الموضوع: النموذج التركى ! ر أيك إيه ...

طب و ايه رأيك في النموذج العباسي و لا الاموي و لا النبوي ؟؟؟ و الله الواحد بيقول الحمد لله ان الاسلام نزل على العرب اولا لانهم لو مكنش نزل عليهم كانوا اخر ناس ممكن يآمنوا بيه .... لو احنا عندنا ارادة للتقدم و الناس اللي فوق هيئوا جو مناسب ... صدقني هنعدي تركيا بمراحل بس احنا عمالين ندور على اي حاجة نعلق عليها خيبتنا ... شوية نقول الحجاب و شوية الفقر و شوية اسرائيل و امريكا ... ظروفنا مش هتكون اصعب من اليابان بعد الحرب العالمية التانية ... اللي عايز يعمل حاجة بيعملها

المشاركة الأصلية كتبت بواسطة mohamed_rashad;946412[font=tahoma

«.. بعد أن «تغلغل الشيوخ» فى تفاصيل حياتنا اليومية.. وبعد أن انتشرت الخرافات، «وعمت» الخزعبلات.. «وتغيب» العقل التركى عن الاجتهاد والإبداع.. وبعد أن غرقنا فى بحر «الفتاوى».. وتاه الناس فى دروب الجهل والتخلف، ومن أجل بناء نهضة حقيقة.. وتأسيس دولة عصرية فقد قررنا:
«أن تصبح تركيا دولة «علمانية».. تفصل بين الدين والدولة».. وهذا يستلزم:
(١) تحويل المدارس الدينية إلى مدارس مدنية.
(٢) إلغاء وزارة الأوقاف.. وغلق المحاكم الشرعية.
(٣) استخدام الأبجدية اللاتينية بدلاً من الأبجدية التركية فى الكتابة.
(٤) إنشاء دستور مدنى.. مع إدخال قانون العقوبات، والقانون التجارى والمدنى.
(٥) إلغاء الخلافة الإسلامية.. ومنع ارتداء الجلباب والطربوش، والخمار.. وأن تكون «العمامة» لرجال الدين فقط.
(٦) استبدال التقويم الهجرى بالتقويم الغربى.
(٧) «تمكين» المرأة فى المجتمع.. بأن يكون لها وضع قانونى مساو للرجل فى حق العمل والترشيح والتصويت والمشاركة.
ولثقة الشعب المفرطة فى الزعيم «مصطفى كمال»، فقد تجاوبوا بشكل ملحوظ.. ولم يجد المعارضون بداً من الانصياع للنظام الجديد بعد أن تم التنكيل ببعض المناوئين والمستفيدين من خلط الدين بالسياسة.. والمتاجرين بعقول البسطاء، والمتربحين من حالة الجهل والفقر والتخلف التى كانت سائدة فى ذلك الوقت!
وخلال ١٥ سنة.. انتقلت تركيا من حياة القرون الوسطى إلى «الحداثة» والتحضر.. وبعد مرور أكثر من ٨٠ سنة على تجربة النظام العلمانى الذى احترم الدين الإسلامى بإبعاده عن المهاترات السياسية.. فمازال الأتراك يتمسكون بدينهم، ويؤمنون بأن «العلمانية» هى الطريق السليم والصحيح رغم محاولات بعض الأحزاب أحياناً العودة بالمجتمع إلى الوراء!!
«تركيا».. ليست الدولة الإسلامية الوحيدة التى اتخذت من «العلمانية» أساساً للنهضة والتحديث.. فهناك «ماليزيا» أيضاً والتى انطلقت على يد «مهاتير محمد» والذى أعلن فى أول يوم من توليه السلطة بأنه «مسلم علمانى» فجعل من بلاده «نمراً» أسيوياً، ونموذجاً يحتذى به!!
والسؤال الآن:
هل «العلمانية» بمعنى فصل الدين عن السياسة.. هى الحل والمخرج مما نحن فيه الآن من وضع مطابق لما كانت عليه «ماليزيا» قبل مهاتير محمد.. و«تركيا» قبل «أتاتورك»؟
ومن أين نأتى بمثل هذا «الأب الروحى» الذى يمكن أن يثق فيه المصريون؟

