والله يا جماعه انا مش عارف اقول ايه ، انت فعلا ناس كويسه جدا وانا استفدت من ارائكم كتير.
طبعا انا خلاص صرفت نظر عن العربيه بس كان فيه سؤال صغير لو اناى عرفت اوصل المبلغ اللي معايا الى 15 الف جنيه ( ربنا يخلي الحاج والحاجه بقي ) دول ممكن يجيبه حاجه تستخمل المشوار الفظيع بتاعي لان السبب الاساسي اني عايز اجيب عربيه ومستعجل عليها اني بيطلع عيني كل يوم من ساعتين لساعتين ونصف علشان اروح الشغل وزيهم علشان ارجع .
معلش يا جماعه سؤال تاني مهم جدا .....
الناس اجمعت ان الـ 128 اللي موتورها 1100 سي سي ماينفعش تروح مشوار زي ده وبرضه الاغلبيه نصحتني اشتري 127 ( موتورها 900 سي سي ) فهل الـ 127 هاتستحمل مشوار كل يوم من زايد لمدينه نصر ؟؟؟؟؟؟؟؟
طيب أزاي ؟؟؟؟؟؟اقتباس:
المشاركة الأصلية كتبت بواسطة miroooo1977
لا طبعااقتباس:
المشاركة الأصلية كتبت بواسطة miroooo1977
15000 ممكن تفكر فى لادا
نصيحة لا تعذب نفسك و تخسر فلوسك و فلوس الحج و الحجة كمان المبلغ معاك + المشوارك اليومي = خسارة فلوسك و عذاب عند المكانيكية غير الأعطال المفاجئة في طريق صعب حاول تنتظر حتي يكون مبلغ أكبر أو أدفع مقدم و قسط لو تقدر , أو حاول لادا مويل 1999 او 2000
كلام الإخوة اللي فات كله مظبوط جدا وده من واقع تجربة مريرة مشابهة لتجربتك
وياريت تصبر شوية وما تستعجلش
لأن أنا في الأول استعجلت كده وجبت ١٢٨ موديل ٧٩ وورتني الويل وضيعن علي فلوس كتير قوي وقدر الله وما شاء فعل
بال١٥ ألف ممكن تدور على لادا تمانيات حالتها كويسة وبرضه ممكن تحط ال ١٢٤ وال ١٢٥ في اختياراتك وده طبعا لو العربية ضرورية قوي قوي قوي دلوقتي وممكن تاخد الريسك بتاع مصاريفها
لكن نصيحتي استنى شوية واستحمل وحتلاقي الدنيا نورت قدام إن شاء الله بس بشرط تحافظ على الفلوس وتزودها عشان تعرف تجيب اللي انت عاوزه
ربنا يباركلك ويوفقك لكل خير
هو اذا كان على المشوار هاتستحمل
بس لازم تصرف كتير
طبعا قصدي على موديلات تمنينات
لكن سبعينات المشاور جامد مش على الموتور على العربية المتهالكة
ما تبديش بازيرو واقساط وانت بتتعلم
بس ما تبدتيش باجة هلكانة وانت مشوارك مميت
لانك مش هاتقعد ساعتين في الطريق
انت هاتنام في الطريق
موفق ان شاء الرحمن
طبعا مش هتستحمل حتى و لو كانت موديل أحدث , ال 127 تروح بيها المشاوير العائلية في أيام الاجازات مع الوالد و الوالدة أو الزوجة و الاولاد لو كنت متزوج و ممكن تروح بيها مشوار الشغل اليومي ( لو كان قريب ) يعني لا يتعدى من 20 الى 25 كيلو يوميا رايح جاي .اقتباس:
المشاركة الأصلية كتبت بواسطة miroooo1977
لو 15 الف ممكن تجيب لادا أو 125 أو بولونيز و كلها عربيات زلطة و تستحمل البهدلة لكن أبعد عن موديلات السبعينيات
حاول تخليك في الثمانينيات علشان موضوع الاحلال و التجديد اللي بيتردد بقوة اليومين دول .
ممكن لادا مو 82 أو 83 و ممكن 125 مو 83 أو 82 بولندي .
مفيش بعد كده كلاماقتباس:
المشاركة الأصلية كتبت بواسطة abdelmessih67
الأخ ميرو بعد التحية ممكن أنصحك زى ما الاخوان نصحوك واقولك اصرف نظر عن العربية دى لأنها موديل قديم ومشوارك بعيد جدا عليها يومياً وزى ما اتفضلوا الإخوان وقالوا لو تقدر تقسط وتجيب حاجة جديدة يكون أحسن لك واريح لك لأنها أكيد كلها مشاكل وكل يوم عند ميكانيكي شكل والله يسهلك الأمور ويرزقك بأحسن منها