!!!! آخر صيحات فوانيس الانسر روعه !!!!

**Nader** · 12-10-2007 11:42 PM

بس انا شفت رنجات اجمد من ديه بصراحه .....شفتها في عربيه لانسر

بس دول مش رينجات اصلاً يا عمرو دول لنسس، الرينجات حاجة تانية

**إسلام شاهين** · 13-10-2007 12:09 AM

والله يا جملعه أنا شايفهم جامدين جدا وبعدين لو جبتهم ممكن محتاجش أجيب الزينون .

الستاير ديه يا سمسم بتركب على الزجاج ورا وقدام لأناه بتشد وتتفتح وتتقفل عادي يعني .

منين بقه الله أعلم وبرضه بكام الله أعلم بس أنا هسأله وأعرف منه .

يا دكتور تصدق أنا كل لما روح هناك أسيب فلوسي في البيت لأني لو رحت بيهم مش هروح بمليم في جيبي .

ده لسه ماقلتلكوش على الفاميه الحراري اللي بيمتص أشعه الشمس ومن غير لون راكب في نفس العربية ديه على البربريز الأمامي والخلفي والأربع شبابيك تحفه تحفه مش باين خالص ولما تقعد جوه العربية في الشمس متحسش بحاجة خالص المشكلة برضه في ثمنهم 500 جنيه للعربية كلها :( :( :( :(

**hazem_khidr** · 13-10-2007 12:30 AM

جامدين يا اسلام باشا.
طب هما صناعه ايه؟؟؟
اللي خايف منه انهم يطلعو صيني مثلا و بعدين يبقي مقاومتهم للخرابيش مش عاليه بعد فتره تبدأ يتخربش و يبقي شكلهم وحش.
و بعدين مش رخاص و لو ركبتهم حتحتاج تركب زينون علشان ينطقهم يعني كدخ دخلنا في 3000 جنيه علي اقل تقدير.
غير بقي لا قدر الله لو طوبه جات في فانوس منهم حتزعل اوي.
من رايي تستني كمان شهرين تلاته و تشوفهم حيبقو شكلهم عامل ازاي علي العربيه اللانسر دي لو شكلهم لسه جديد و مش متخربشين اتوكل علي الله و هاتهم حتي يكونور رخصوا شويه و تكون استمتعت بالفيميه اللي لسه عامله .
يعني قصدي ان كمان كام شهر علي ما تزهق من شكل العربيه و عاوز تجدد حاجه نجيبهم ساعتها منها يكون سعرهم اقل و منهها يكون شفناهم علي اللانسر النبيتي اخبارهم ايه و حالتهم عامله ازاي و منها يكون الفيميه اللي عندك قدم شويه ساعتها نفكر بشكل اوضح :shock:

**م/محمد صلاح** · 13-10-2007 04:26 AM

الفوانيس دى جامده دا يا سمسم وهاتبقى على لون عربيتك تحفه
وتمنهم انا شايف انه مش غالى
لان زى ماقال نادر انهم بتمن الزينون وكمان اللنسس متظبطين صح والتقسيمه اللى فيهم روعه
انا نفسى ان شاء الله لما اجيب السيفيك بعد العيد ان شاء الله ابقى اظبطها زى مانتا مظبط عربيتك بس خايف اخرج من الضمان زى مالناس بتقول عن الفطيم ان اى حاجه تتعمل فى العربيه تخرجها من الضمان

انا بقول تتكل على الله وتجيبهم

**Dr Ahmed** · 13-10-2007 04:51 AM

والله العظيم تبقى غلطان لو جبتهم يا إسلام ...

دايبقى إسراف وفلوس على الأرض.... العربية زى الفل وكفاية كده... كفاية آلافات .. فيه حاجات كتير أولى.. وإذا مكانش فيه دلوقت بكره يبقى فيه..

**Hisham_ElFeky** · 13-10-2007 05:07 AM

الستاير عملية جدا يا تري سعرها كام ؟

**Ahmed Samy** · 13-10-2007 05:21 AM

أنا مركب الستاير دي من سنة تقريبا ب300 جنية في المنصورة
بس هايلة فعلا لسة بحالتها تقريبا مع اني ساعات بسافر و هي مشدودة على الزجاج و بكون فاتحه بس لسة سليمة
أسلام هو سبير كار ده فين بالضبط علشان عايز أركب الفيميه الحراري ده لأنه أرخص من V-Cool

**hazem_khidr** · 13-10-2007 06:31 AM

راي اخر يا اسلام باشا نسيت اكتبه.
الفوانيس دي لو اتحطط علي عربيتك من غير جنوط حيبقي مالهاش لازمه يبقي الاول تيجي الجنوط و بعدها نفكر في الفوانيس بعد كام ششهر