الأصل مبيبانش غير فى المواقف اللى زى دى
أبسط حاجة اى حد من الناس الجدعان يقولها قبل ما يعمل حاجة زى دى هيا "ينوبك ثواب"
المواقف دى بتعلم مع الواحد جدا وبيحاول يردها مع أى حد يقدر يقدملة مساعدة
عرض للطباعة
الأصل مبيبانش غير فى المواقف اللى زى دى
أبسط حاجة اى حد من الناس الجدعان يقولها قبل ما يعمل حاجة زى دى هيا "ينوبك ثواب"
المواقف دى بتعلم مع الواحد جدا وبيحاول يردها مع أى حد يقدر يقدملة مساعدة
مواقف جميلة يا نور نابعة من المصرى الأصيل
و أنا أبصم بالعشرة ان احنا شعب كريم جدااااااااااا و لسة عندنا جدعنة و شهامة ولاد البلد
بس الظروف اللى الناس عايشاها هى اللى مخلياهم بيلفوا حوالين نفسهم و يتجهوا الى السلبية
بس حتى الانسان اللى احنا بنقول عليه سلبى ده حُطيه فى أى موقف محتاج واحد فيه مساعدة هتلاقيه أول واحد بيمد ايده
الله عليك يا مصر و على خير ولادك
الخير سيظل موجود في الامة الى قيام الساعة
لكن دايما الشر بيلفت الانظار اليه وقد يعتقد البعض ان الخير اصبح غير موجود ....
لكن يشاء الله ان تحدث مواقف مثل هذا لكي يبقى الامل موجودا .....
شكرا يانور على الموضوع اللي بعث الامل في نفوسنا في خضم اليأس المسيطر
ياجماعة مصر لسه بخير ورجالتها بخير والله يحفظك يا مصر ودى اخلاق ناس ولاد بلد فعلاً صحيح في شوية سلبيات بس مصر لسه بخير وهتفضل بخير بإذن الله وحفظك الله يامصرنا الغالية
دى صفه من صفات المصريين الجدعنه بتجرى فى دمهم بس الزمن ومشاكله هى اللى مخبيه الجدعنه دى بس بتظهر وقت الشده
هحكيلكم موقف حصل مع والدى
من كام سنه كده والدى كان معاه عربيه بيجو 504 صالون وكان مسافر بلبيس المهم فى الطريق حصلتلو حدثه والعربيه اتقلبت بيه وأتعدلت هو طلع منها سليم الحمد لله وكانت الدنيا دخلت فى الليل المهم والدى لما طلع من العربيه سليم لا فكر فى عربيه ولا فى غيرو سبها مكانا و
اول عربيه قابلتو ركبها ورجع القاهره
المهم بعدها بيوم أخد عمى معاه وراح عشان يجيب العربيه وعلى ما وصل لمكان الحادثه كانت الدنيل ليلت المهم وصل لقى واحد قاعد عامل راكيه وبيعمل عليها شاى وجوزه وقاعد جنب العربيه المهم لما لقى والدى بيقلب فى العربيه قالو انت بتعمل أيه قالو دى عربيتى قالو ياراجل تمشى وتسيبها كده بردو من غير ما تقول لحد المهم الراجل قالو طيب هتعمل
أيه قالو عايز أجيب عربيه أحمل عليها العربيه
فالراجل قالو بس دا صعب دلوقتى الدنيا ليلت ومش هينفع قالو عمتا انا هتصرف الراجل سابو ومشى وبعد 10 دقايق رجعلو بعربيه راح لسواق فى بيتو صحاه من النوم وجابو وحمل على العربيه يجى 25 واحد المهم العربيه جت نزلت فى حته منخفضه جنب العربيه والرجاله قامت شيلاها ونتعها على العربيه النقل وسلبوها كويس المهم جه الحاج يحاسب الرجاله كانو هيطلعو من هدومهم لما قالهم كلمه فلوس
أنت بتشتمنه انت غلطت فينا يهديك يرضيك أبدا المهم سافر بابا هو وعمى والسواق بالعربيه ونزلو القاهره ونزلوا العربيه بيحاسب السواق حلف يمين بالطلاق بالثلاثه مهو واخد حاجه طب ياعم الجاز بتاع العربيه قالو أبدا على جثتى الموقف دا لهو عارف ينساه ولما حكاهولى مش قادر انساه لحد النهارده مع انو مر عليه كتير فالجدعنه بتجرى فى دم المصريين بس ما بقتش تطلع الآ فى الشدائد غير زمان فى اى وقت
وعمتا هو وقت الجدعنه وقت الشده وهى دى رجاله مصر وقت الشده بيبانو
من اجمل الموضوعات اللى ممكن نقراها موضوع يتكلم عن ايجابيات بلدنا
شكرا يا نور عالموضوع