مساء الخير
انا لسه مكلم حماده غزي و سألته علي الباركنج سنسور ده قاللي تمنه 350 جنيه وبييجي special order ولازم ادفع عربون 200 جنيه وهو يجيبه هل فعلا الناس جابوه بالطريقة دي وللا هو كان عنده منه في المحل (اصل انا خايف يكون وحش ومافيش اقبال عليه فبقي بيجيبه بالطلب) وكمان سألته هل الشمس بيكون ليها تأثير عليه وللا لأ ؟؟؟؟ قاللي مالهاش اي تأثير عليه خالص(ياريت برده اعرف رأي اللي مركبينه)
وبعدين هو قاللي ان لازم يكون في شاشة علي التابلوه وانا مابحبش اي اضافات علي التابلوه (بس ياريت لو حد يقدر يصورلي الشاشة بتاعته علشان اشوفها يبقي كتر خيره يمكن تكون الشاشة صغيرة وشكلها ظريف) وكمان قاللي كل الانواع اللي عنده حتي اللي بيحتاج يتخرم في الاكصدام لازم يكون معاه شاشة
اخيرا هل فعلا بتبقي في انواع من غير شاشات وبتعتمد علي الانذار الصوتي فقط ولا لازم يكون في شاشة؟؟؟؟؟؟؟
اسف علي الاطالة
وشكرا مقدما