عرض للطباعة
صباح الفل يا رجالتنا
انا عايز عربيه هاتش باك و نضيفه تكون في حدود 25 إلى 30 الف و يا سلام لو فيها تكييف و انا عن نفسي عايز اجيب جولف 2 عشان بحبها اوي بس لو في حاجه تاني في الرنج ده ياريت حد يقترح عليا و ياريت برضو حد يديني سعر الجولف 2 اللي في السوق دلوقتي عشان انا مش واثق في اللي قالي على السعر ده و شكراً مقدماً يا شباب
walahi ya basha hya 3rbya 7lw bs methaya2ly 3shan trkbha ndefa hatkon a3'la shoya anta 3andk bardo ibiza 94 bs de s3b tla2eha betakef 2ela ba2a lw 7d msa2t we kda bs anta dawr kwes we matesta3glsh we isa to23 f wa7da golf 7lwa we s3raha 7lw we rabena yawafa2k isA
في جولف 2 فابريكة جوه و متسقطلها مكنه 2000 سي سي على 29
شكراً على ردك مستر جمال و ان شاء الله ربنا يكرم و الاقي حاجه كويسه ... بس يتهيألي الجولف 2 رخصت زيها زي غيرها خصوصاً و انها موديل 86 يعني في حاجات اعلى منها و سعرها عادي و مستني رأيك برضو
العضو الجميل محمد عبد العال ... متشكر جداً على ردك بس عايز اعرف شوية حاجات كده ... يعني المكنه ال2000 دي انجيكشن و لا كاربراتير و ممكن اعرف لونها ايه و موديل كام بالضبط و العفشه اخبارها ايه و الفتيس و كده يعني و شكراً مقدماً
و على فكره ممكن حاجه سيدان عادي مش لازم هاتش باك لو كانت نضيفه يبقى اشطه و في ناس نصحتني ب هيونداي اكسنت 97 او هيونداي اكسل 94 و ياريت اعرف رأي اهل الخبره برضو
ان شاء الله هكتبلك كل المعلومات عنها و بالنسبة لموضوع كذا عربية انا شايف ان الجولف 2 اكترهم شبابية و شكل احسن
هي فعلاً الجولف 2 عربيه رهيييييييبه و جميله شكلاً و موضوعاً و موتوراً يعني من الاخر دي مكنه الماني هتستحمل رجل الشباب و بصراحه كده انا معايا 132 يعني بسوق كأني بسوق جرار زراعي بتلات عجلات و نص و عشان كده نفسي في الجولف غير اني بحبها من زماااااااان و نفسي فيها بس هي المشكله في حوار التكييف ده بس يعني لو حد عرف يضبطهولي ضبطه حلوه يبقى كتر خيره و شكراً للإستجابه يا معلم و في انتظار المعلومات
اسف يا نور العربية اتباعت انا اسف
حصل خير يا معلم و ربنا يبارك للي هيركبها ان شاء الله و لو حد قدامه حاجه انا موجود
ايه يا جدعان محدش عنده جولف 2 عايز يببيعها و لا ايه الكلام ؟؟
ياخواننا و الله عايز اشتري عربيه جولف 2 ... انتوا مش مصدقيني و لا الجولف 2 بقت عيب اليومين دول ... انا جاهز و هشتري بإذن الله بس اشوف العربيه و اجربها و اكشف عليها و لو تمام اخلص ان شاء الله بس لو حد عنده حاجه يخش عليا
في جولف 1 بحالة نادرة +عفشة كوني+مكيف ثلاجة+انذار وسنتر+جنوط اسبور+طقم دبرياج جديد+ماتور جولف 2 1800+ سير كاتينة جديد+رخصة سنتين+بطارية جديدة اسي ديلكو مرفوعة 5سنين
مطاوب فيها 29 الف
جولف 2 اتوماتيك موتور 1800 اللون اصفر بحالة جيدة جدا بالاسكندرية مطلوب 32000
يا شباب الف الف الف شكر على الاستجابه السريعه دي بس يا ريت لو في صور تترفع للعربيات و ارقام تليفون و بالنسبه للأخ بتاع اسكندريه انا متشكر جداً على ردك بس انا اسف مش هقدر اجي اسكندريه خالص الكام شهر اللي جايين بس ربنا يكرمك و تبيعها ان شاء الله
حبيبى يا نور انشاء الله تلاقى الى انت عاوزوا
ربنا يخليك يا عصام و ربنا يسهل ان شاء الله
ايه يا شباب مفيش حاجه قدام اي حد فيكو ؟
ادخل موقع car100100.com
على ايقونة فولكس فاجن عربيات رهيبه من اول جولف وان لحد البولو كلها فى مصر يا ريت فيه منها من اسكندريه
الف شكر فاني جونسون و متشكر جداً على الموقع الجميل