هل يوجد نوع معين من البيتومين يدهن به أسفل العربية ؟

**Lion_Heart** · 06-07-2009 08:05 PM

هل يوجد نوع معين من البيتومين يدهن به أسفل العربية ؟؟
احد الزملاء كان اشار ليه لكنى لم استوضح ,
هل بيدهن كامل العربية من اسفل ؟؟ و بيتساب على طول كده ..؟؟ وهل فعلا مفيد و يمنع البارومة ؟؟

**samirayad** · 06-07-2009 09:42 PM

هو مش بيتومين .....هى ماده بتباع فى عبوات ...عند بتوع البويات وأسمها under coat .....يعنى طلاء من أسفل .....بس بيدلعوها عندنا ويقولوا عليها أنتركوت ..........وحتلاقى العلبه فى حدود 15 ج......وبيدهن بيها الأماكن المكشوفه من بدن السياره من أسفل ....وبتنساب على طول .....وفعلا بتفيد فى منع البارومه ( لأنها بتمنع الميه والرطوبه من الوصول للأماكن المعرضه للصدأ ) زى صاج العربيه من تحت

**Lion_Heart** · 06-07-2009 09:59 PM

المشاركة الأصلية كتبت بواسطة samirayad

هو مش بيتومين .....هى ماده بتباع فى عبوات ...عند بتوع البويات وأسمها under coat .....يعنى طلاء من أسفل .....بس بيدلعوها عندنا ويقولوا عليها أنتركوت ..........وحتلاقى العلبه فى حدود 15 ج......وبيدهن بيها الأماكن المكشوفه من بدن السياره من أسفل ....وبتنساب على طول .....وفعلا بتفيد فى منع البارومه ( لأنها بتمنع الميه والرطوبه من الوصول للأماكن المعرضه للصدأ ) زى صاج العربيه من تحت

شكرا للتوضيح ,

**samirayad** · 06-07-2009 10:09 PM

أى خدمه يا باشا

**A.Saad** · 06-07-2009 11:58 PM

انا عربيتى كيا لسه زيرو
هل ادهن بيه ولا مش محتاجه
ومين اللى بيدهن بيه
بتاع الدوكو ولا انا

**samirayad** · 07-07-2009 12:03 AM

لا ياباشا ..........الزيرو بتبقى مش محتاجه الموضوع ده ........

**ahmedhilmy** · 07-07-2009 02:20 PM

امال ايه اللي بيدهن يا بشمهندس سمير احسن انا النهارده ببص علي الكارتيرة بتاعة العجلة الشمال ورا لقيت من طرفها التاني اللي مش عليه البلاستيك افبر الاسود لقيت حته برومة جامده لدرجة اني بلمسها حسيت انها هتتكسر فقلقت و انا عربيتي 2004 يعني مش قديمة مش عارف اعمل ايه ادهنها بالعازل ده و لا اعمل حتة المرمه دي الاول و لا ادهن و اسبني منها احسن يبوظوا شكل العربيه ايه راي حضرتك

**samirayad** · 07-07-2009 02:39 PM

لقيت حته برومة جامده لدرجة اني بلمسها حسيت انها هتتكسر فقلقت

دى ترجعلك يا أستاذ : أحمد ......لو صغيره البارومه سيبها وحط عليها شوية أنتركوت .....علشان تحافظ عليها بقدر الأمكان من أى ميه تانيه .....أما لو كبيره ...حاول تسمكرها الأول ......وبعد كده الدهان بالبرايمر مثلا والأنتركوت بعد كده .....يعنى أنت اللى شايف الحجم بتاع التلف قدامك

و انا عربيتي 2004 يعني مش قديمة مش عارف اعمل ايه ادهنها بالعازل ده

أنا عربيتى 2007 وختللى حكتين كده على الماشى من تحت العتب تقريبا ....يعنى حاجه بسيطه جدا وقشرت الأنتركوت الأساسى قبل ما أعلى العربيه ( على أحد جبال الهيمالايا ...اللى عندنا فى وسط الدلتا ) ولما رفعت العربيه فى التوكيل ....دهنت الجزء اللى أتحك أنتركوت وأنا رافعها فى التوكيل ...........تقريبا كان لونه رمادى على ما أفتكر ....

اعمل ايه ادهنها بالعازل ده و لا اعمل حتة المرمه دي الاول و لا ادهن و اسبني منها احسن يبوظوا شكل العربيه ايه راي حضرتك

لو صغيره أدهنها كويس ....بحيث تحافظ عليها بقدر الأمكان .....لأننى بصراحه مش عاوزك تخللى حد من اللى بالى بالك يعك ويقطع وغيره ....الا أما تكون حاجه تستاهل ( وربنا يسترها معانا ومعاك ....ويكفينا شر نارهم .....اللى هما السمكريه وما أدراك ما السمكريه بتوع السيارات ) آمين يارب