الموضوع: ارجو الافادههههههههههههههههههه هههههه

الاملاح غالبا السبب غير القواطش خليها نحاس و هتدور معاك و ما دام البطارية بقالها ست اشهر تبقى لسة في الضمان ممكن تغيرها

شكرا ليك جداااااااااااااا بس ممكن اعرف ايه القطاوش ديه احسن انا لسا مبتدى

نسيت اقول ان الكاسيت مبقاش يشتغل حتى بعد مزوق العربيه وتدور

القاوطش هي الكابلات
بالنسبة لموضوع الكاسيت يبقى البطارية شحنها ضعيف جدا اتاكد الاول على شحن الدبنامو لو سليم تبقى البطارية بايظة و من حقك تغييرها

اولا انا بشرك حضرتك جداااااااا وشكلك ماشاء الله فاهم اوى فياريت تساعدنى لانك اكيد عارف الصنيعيه وجشعهم لما باجى ادور فيه تكه بسمفيش صوت للماتور خالص تتزق حته بسيطه اوى كدا تقوم دايره وماشيه كويسه واسيبها مثا فى الشغل ساعه انزل ادورها عادى خالص وامشى لما اسيبها اكتر تقريبا من 6 ساعات تعمل كدا انا كنت مسافر بالعربيه من فتره وكانت قبليها مبتعملش كدا فهل دا من السفر وحكايه الكاسيت فهوا حتى لما تتزق وامشى مبيشتغلش شكرا لحضرتك مقدما

وفعلا البطاريه من فتره كان عليها املاح كتيررررررررررررررررررررر

المشاركة الأصلية كتبت بواسطة semsem kane

شوف لو البطارية بتعملة صوت (تكة) عند بداية التدوير يبقى مارش,لائما البطارية عليها املاح كتير ومش بتلقط من اول مرة,
ولو بتدور بالعافية يعنى تبقى سامع صوت المحرك وهو بيحاول يدور بس مافيش جهد كفاية عشان يدورة يبقى البطارية ضعيفة ,او البوجيهات بتجيب اخرها ,او الابلاتين والكوندنسر عايزين يتغيروا,وبردة اكشف على قوة الموبينة
دية الحالات اللى بتبقى فيها العربية مش عايزة تدور
وانا مش عارف الصوت اللى انت بتسمعة انهى واحد فيهم لانك ماذكرتش دة
بس حاول تقيس قوة الدينامو عشان حرام يبوظلك البطارية وهية جديدة
وحكاية الكاسيت مش هيتاثر كدة اوى طالما الماتور اشتغل يبقى لازم الكاسيت يشتغل ,راجع بس على وصلاتة

ما دام الكاسيت مبيشتغلش يبقى المفروض نستبعد المارش و تبقلى المشكلة ياما في البطارية ياما في الدينامو
على فكرة مش معنى ان العربية دارت يبقى المفروض كل حاجة تشتغل عكس ما يتخيلة الناس الموتور اقل حمل على البطارية اكثر حاجة تبهدل البطارية هي الانوار و و الجي ام و التكييف والكاسيت يعني لو الدينامو مبيشحنش و العربية ماشية على شحن البطارية بس ممكن تفضل ماشي بيها 3-او 4 ايام لو مشغلتش الكاسيت و الانوار و الكلام دة