الموضوع: موضوع هام جدا: عايزين نعمل تقييم لتوكيل شركة ميتسوبيشى فى مصر وايه مميزاته وعيوبه

المشاركة الأصلية كتبت بواسطة ak1981

عاوز رأيي

الفنيات هما 9 من 10 ....... كويسين و محترفين و نادرا ما بيعملوا غلطات في شغلهم

الاداريات صفر من 10 ..... نظام الحجز معوق و متنيل بستين نيلة و لازم تروح 8 الصبح ... انا باكره يوم الصيانة زي العمى .... و الشغل بالاوراق و بدون نظام ..... افرض انا عايز اروح الساعة 12 ..... لازم يعني تكدروني و تصحوني بدري يوم الاجازة

الامانة 10 من 10 ...... كذا مرة اسيب لهم العربية فيها حاجات بترجع زي ما هي ...... غير اني كذا مرة اطلب تغيير قطعة معينة اما يكشفوا و يلاقوها كويسة بيرفضوا التغيير


النظام داخل التوكيل و الورشة: صفر من عشرة


سرعة الاداء و الانجاز في الشغل : خمسة من عشرة

الاهتمام بشكوى العميل: صفر من غشرة

التكاليف و اسعار المصنعيات: ثمانية من عشرة ..... اسعارهم مهاودة جدا في شغل الميكانيكا بس غالية شوية في السمكرة و الدوكو

توافر قطع الغيار : تسعة من عشرة

اتفق تماما فى كل النقاط معك باستثناء الاهتمام بشكوى العميل. اديها 6 من 10 لأنهم مش بيهملوا الشكوى لكن ممكن يكون الاكشن من بيحل جذرى

نقطة احب اضيفها و اعتقد حسها كل اللى راح مراكز صيانة الوكيل. و هى ان حجم التوكيل اصغر بكتير من حجم مبيعات متسوبيشى فى الكام سنة الاخيرة. و لولا ان فى ناس كتير كمان مش بتصون فى التوكيل كان التوكيل اتقفل من الزحمة.

نقطة كمان مهمة جدا فى صالح التوكيل و هى المهندس طارق زويل و اللى مش بيتأخر علينا لا بالمعلومات و لا بالخدمات الكريمة و انا شخصيا الراجل ده خدمنى اكتر من مرة و خدمات فى الصميم و لا املك ردها الا بالدعاء له

المشاركة الأصلية كتبت بواسطة ak1981

عاوز رأيي

الفنيات هما 9 من 10 ....... كويسين و محترفين و نادرا ما بيعملوا غلطات في شغلهم

الاداريات صفر من 10 ..... نظام الحجز معوق و متنيل بستين نيلة و لازم تروح 8 الصبح ... انا باكره يوم الصيانة زي العمى .... و الشغل بالاوراق و بدون نظام ..... افرض انا عايز اروح الساعة 12 ..... لازم يعني تكدروني و تصحوني بدري يوم الاجازة

الامانة 10 من 10 ...... كذا مرة اسيب لهم العربية فيها حاجات بترجع زي ما هي ...... غير اني كذا مرة اطلب تغيير قطعة معينة اما يكشفوا و يلاقوها كويسة بيرفضوا التغيير


النظام داخل التوكيل و الورشة: صفر من عشرة


سرعة الاداء و الانجاز في الشغل : خمسة من عشرة

الاهتمام بشكوى العميل: صفر من غشرة

التكاليف و اسعار المصنعيات: ثمانية من عشرة ..... اسعارهم مهاودة جدا في شغل الميكانيكا بس غالية شوية في السمكرة و الدوكو

توافر قطع الغيار : تسعة من عشرة

فعلا متفق معاك فى معظم النقاط

بس الفنيات عاده فى حاجات بتحب تراجعها وراهم ساعات بيعدى عليهم حاجات صغيره بس بصراحه محدش بيتاخر لو طلبت حاجه هما نسيوها وفى ثوانى حد بيعملهالك

الاداريات فعلا سيئه جدا بدايه من طابور الاستقبال الصبح وتحس ان المهندس جاى ساعه وماشى ومستعجل جدا عليك وانت بتشرحله ايه المشكله والعربيه جوا متلاقيش حد تسأله ايه الوضع او حتى لما تبقى عايز المهندس المسؤول عن شغل السمكره او خلافه تقعد تلف وراه فى المركز الموضوع محتاج نظاام وطبعا موضوع الحجز اللى شغال باللى يلحق

موضوع الامانه مجربتش بس عده العربيه وخلافه الناس زى الفل وعمرى ما ضاع منى حاجه هناك

السرعه كويسه الى حد ما لكن محدش بيقول فاضل قد ايه وعاده عربيتك تخلص ومفيش حد ينده عليك ولما تسأل بالصدفه تلاقيها خلصت

الاهتمام بالشكوى ساعه التسليم عاده بتهمل الشكاوى لكن بعد الصيانه بيتم معالجتها وطبعا للأسف ده عيب يضايق قوى

اكتر حاجه تغيظ بقا عدم النظافه فى الشغل سواء العربيه اللى بتخرج فيها شحم وعليها اثار الشغل او انها اساسا مبتتغسلش ولا بتتمسح حتى جوا ولو عايز تغسل العربيه ليها حساب لوحدها ودى نقطه عيب قوى قوى قوى خصوصا انهم بياخدو مبالغ كبيره فى الصيانه

وحاجه كمان الاستراحه مش مكان مريح تقدر تقعد فيه مثلا 5 ولا 6 ساعات على ما عربيتك تخلص ده غير الاستغلال الجامد فى كافتيريا الاستراحه

وطبعا شكل المركز العام اللى تحس انك داخل مركز صيانه جرارات أبو العلا مش مركز صيانه شركه يابانى محترمه