........قبل ماتفكر فى موضوع الشنبر ....لو كان السحب كويس معاك

المشاركة الأصلية كتبت بواسطة samirayad

وبعدين ....حاول تطمن برضه لكبس الموتور كنوع من الأطمئنان مؤقتا..........قبل ماتفكر فى موضوع الشنبر ....لو كان السحب كويس معاك

انا كبست الموتور من شهر وكان اول بستم 58% لكن الباقيين كويسين من 65 الي 70%
بس هل ترشيح خفيف كده يخليني ازود لتر زيت كل 1500 كم
انا ركزت مع اللون طلع لون اصفر - انا لسا مغير زيت امبارح-

انا كبست الموتور من شهر وكان اول بستم 58% لكن الباقيين كويسين من 65 الي 70%

هو البستم الأولانى كده خفيف وأعتقد أنك تقصد اللى جنب البوبينا بالأولانى ...........تمام كده

بس هل ترشيح خفيف كده يخليني ازود لتر زيت كل 1500 كم

لا كده الكلام يشكك فى المكنه فعلا

انا ركزت مع اللون طلع لون اصفر - انا لسا مغير زيت امبارح-

غالبا كده حتحتاج طقم شنبر فعلا ......بس ياريت تحددللى اللى تقصده بالبستم الأولانى .....من جنب البوبينا ولا الفلتر بتاع الهواء.....أنا شاكك أنك تقصد اللى جنب البوبينا.......منتظر ردك

المشاركة الأصلية كتبت بواسطة samirayad

بس ياريت تحددللى اللى تقصده بالبستم الأولانى .....من جنب البوبينا ولا الفلتر بتاع الهواء.....أنا شاكك أنك تقصد اللى جنب البوبينا.......منتظر ردك

فعلا هو اللي جنب البوبينا