اللوجان و الياريس كلام بالعقل و سؤال مهم

**tofy_urban** · 07-07-2009 12:23 PM

اولا ياجماعة انا مش بقول ان الياريس احسن من اللوجان خااااالص و ده لاني مش خبير او بفهم في العربيات للدرجة اللي تخليني اقارن عربيتين زي دول واقول مين احسن لكن ارجو ان حد يفهمني الارقام دي و يقولي معناها اييييييه :

اقصي قدرة
الياريس : 84 حصان عند 6000 لفة
اللوجان : 87 حصان عند 5500 لفة
وزن السيارة
الياريس : 1035 إلي 1055 كجم
اللوجان : 980 كجم
عرض السيارة
الياريس : 1695 ملم
اللوجان : 1735 ملم
طول السيارة
الياريس : 3825 ملم
اللوجان : 4250 ملم
الارتفاع الكلي
الياريس : 1530 ملم
اللوجان : 1525 ملم
قاعدة العجلات
الياريس : 2460 ملم
اللوجان : 2630 ملم
الارتفاع عن الارض ( الخلوص )
الياريس : 140 ملم
اللوجان : 155 ملم
سعة الشنطة الخلفية
الياريس : 388 لتر
اللوجان : 510 لتر

1- انا كده شايف ان اللوجان بتولد قوة اكبر عند عدد لفات اقل و وزنها اخف من الياريس يبقي علي قد فهمي البسيط ده معناه ان سحبها افضل
2- عرض و طول السيارة اكبر من الياريس و ده بردو علي قد فهمي اللي قلت انه بسيط بيدي وسع اكبر للصالون
3-الارتفاع الكلي تقريبا متساوي و ده معناه ان اللوجان مش عالية اوي زي ماناس قالت و ان العلو ده بيخلي العربية مش ثابته اعتقد كده ان ارتفاع العربية طبيعي و مفيش فيه مشكلة
4- قاعدة العجلات للوجان اكبر و ده معناة ثبات اكتر للوجان
5- الخلوص عن الارض للوجان اعلي و ده معناه تفادي مطبات مصر العظيمة بصورة افضل من الياريس
6- سعة الشنطة لاتقارن طبعا
اخيراً و الله العظيم انا مش بقول ان واحدة احسن من التانية لاي مصلحة بس انا عايز اشتري و قريت المعلومات دي و عايز اخد رايكم ايه معني الكلام ده و هل اللي انا فهمته و كتبتة ده صح ,,,,
* مصدر المعلومات ( موقع شركة رينو , موقع شركة تويوتا , منتدي رينو و منتدي تويتا هنا البيانات اللي كاتبها العضو شاركي عن بيانات كل سيارة )

**mohamed1979** · 07-07-2009 07:13 PM

الله ينور عليك يا باشا
ومشكور على جهدك

**أبو أدم** · 07-07-2009 08:07 PM

أكمل حاجة بسيطة من غير لغة الارقام الرائعة اللى انت استخدمته ...

لان اليارس مع واحد صحبى و كتير اوي ركبتها

اليارس موفرة جد ا فى البنزين1300 cc علشان كدة بتدى 84 حصان بس خالى بالك دة كويس جدا بالنسبة لوزنها و سحبها حلو اوي ، البنزين يمكن تعمل لحد 290 كم فى الصفيحة و كذلك اللوجان بس انا لسه ماجربتش بالضبط الموضوع دة فى اللوجان (( مبنى على كلام اخونا اللى كسروا 10000 كم ))

صاج اللوجان اقوي بمراحل من صاج الياريس... متاكد منها تمام

الياريس لما بتعدى 130 بتبقى مش ثابتة و يبان حالة ضعف واضحة فى التحكم على السيارة ، و كذلك اللوجان عند 140 بس مش بضعف اليارس اطلاقا (( العربية الاوربى تقيله على الارض .. والضعف اللى بيبان فى اللوجان بسبب ارتفاعها العالى .. ومش مؤثر بقوة بسبب التباعد بين قاعدة العجلات 2.63 متر .. نوعا ما بتفرش على الارض ))

اليارس بتجيب سرعات عالية 170 - 180 فى وقت نسبيا كويس

الاتنين سوقتهم حلوة اوي و قاعدتهم كويسة (( السواق ))

انا بفضل اللوجان كتيــــــــــر عن اليارس (( ودة وجهة نظر ))

بص يا اكسلنس غمى عينيك و رووح اشتري اللوجان و حت فى بطنك بطيخة صيفى و أ هو البطيخ رخص اليومين دول ...

وبالتوفيق لك

**khaled nada** · 07-07-2009 11:06 PM

كلام جامد جدا ومقارنة ارقام جمدة

**hesham_tawfiq** · 07-07-2009 11:31 PM

الله يباركلك وشكرا على المجهود الرائع
مقارنه رقميه موضوعيه جدا مهداه لكل واحد يحكم على العربيه بالفشل لمجرد انها تقفيل رومانى او مغربى او مكتوب عليها داتشيا

**Mostafa Hessen** · 08-07-2009 12:51 AM

مشكووور على المقارنة الرااائعه

وبالتوفيق

**tofy_urban** · 08-07-2009 11:28 AM

شكراً يارجالة علي الردود و انا خلاص نويت إن شاء الله بس مش لاقي حد عنده تسليم قريب اقرب واحد كان محمد ذكي و قالي التسليم في اخر شهر 8 و السبع قالوا ان في تسليم فوري بس ب 71 الف طبعا حرااااااام ليه يعني يلا ربنا يسهل هاحجز عند محمد ذكي خلاص وربنا يعمل اللي فيه الخير

**Eslam.Elrefaey** · 09-07-2009 03:28 AM

مبروك مقدما

**tofy_urban** · 09-07-2009 06:04 PM

المشاركة الأصلية كتبت بواسطة architect_a

بص يا اكسلنس غمى عينيك و رووح اشتري اللوجان و حت فى بطنك بطيخة صيفى و أ هو البطيخ رخص اليومين دول ...

وبالتوفيق لك

ماشي يا إكسلنس أنا نويت بإذن الله خلاااااااااااص و كفاية بقي لحد كده انا بقالي 3 شهور بفكر في كل حاجة و انا مقتنع ان اللوجان هي الانسب لإمكانياتي دلوقتي و مكنش قصدي من المقارنة اني اقول ان الياريس وحشة لكن كنت عايز اقول ان اللوجان كويسة و بعدين كنت بقنع واحد صاحبي ان اللوجان كويسة و المقارنة دي عملت معاه شغل جامد و اقتنع خلاص و لمزيد من الحيادية حطها بردو في قسم التويوتا و اتنقلت علي المقارنات بردو