المصري اليوم
[/font]

انا بس عاوز اعلق على جزئيه موضوع العلمانيه
العلمانيه ليست و لن تكون حلا لمشاكلنا
المشكله هى فى شعبنا فقط ليس الا
والمشكله مش فى فصل الدين عن الدوله المشكله هى انه تقريبا لا يوجد دين عشان نفصله عن اى حاجه
لكن الدين فى الاساس مرتبط بكل شؤون حياتنا و هو سبب تقدمنا لو اتمسكنا بيه و سبب التخلف اللى احنا فيه دلوقتى ان احنا سايبينه
"تركت فيكم ما إن تمسكتم به لن تضلوا من بعدي، كتاب الله وسنتي"
واتاتورك دا لعنه الله عليه اللى عمله مفهوش نوع من البطوله ولا انه انسان كويس
انما يدل على انه انسان عديم الدين باسقاطه الخلافه الاسلاميه بدل من احيائها

سمعت من لسان واحد شاب دخل مره المكان اللى هو بتاع الناس بتوه الله حى الله حى ويقولك هاتلى ارنب وادبحه وهاتلى مش عارف ايه وايه بتوع الدجل والشعوذه دول وكان بيقول الشاب ده ان معظم الناس اللى لاقاهم هناك (رتب كبيره فى الشرطه والجيش ورجال اعمل كبار وممثلين ومغنيين وشخصيات كبيره وبودى جاردات معاهم والشغل ده !!!!!
ازاى بقى نحكم اذا كان خلط ديننا بالسياسه صحيح ولا لا واحنا اصلا لسه ماعملناش كده

المشاركة الأصلية كتبت بواسطة Mohamed_Rashad

(١) تحويل المدارس الدينية إلى مدارس مدنية.
(٢) إلغاء وزارة الأوقاف.. وغلق المحاكم الشرعية.
(٣) استخدام الأبجدية اللاتينية بدلاً من الأبجدية التركية فى الكتابة.
(٤) إنشاء دستور مدنى.. مع إدخال قانون العقوبات، والقانون التجارى والمدنى.
(٥) إلغاء الخلافة الإسلامية.. ومنع ارتداء الجلباب والطربوش، والخمار.. وأن تكون «العمامة» لرجال الدين فقط.
(٦) استبدال التقويم الهجرى بالتقويم الغربى.
(٧) «تمكين» المرأة فى المجتمع.. بأن يكون لها وضع قانونى مساو للرجل فى حق العمل والترشيح والتصويت والمشاركة.المصري اليوم

وممكن نضيف عدة نقاط برضه عشان التقدم وهى عدم اكل البطاطس مقلية او فى الفرن تؤكل مهروسة فقط لان هذا يسبب التخلف والرجعية
ممنوع اكل البطاطا نهائيا
الطماطم متتحطش فى السلطة
البطيخ لا يؤكل مع سندويتش الجبنة
واخيرا الملح لازم يتحط فى الشاى والسكر على الملوخية

حتسألوا ايه علاقة دا بالتقدم

حقولكوا هو نفس علاقة الغاء التقويم الهجرى والحجاب او النقاب والغاء الحروف العربية ومنع ارتداء الجلباب والغاء المدارس الدينية وغيرها بعملية التقدم التركية

طب خلينا نعرض الموضوع بصورة تانية
هو ليه كل مايكون فيه حاجة ماشية صح بصورة شرعها الاسلام بنلاقى كل دول العالم بيبقوا ضدها (ابسطها طريقة الذبح وحكم الاعدام ......) هما مالهم همه
من وجهة اخرى هل الدولتين المذكورتين وصلوا لهذا النجاح هل السبب الحقيقى فعلا تلك عشان الاسباب اللى ذكرها صاحب المقال فى الجريدة ام ان هاتان الدولتان لاقتا ترحيبا من الخارج وبدعم كبير وصلوا الى ذلك

طيب سؤال

ماهو المقصود بالتحضر؟ ان كان التحضر المادى فهذا لا يحتاج لدين لتطبيقه
فتحضر العالم كله تحضر مادى ويعتمد على اسباب يأخذها الفرد ليس لها اى علاقة بالدين اطلاقا
فعند الغرب اتقان العمل والاستيقاظ مبكرا والعمل عمل ووقت اللهو لهو والدقة والمهارة كلها اشياء لا تحتاج الى دين

