Comparison between Legacy 2003 and Impreza 2004

**tsakr1979** · 07-07-2009 12:43 AM

مساء الفل يا شباب
عايز اشتريsubaru ومعروض عليا
Impreza 2004 full option with ABS and legacy 2003 full option
ممكن مقارنة بين العربيتين من ناحية الصيانة وقطع العيار
شكرا مقدما شباب

طارق صقر

**Ahmed Hassan** · 07-07-2009 12:48 AM

المشاركة الأصلية كتبت بواسطة tsakr1979

مساء الفل يا شباب
عايز اشتريsubaru ومعروض عليا
impreza 2004 full option with abs and legacy 2003 full option
ممكن مقارنة بين العربيتين من ناحية الصيانة وقطع العيار
شكرا مقدما شباب

طارق صقر

مع الاسف مش هتلاقي حد هنا معاه ليجاسي. يمكن هوه عضو واحد و مش في مصر. عموما لو الاتنين حالتهم كويسه اختار اللي تعجبك. لو حالتهم مش زي بعض يبقى اختار الحاله الاحسن.. مع الاخذ في الاعتبار ان قطع غيار الامبريزا هتلاقيها اكتر.

**teto007** · 07-07-2009 10:46 AM

انا والدى معاة ليجاسى 1992 و انا معايا امبريزا 1998 بس الليجاسى رغم انها اقدم الا انها افخم بكتير من جوا فى كل حاجة و هى تعتبر فئة اعلى من ال امبريزا و تعادل الكامري فى التويوتا بس فى الاول و الاخر حيحكمك الحالة و السعر و ربنا يوفقك

**blazer** · 07-07-2009 11:34 AM

الليجاسى طبعا افضل من الامبريزا (بس طبعا الحاله لتاعه العربيه هى الفيصل)
الليجاسى شكل افضل +ماتور وفتيس اقوى+فخامه اعلى
بس فى المقابل هتلاقى قطع غيارها اقل من الامبريزا و يمكن اغلى شويه

**tsakr1979** · 07-07-2009 06:14 PM

هم الاثنين حالتهم كويسة جدا بس ال ليج اسي شكلها اشد بمراحل لكن ال مشكلة في ال صيانة وقطاع الغيار
شكرا يا شباب

**ahmad7610** · 08-07-2009 03:45 PM

حط فى بالك كمان الضريبة والبنزين اللى حيكلفوك فى الليجاسى .. أنا أعرف واحد بايع ليجاسى 2004 علشان يجيب امبريزا 2009 سيدان rk وكان بيخلصها فى العبور ,ودفع 10 الاف فرق بس وقاللى ان العربيتين تقريبا نفس السواقة مع فرق ان موتور الليجاسى طبعا اقوى وتكييف اقوى مع راحة وفخامة ...
-
أعتقد امبريزا 2004 اختيار موفق فى كل شيىء .. والاتنين شكلهم رياضى ..

**tsakr1979** · 09-07-2009 06:29 PM

كلامك تمام بالذات بعد رسوم التسجيل وال ترخيص الجديدة
طب الامبرزة el-2004 لما تكون حالتها نضيفة وماشية بتاع 70 ألف كيلو تسوى في حدود كام ؟

**ahmad7610** · 10-07-2009 06:03 PM

المشاركة الأصلية كتبت بواسطة tsakr1979

كلامك تمام بالذات بعد رسوم التسجيل وال ترخيص الجديدة
طب الامبرزة el-2004 لما تكون حالتها نضيفة وماشية بتاع 70 ألف كيلو تسوى في حدود كام ؟

-

70 ألف فى 5 سنوات رقم معقول فى المستعمل ... وأهم حاجة تكشف على العربية فى الوكيل ..
لو العربية فابريقة خاصة السقف والكابوت يبقى أحسن طبعا ...
-
عموما لو العربية حالتها كويسة وماشية 70 الف زى ما انت بتقول يبقى متوسط الأسعار كالتالى ..
تقريبا :::
لو مانوال 2004 المتوسط حوالى 70 الف ممكن تعلى أو تنزل 5
لو أوتو 2004 المتوسط 80 ألف ممكن تعلى 5 أو تنزل 5
-------------------------------------------
أهم حاجة تأخد بالك علشان فى موديلات 2003 و أول 2004 ودى كانت يتنزل من غير abs وكانت مرايات سوداء و فوج لايت صغير من الأمام .. و الناس بتقول عليها 2004 برضه . ودى المفروض تبقى أأقل فى السعر عن اللى أنا كاتبه وبتبدأ من 60 الف للمانوال وكان فى منها كمية عند مستعمل الوكيل من كذه شهر ... وفى واحدة على car100100. شكلها كده 2003 مش 2004 زى ماهو كاتب
---------------
المهم علشان تميز العربية فيها abs ولا لأ . تجيب المفتاح على أخر تكة قبل التدوير وتشوف لمبة ال abs بتنور ولا لأ ..
-
لو بتنور وموجودة تبقى دى أخر 2004 ... كمان موديلات أخر 2004 اللى ب abs كان فيها 3 زراير على الشمال تحت بتوع الفوج المامى والخلفى و تعلية وتوطيه النور
-
بينما موديلات 2003 و أول 2004 كان فيها زرار الفوج الأمامى بس ....

-------------------------------------------------------
خد بالك علشان محدش يضحك عليك لأن فى ناس معاهم العربية وميعرفوش الكلام ده ....
-
فى بقى موديلات 2005 اللى كانت بتنزل بطارة زى 2007 ثلاثية و تابلوه زى 2007 ... دى حتلاقى أصحابها بيغلو فيها ..

**tsakr1979** · 11-07-2009 02:40 AM

الله ينور عليك يا باشا , انا هروح اتفرج عليها بكرة ان شاء الله
وربنا يساهيل وتكون تستاهل
أنا راكب دلوقتي أوبل كورسا 98 وبصراحة عجباني ال جدا subaru

**khalid_adel** · 11-07-2009 07:38 AM

ياااه تسلم يا احمد على المعلومات القيمه دي فعلا انت سوبارجي قديم
ولو اني شايف الاسعار اللي بتقول عليها عاليه شويه لان موديل 2004 ارخص من كده بكتير ولو حالته حلوه اوي اوي تبقى 60 الف وان كانت اقل كمان
يا جماعه دانا عربيتي اللي موديل 2006 مجبتش 75 الف ومرضتش ابيعها عشان كده