سؤال عن فنوس الـ stop اللى فى الخلف

**Morieno** · 07-07-2009 02:55 PM

15 - 20 جنيه فى التوفيقيه

**Mohamed.Fawzy** · 08-07-2009 10:09 AM

المشاركة الأصلية كتبت بواسطة morieno

15 - 20 جنيه فى التوفيقيه

ده مش الأصلى و هيبقى شكله وحش و لونه بيغير و بيبوظ شكل العربيه

الأصلى كان عند ابو الحسن gm بحوالى 125 جنيه وكنت بدور عليه بس للأسف خلص من عنده و قاللى هيجيبه تانى ان شاء الله

و موجود فى الحرفيين استيراد بحوالى 80 جنيه بي اعتقد كده يبقى الجديد احسن الا لو قدرت تفاصل شويه فى تمنه عند بتوع الأستيراد

**Mohamed.Fawzy** · 08-07-2009 10:13 AM

نسيت اقولك ان الأصلى تركيبه سهل قوى و الفيشه بتاعته هتلاقيها جاهزه فى الشنطه تحت الرف بتاع السماعات

**Eslam.Adly** · 08-07-2009 03:03 PM

المشاركة الأصلية كتبت بواسطة mohamedfawzyhassan

نسيت اقولك ان الأصلى تركيبه سهل قوى و الفيشه بتاعته هتلاقيها جاهزه فى الشنطه تحت الرف بتاع السماعات

يا ريت بس توضيح ياباشا للمعلومة الى انت قولتها ديه انت قصدك الفتحة الى هايعدى منها السلك بتاع ال Stop من الرف بتاع السماعات ولا قصدك على ان ضفيرة الكهرباء موجوده اساسا.
شكرا ليك مقدما يا باشا.

08-07-2009 03:11 PM

المشاركة الأصلية كتبت بواسطة eslam.adly

يا ريت بس توضيح ياباشا للمعلومة الى انت قولتها ديه انت قصدك الفتحة الى هايعدى منها السلك بتاع ال stop من الرف بتاع السماعات ولا قصدك على ان ضفيرة الكهرباء موجوده اساسا.
شكرا ليك مقدما يا باشا.

حضرتك فك وش السماعات الخلفية بعدين شيل الكلبسات البلاستيك المثبتة لقطعة الموكيت و شيله , تلاقي فتحات في الصاج , خرّم الحتة اللي شلتها علشان تعدي منها قواعد الستوب و السلك .
ركب كل اللي فكيته تاني و ثبت الستوب (الأصلي) و وصل الفيشة .
أتمنى أكون قدرت أفيدك .

**Mohamed.Fawzy** · 09-07-2009 09:42 AM

المشاركة الأصلية كتبت بواسطة eslam.adly

يا ريت بس توضيح ياباشا للمعلومة الى انت قولتها ديه انت قصدك الفتحة الى هايعدى منها السلك بتاع ال stop من الرف بتاع السماعات ولا قصدك على ان ضفيرة الكهرباء موجوده اساسا.
شكرا ليك مقدما يا باشا.

افتح الشنطه و بص بعينك تحت الرف بتاع السماعات هتلاقى الفيشه بتاعه الستوب لايت موحوده و متثبته بكلبسات

اما عن طريقه التركيب فهى انك هتجيب كتر و تفتح فى الرف الفبر بتاع السماعات علشان قاعده الفانوس من غير ما تفك الرف ولا حاجه و بعدين هتفتح فتحتين صغيرين لمسمارين 8 مللى (الفتحات دى متفرغلها اساسا فى الصاج) يعنى كل حاجه جاهزه و الفتحات بتاعت الصاج هتكون هيا الدليل بتاعك

محمد ممدوح كان عامل موضوع بشرح فيه التركيب وهيا نفس الطريقه اللى انا قلتهالك

و بعدين توصل الفيشه

الموضوع سهل جدا و مش هياخد اكتر من 15 دقيقه

خاللى بالك كل الكلام اللى انا قلته ده عن الفانوس الأصلى