شكرا قوي لردك
بس هو التكلفه فين بالظبط ؟؟
مش هو كابل و برنامج علي الكمبيوتر ؟؟
عرض للطباعة
شكرا قوي لردك
بس هو التكلفه فين بالظبط ؟؟
مش هو كابل و برنامج علي الكمبيوتر ؟؟
تحذيـــــر هــــــــــــام .. للأخ عبد المقصـود
الراجل بتاع العاشر اللي قلتلي عليه طلع نصاب !!
ما تعملش عنده حاجه غير اللي انت عارفه و عارف عاوز تعمله ازاي !!
غير كده هو كل همه انه يقنعك بمشاكل في عربيتك مش موجوده و يشتغلك بالكمبيوتر و الكبل الوايرلس اللي جايبه عشان يلبسك شوية حاجات استيراد من العربية السنغافوري اللي متلقحة عنده و خصوصا الحساسات
حسبي الله و هو نعم الوكيل فيه
ولا تعديل ولا حاجة !! انا كنت ناوي أعمل التعديل بعد ما اصلح عنده أي حاجة بسيطة و اتعرف عليه.
.
كانت العربية مخنوقة كده و خصوصا لما اسحب جامد و في السرعات العالية .. و قالولي اكشف علي موتور طرمبة البنزين
و كشفت عنده و قاللي ضعيف و ركبت واحد تاني .. ماحستش بفرق قوي علي الرغم من اني شفت ان ضغط الموتور الجديد للبنزين مع الكونتاكت أفضل .. بس لسه مخنوقة !!
ركب الجهاز و عمل شوية حركات و قاللي حساس الأوكسجيـــــن !!
و أكدلي ان ده السبب و لحسن حظي عنده واحد استيراد ب 350 جنيـــه !!
و سيب العربية ساعة روح مشوارك و تعالي تاني
.
رحت و رجعت و لقيتها فعلا تمام .. و دفهت 450 جنية و مشيت
و بالصدفة بعد كام يوم لقيت خرطوم الهوا اللي جاي من عند الشبكة لعلبة الفلتر بالوصلة مش موجـــــود !!
سألته هو فين ؟
قال عندي !
و تأكدت بعد كده ان العربية كانت مخنوقة عشان كان مسدود و مش بيدخل هوا كتير .. و لبست حساس مالوش لازمه .. و كسرلي فيشة الحساس القديم و مابقاش ينفع يركب .. و يعتبر كان نصب عليا في ان العيب كان في حاجة تانية .. و سرق الخرطوم بالوصلة بتوعي و تمنهم في التوكيل 600 جنيه ( و ممكن أركب خرطوم تاني بس حراري..لو تعرف تساعدني قوللي ) من غير ما يقوللي
.
بس ياسيدي .. و ربنا كبيـــر
لا حول ولا قوة إلا بالله......
طيب ما ترجعله تانى و تقوله يا باشا.....و خد منه الخرطوم المسدود و قوله يركبلك الحساس القديم......لو لقى الفيشة مكسورة يبقى يتصرف بقى......أو يرجعلك فلوسك.
ما فيش فائده من الكلام
مانا رجعتله فعلا .. ( خدت الوصلة و الأفيز الأصلي و حابقي أركب خرطوم حراري ) و حاول يقنعني انه قال ايه نسي و إن الحساس قال ايه لو مش بايظ فيحفرق معايا الاتيراد برضه !!
فسبيت له و عملتله فضيحة علي باب المحل .. و بافكر اخلي أخويا يبعث البوكس ياخده كده فسحة :3mla:
بس تصدقوا بجد حسيت بأن لي أصحاب و أخوات جداد ؟؟
مع اني كنت حالف يمين نقضيها تعارف نت بس .. ( نظام u've got mail ) بس شكلي اشتقت اشوفكو !!