وبمثال صغير ممكن تلاقى واحد كهربائى وماهر جدا ومشهور ومتقن لعمله ومبيصليش (وارد جدا هذا المثال)

لكن نشوف بقى الجزء التانى من التقدم والحضارة
الغرب يعانى كثيرا من الامراض النفسية وهذا ملاحظ جدا فى كم الادوية النفسية التى يأخذها ومضادات الاكتئاب وغيرها (عرض جانبى للحضارة المادية)
الغاية تبرر الوسيلة لعدم اليقين فى المستقبل والخوف منه وعدم ضمان الرزق (عرض اخر للحضارة المادية)
كم حوادث الاغتصاب بالرغم من الحرية الجنسية
ظهور الشذوذ الجنسى وانتشار الدعارة والجهر بها والمناداة بمشروعيتها
والاغرب شرب الخمور بعد ملايين الدراسات التى اثبتت ما للخمور من اضرار على الكبد والكلى وتاثيرها على الادوية العلاجية

يبقى المفروض لما المقال يتكتب صح لازم يعرض كل الجوانب علشان انا اقدر احكم هل انا عاوز الحضارة دى ولا لأ

والا يبقى صاحب المقال دا عمل زى اعلانات المصرية للسيارات (اعلانات هالا هالا ومن جوه يع يع)

طب سؤال اخير كمان طالما ان الحضارة المادية قائمة على اشياء يدعو لها الدين مثل اتقان العمل والدقة وغيرها طب ليه هما تقدموا واحنا اللى عندنا الدين يدعو لكده متقدمناش

لان الامة الاسلامية دى مقدر لها انها ستملك زمام المبادرة (والتمكين) من جديد فى يوم ما ولكن من طريق واحد فقط من مظاهر هذا الطريق ان تجد الشخص يتقن عمله وهدفه الاساسى هو ارضاء الله وابتغاء الاخرة ( اما الغرب فالاتقان عند الشخص هناك ليس له الا ان يجد ثمرته تتحقق امامه فى الدنيا فقط اما نحن فنعمل رجاء الثواب فى الاخرة ) ولذلك كلما ظهر اى علامة من ذلك نجد الغرب سرعان مايحاول ان يهدمها سريعا باى وسيلة وهو بان يقوم بافشالها ثم يلوح بالنموذج التركى وكيف تتقدم ونحن مازلنا فى تخلفنا لكى يجعلنا نعيد حساباتنا مرة اخرى لنرمى بأنفسنا فى احضان التجربة التركية وساعتها يقدم لنا كل وسائل الدعم حتى نصير مثلهم
كما قال الله تعالى (ولن ترضى عنك اليهود ولا النصارى حتى تتبع ملتهم قل ان هدى الله هو الهدى) ونحيد عن التقدم الذى يريده الاسلام لنا راحة فى الدنيا والاخرة لنلجأ الى التقدم المادى الذى من ظاهره رحمة وباطنه عذاب


ولو انى لغاية دلوقتى مش عارف ايه علاقة ان الراجل يكون لابس جلبية بالتقدم
يمكن دا له علاقة بالبطاطس

أنا مع علمانية ماليزيا ........ و جزء من علمانية تركيا .

علمانية تركيا هي تقليد أعمى لعلمانية الغرب .
و بالعكس علمانية ماليزيا هي علمانية إسلامية ......

مش عارف الناس دايما تساوي العلمانية بالكفر !!!!!!!!!!!!!!

علمانية آتت من كلمة علم دنيا ......... و علم الدين لتهذيب الأخلاق .

إذن التطبيق الصحيح للإسلام هو العلمانية في حد ذاتها بعيد عن فتاوى القهاوي و كل واحد لسة عاملي فيها شيخ أول أمبارح .

علشان أحنا بنعيش حالة من حالات التأليف الديني أو التطرف في الرأي أو التفسير على المزاج ...........
و بعدين ما أحنا دولة علمانية تقريبا ......... بس كله على الورق ..... زي الديمقراطية برضه !!!!!!!!!