امبارح وانا باتفرج على ماتش رواندا في الاستراحة جابوا اعلان عن دوا جنسي للراجل ، عبارة عن راجل داخل على مراته بشالية صبار
حد شافه بس الاول قبل ما نتكلم ؟؟؟
عرض للطباعة
امبارح وانا باتفرج على ماتش رواندا في الاستراحة جابوا اعلان عن دوا جنسي للراجل ، عبارة عن راجل داخل على مراته بشالية صبار
حد شافه بس الاول قبل ما نتكلم ؟؟؟
انا مش عارف ايه الاعلانات دى خلاص هي معدش في رجاله ولا ايه
للأسف شوفتها
و كنت فى قمة الاحراج
و الحمد لله كنت باتفرج لوحدى
---
انه اعلان فى سلسلة اعلانات المسمار و الشاليمون
و كله كوم و الاعلان اللى كان خلفيته موسيقى
اغنية خلى السلاح صاحى
كان برضه اعلان سعودى عن منتج على ما اتذكر اسمه سنافى
و كان مجمل الاعلان ان الزوجه تقول لأبنها ابوك عنده واجب اليوم
و سمعت ان تم منعه
انما احنا
للدرجه دى وصلنا لكده
-
انا اتذكر زمان اعلانات تنظيم الاسرة
نورمنست حديد و ......
بس كانت كلمتين بصوت مذيعه مشهورة ساعتها و خلاص
مش مناظر و ايحاءات
شفته طبعا,والله يا اخى حاجه قمه فى قله الادب ,والايحاءات الجنسيه الرخيصه بلا اى داعى.ممكن فكره الاعلان توصل بدون الحركات والايحاءات المثيره دى.
وطبعا كنت فى البيت معايا امى والاسره كلها حاجه تكسف.
حسبنا الله ونعم الوكيل
اعتقد كان اسمه
eric
و بصرف النظر عن السفالة و قلة الادب المبتذلة .. الاعلان حتى دمه تقيل جدا و ممثلين عايزين الحرق !
يا جماعة انا قلتها قبل كده
دي عالم نصابة
منتجات مضروبة
ده لو منتج معروف كويس مكانش محتاج دعاية
دي كلها مكاشب شركات دعايا وشركات أدوية تعبانة
فينك يارقابة
انت مش شايف ان المكان ده مش المناسب لمناقشة موضوع زي ده
انت عارف فيه اخوات فضليات معانا هنا في المنتدى
دى بقت العن من اعلانات 0900 !
شوية فايركتا و شوية ايريك و شوية ( منتج اسمه شبيه للفياجرا بالظبط ) .
و فى اعلانات ممنوعة من العرض اقذر من كده .
اللى خلا الناس تصدق الاعلانات التجارية المستفزة الهابطة بتاعت 0900 و الكلام الاهبل دا .
يبقي مش هتصدق الادوية دى !
اعلان قذر و سافل و برضه انا من رأيي مش المكان المناسب لمناقشة الموضوع عشان الاخوات
الموضوع مش موضوع منتجات مضروبه خالص
الشركات دى بتعمل الأعلانات السافله دى و بينافسوا بعض خصوصا بعد ما مده ال Patent بتاعه الفياجرا خلصت و بقى من حق اى شركه ادويه تستورد نفس الماده الخام و تصنعها و تبيعها تحت مسميات اخرى كل ده مفيهوش مشكله
المشكله فى مدى التنافس فى السفاله !!!
لما كانت فياجرا بتعمل اعلانات كانت رمزيه و مفيهاش اى ايحائات فاضحه عكس اعلانات المنتجات المصريه اللى كلها قلت ادب صريحه
الماده الخام هيا هيا
هوا حضرتك مقرتش ردى ولا ايه ؟؟؟
مقلت لحضرتك ان فتره ال patent بتاعه الفيجرا خلصت و بقى اى حد ممكن يصنع الماده الخام او يستوردها و يصنع الدواء بشرط ان يكون بأسم اخر غير الأسم الأصلى
و كل الشركات فى مصر بتستورد المواد الخام مش بتصنعها و 90 % من هذه المواد الخام بتيجى من دول شرق اسيا بأسعار اقل من الدول الأوروبيه
وده مش معناه انها وحشه او مفيهاش مواد فعاله بالعكس هيا هيا نفس الماده و بتركيز اكبر كمان و بسعر اقل بكتير لرخص الأيدى العامله فى هذه الدول
عرفت فرق السعر جاى منين !!!!
ده لا يمنع ان فى مواد خام اخرى لازم تيجى من اوروبا او الدول صاحبه براءه الأختراع للدواء وده بيبقى بسبب
- اما فتره الحمايه بتاعته مخلصتش و هيا تقريبا فى الأدويه بتبقى حوالى 10 سنين
- و اما الماده الخام ليها تكنولوجيا معينه لسه متوصلولهاش فى دول شرق اسيا
الكلام ده من دكاتره و صيدلانيين اصدقائى
يعنى مفيش حاجه فى الأدويه اسمها منتجات عم عبده ده دواء يعنى ممكن لا قدر الله يؤدى بحياه انسان
أى دواء بيطلع لازم ياخد موافقه من وزاره الصحه برقم معين و بعد عمل التحاليل و الفحوصات على المواد الفعاله و كل الأدويه اللى احنا بنتكلم عليها دى واخده موافقات
انتا عارف هيا عامله زى ايه ؟؟
ببساطه كده لو اشتريت مثلا تلفزيون سونى يابانى اكيد هيكون اغلى من السونى الأندونيسى طبعا مش كده !! مع ان الأثنين سونى ونفس الموديل
ارجو ان تكون الصوره وضحت
أنا رأيى يا جماعة إنكم ابتديتوا تطلعوا بره الموضوع خالص و بعدين بدل ما المناقشة كانت على إسفاف و قباحة الإعلان اللى أنا ما شفتوش أصلا و إيحاءاته بقى الكلام على المادة الفعالة و فعالية الدواء و رخصه و غلاه
ركزوا يا جماعة شوية ده حتى المناقشة لما مسارها اتغير بقت محرجة أكتر من الإعلان