يا شباب عربيه جولف 2 او اي حاجه في رنج25 -30

**nour2019** · 07-07-2009 04:16 AM

صباح الفل يا رجالتنا
انا عايز عربيه هاتش باك و نضيفه تكون في حدود 25 إلى 30 الف و يا سلام لو فيها تكييف و انا عن نفسي عايز اجيب جولف 2 عشان بحبها اوي بس لو في حاجه تاني في الرنج ده ياريت حد يقترح عليا و ياريت برضو حد يديني سعر الجولف 2 اللي في السوق دلوقتي عشان انا مش واثق في اللي قالي على السعر ده و شكراً مقدماً يا شباب

**gamaladel** · 07-07-2009 05:37 PM

walahi ya basha hya 3rbya 7lw bs methaya2ly 3shan trkbha ndefa hatkon a3'la shoya anta 3andk bardo ibiza 94 bs de s3b tla2eha betakef 2ela ba2a lw 7d msa2t we kda bs anta dawr kwes we matesta3glsh we isa to23 f wa7da golf 7lwa we s3raha 7lw we rabena yawafa2k isA

**m.3abdel3al** · 07-07-2009 11:51 PM

في جولف 2 فابريكة جوه و متسقطلها مكنه 2000 سي سي على 29

**nour2019** · 08-07-2009 09:36 AM

شكراً على ردك مستر جمال و ان شاء الله ربنا يكرم و الاقي حاجه كويسه ... بس يتهيألي الجولف 2 رخصت زيها زي غيرها خصوصاً و انها موديل 86 يعني في حاجات اعلى منها و سعرها عادي و مستني رأيك برضو

**nour2019** · 08-07-2009 09:38 AM

العضو الجميل محمد عبد العال ... متشكر جداً على ردك بس عايز اعرف شوية حاجات كده ... يعني المكنه ال2000 دي انجيكشن و لا كاربراتير و ممكن اعرف لونها ايه و موديل كام بالضبط و العفشه اخبارها ايه و الفتيس و كده يعني و شكراً مقدماً

**nour2019** · 08-07-2009 09:40 AM

و على فكره ممكن حاجه سيدان عادي مش لازم هاتش باك لو كانت نضيفه يبقى اشطه و في ناس نصحتني ب هيونداي اكسنت 97 او هيونداي اكسل 94 و ياريت اعرف رأي اهل الخبره برضو

**m.3abdel3al** · 08-07-2009 10:46 AM

ان شاء الله هكتبلك كل المعلومات عنها و بالنسبة لموضوع كذا عربية انا شايف ان الجولف 2 اكترهم شبابية و شكل احسن

**nour2019** · 09-07-2009 12:47 AM

هي فعلاً الجولف 2 عربيه رهيييييييبه و جميله شكلاً و موضوعاً و موتوراً يعني من الاخر دي مكنه الماني هتستحمل رجل الشباب و بصراحه كده انا معايا 132 يعني بسوق كأني بسوق جرار زراعي بتلات عجلات و نص و عشان كده نفسي في الجولف غير اني بحبها من زماااااااان و نفسي فيها بس هي المشكله في حوار التكييف ده بس يعني لو حد عرف يضبطهولي ضبطه حلوه يبقى كتر خيره و شكراً للإستجابه يا معلم و في انتظار المعلومات

**m.3abdel3al** · 09-07-2009 01:19 AM

اسف يا نور العربية اتباعت انا اسف

**nour2019** · 10-07-2009 05:45 PM

حصل خير يا معلم و ربنا يبارك للي هيركبها ان شاء الله و لو حد قدامه حاجه انا موجود

الموضوع: يا شباب عربيه جولف 2 او اي حاجه في رنج25 -30

LinkBack

أدوات الموضوع

عرض

-

-

-

المواضيع المتشابهه

عربيه فى حدود 80 الف اجيب ايه يا شباب

شباب عايز عربيه بولوووووو

يا شباب مشورتكم ضرورى جدااا فى عربيه جولف 2 عشان رايح اعاين بكره ان شاء الله

عربيه نقل Jet حاجه وهم

يا شباب هجيب عربيه 304 ايه رايكوا

الكلمات الدلالية لهذا الموضوع

المفضلات

المفضلات

ضوابط المشاركة