محتاج رايكم عربيتى اتخبطيت

**mashrafz86** · 06-07-2009 11:40 PM

يا جماعة انا عربيتى لسة مكملتش كام شهر و عدية 5000 بحتى بس والحمد لله طبعا على كل شىء و انا طالع النهاردة من الجامعة واحد ابن حلال سايب بلاعة نص مفتوحة و رغم ان العربية مش واطية لبست فيها
مجتش فى الاكصدام بس لوى القنطرة او الكمرة بلغة السوق اللى من قدام و عليها كرسى المتور
ارجوكم حد فاهم يفهمنى دى حلها ايه و ازاى و لو هجيبها قطعة غيار بكام و هل تركبيها مفهوش عك
العربية رعبانى و الله ياجماعة عاملة صوت احلى رعب و بتحدف شمال
الميكانيكى و بتاع العفشة قالولى مفهاش الا الكمر بس ملوى و زانق الموتور و عوج الاكس الشمال (زاوية مش حديد)
و انا الصراحة خايف اسلمها لحد مالوش فيها يبوظها و هل لو سلمتها للتوكيل (توكيل غبور مش غبور نفسه ده اللى المتاح هنا) ترجع سليمة!!

افيدونى افادكم الله

**mashrafz86** · 06-07-2009 11:48 PM

انا نسيت اقول نوعها معلش نيواكسنت ياجماعة

**EslaM_NagY** · 06-07-2009 11:59 PM

هى متأمن عليها ؟؟

**mashrafz86** · 07-07-2009 04:44 PM

لا استحرمت

**TOOLA** · 16-07-2009 01:34 AM

بص يا باشا,أ نا اشتريت عربيتى فيها العيب ده من القبلى, وروحت أشترى قنطرة جديدة (ب 500 ج تقريبا من الجندى دمشق) مركبتش عشات فتحات المسامير كانت مختلفة, فرحت أشتريت واحدة استعمال من الحرفيين و جبت معاها مقص عشان كنا مقلقين يكون اتأثر هوا كمان من الخبطة, و الحمد لله الموضوع اتحل تماما, هوا الخوف بس ان بعض ماتغير القنطرة تتطلع الخبطة مأثرة على حاجة تانية فى العفشة, هتلاقى العربية مظبططش معاك و بتحدف أو تعوم, فلازم تشتغلها عند واحد نضيف, عموما انا عملت الشغل ده عند ورشة الأصدقاء بنوع الكيا فى الزيتون (بعد نزلة كوبرى القبة و انتا جاى من روكسى), و هما شاغلين فى الكورى عموما و مشهودلهم بالأمانة و المهارة بس حارقيين شوية.