افيدونى فى رينو كليو هاتشباك 2003 سريعا

**ahmed1_com** · 05-07-2009 11:50 PM

ازيكم يا شباب رينو ياريت اى حد يعر ف تفاصيل عن رينو كليو هاتشباك موديل 2003 الشكل القديم موتورها 1400cc

انا قدامى واحده 2003 كويسه وحالتها نضيفه وهى بس انا خايق منها لانى سمعت انها مفيش منها 1400 كلها 1200 وكمان خايف من قطع الغيار ياريت تفيدونى سريعا عشان انا نازل اخلص فيها بكره وهى لو نضيفه تعملها كام ياريت اعرف كل التفاصيل سريعا وشكرا

**ahmed1_com** · 06-07-2009 02:01 AM

ياريت حد يفدنى ضرورى على الموضوع ده

**akmal_hamdi** · 06-07-2009 03:34 AM

لازم تكشف عليها فى التوكيل الأول و بعد كده تشوف ان كنت حتخدها ولا لأ و اول مره اسمع عن 2003 1400سى سى جديده دى بالنسبه ليا

**عمرو عمارة** · 06-07-2009 10:25 AM

المشاركة الأصلية كتبت بواسطة akmal_hamdi

اول مره اسمع عن 2003 1400سى سى جديده دى بالنسبه ليا

إيه يا كوتش إنت مش مذاكر ولا إيه !!؟؟

فعلاً في هاتشباك فرنساوي 1400سي سي وقليلة أوي

بص يا باشا الموتور بتاعها هو هو بتاع السيدان الـ2001 والـ2005 وقطع غياره متوفرة جديد وإستيراد وأعتقد باقي قطع الغيار هتكون زي فئة السيدان معاده الفوانيس الخلفية

هي لو حالتها نظيفة أعتقد تعمل في حدود 43ألف

وفقق الله

**Amr_Moh** · 06-07-2009 01:53 PM

is it 16v or 8v only?

**momo10000** · 06-07-2009 03:27 PM

انا عندي حد حيموت علي العربية دي ... لو مش حخلص فيها لو سمحت اديني تفاصيلها.

**ahmed1_com** · 06-07-2009 03:28 PM

شكرا ليكم يا شباب وياريت تساعدونى فى العربيه دى

على ما اظن 16 v فى حاجه كمان هى الشكل القديم وموديل 2003 معرفش ازاى فهل قطع غيار الشكل القديم متوفره كفوانيس ورفارف

العربيه فبريكه بره وجوه وماشيه 100 الف كيلو وحالتها كصاج وفرش فابريكه زى الفل تيجى بقى على المشكله الكبيره

والمشكله دى عايز رايكم فيها الموتو لما جيت ادوره لقيت رجه جامده قوى فى العربيه راسح صاحبها قالى بوجيهات بس لو بوجيهات ميبقاش فى الرجه دى خالص ده لو شغاله حتى على 3 بوجيهات متعملش كده وبعد كده جيت اشغل التكيف راح الموتور قعد يرج جامد جدا وراحت قفله لوحدها فا ايه رايكم فى الموضوع ده انا فى ناس بتقلى ده ممكن تكون محتاجه وش سلندر

فا انتو ايه رايكم وكمان لو رحت اكشف عليها اكشف عليها فى بنزينه ولا اوديها التوكيل ولو ودتها التوكيل الكشف عندهم بكام

**عمرو عمارة** · 06-07-2009 03:49 PM

طالاما الموضوع فيه موتور و رجة جامدة الأحسن طبعاً توكيل.....بس سعر الكشف غالى ( أعتقد 500جم ) وفي الأخر هي عربية كليو....مش قصة يعني زي الميجان

الحل التاني وده أنا برجحهُ إنك توديها للميكانيكي الي أنا بتعامل معاه في كل شىء وهايجبلك أرار العربية دي ويفصلهالك حتة حتة.......لو عايز أبعتلك العنوان

**ahmed1_com** · 06-07-2009 04:07 PM

مشكور يا عمر وياريت تبعتلى العنوان بس انت ايه رايك فى العربيه والموضوع بتاع الموتور ده من وجهة نظرك وهل العربيه دى كويسه ولا ايه

**عمرو عمارة** · 06-07-2009 04:18 PM

أسباب الرجة كتير....ممكن قواعد موتور...قواعد فتيس...بوجيهات...بوابة عايزة تنظيف...صباب في مشكلة.....إلخ

إنت بس وديها عنده وهو إن شاء الله هايفصصهالك
في الحرفيين فيه شارع رئيسي الي فيه بتوع قطع الغيار.....هاتمشي فيه لأخره وهاتلاقي نازلة جامدة....إنزل وكمل على طول لحد أخر الشارع خالص....هاتلاقي على الشمال ورشة سمكرة عليها علامة فولكس كبيرة....بعديها بكام عمارة على اليمين هاتلاقي ورشة كده مالهاش أي ملامح وعليها علامة رينو

الميكانيكي إسمه محمد الشرقاوي...رقم موبايله 0104667284

الموضوع: افيدونى فى رينو كليو هاتشباك 2003 سريعا

LinkBack

أدوات الموضوع

عرض

-

-

-

-

-

-

المواضيع المتشابهه

مطلوب رينو كليو هاتشباك 2002،2003

رينو كليو هاتشباك 2010.......

رينو كليو هاتشباك او سيدان

افيدونى سريعا رينو كليو ولا فيات بيترا

كليو هاتشباك 2003 فرنساوي

الكلمات الدلالية لهذا الموضوع

المفضلات

المفضلات

ضوابط المشاركة