شكرا جزيلا على الاهتمام وارجو نعمل موضوع تفصيلي بالصور عن الواجا ونحاول نعمل عليها خصومات والبركة في الاستاذ ايمن وفي اعضاء المنتدى الكرام
الف شكر يا رجاله
عرض للطباعة
شكرا جزيلا على الاهتمام وارجو نعمل موضوع تفصيلي بالصور عن الواجا ونحاول نعمل عليها خصومات والبركة في الاستاذ ايمن وفي اعضاء المنتدى الكرام
الف شكر يا رجاله
السلام عليكم و رحمة الله و بركاته
الأستاذ أحمد العطار ...... منور بسؤلك و بتواجدك معانا و أهلا بك سواء أشتريت بروتون أو لا و إن شاء الله تشتري و تنور أكتر و أكتر .
المشاركة رقم 2 من حضرتك .......................... أنا ما أخدتش بالي من الموضوع خالص و ياريت متزعلش و متستعجلش برضه في الحكم علشان أحنا إن شاء الله عمرنا ما نخذل حد أبدا في الإجابة عن أي سؤال أحنا نعرف اجابته .
و أيمن ............ ما شاء الله رد عليك بتفاصيل كتيرة جميلة عن العربيتين .
أنا هاقولك على رأيي بأختصار .......
لو عايز عربية منتشرة أكتر علشان قطع الغيار و شكلها شبابي أكتر و سحبها أحسن
هاتبقى الجين 2 .
الواجا شكل تاني و استايل تاني خالص ......... عائلي أكتر و أوسع و قطع غيارها أقل أنتشارا من الجين 2 ..... و لكن قطع غيار المحرك مشتركة خصوصا الموديلات الجديدة .
ربنا يباركلك في أختيارك إن شاء الله
شكرا استاذ توت بس انا عارف ان المنتدى كله رجاله واسف اذا كنت استعجلت شويه فسامحوني
اما بالنسبة للعربية فانا من عشاق السيارات واتمنى ان ربنا يكرمني واقدر خلال الفترة اللي جاية اشتري واحدة
وانا بفضل العربية العائلية خصوصا اني شفت العربية اليومين اللي فاتوا وشكلها اتغير للاحسن جدا ولأن عائلتي كبيرة لكني متردد حيث اني حبيت الجين2 من المنتدى واتعلقت بيها كمان لكن الظروف مش دايما بتديلك الحرية فان شاء الله يا جين2 يا واجا ( خصوصا ان الواجا الجديدة شكلها برضو جميل وامكانياتها رائعة )
وبكرر رجائي لو ممكن نعمل تقرير كامل )
اتفضل حضرتك
دول موضوعين شاملين كل المعلومات عن الواجا
الموضوع الاول قديم شوية وفي نقط عن الواجا القديمة
http://www.nilemotors.net/Nile/showthread.php?t=51833
الموضوع التاني عن الواجا 2008 وهي هي 2009 ( بالصور )
http://www.nilemotors.net/Nile/showthread.php?t=34866
انا من ملاك الواجا ويشرفني ان ارد على اي استفسار لحضرتك
بالتوفيق ان شاء الله
انا بجد عاجز عن الشكر لكل اعضاء المنتدى الكرام ويكفيني لو هجيب الواجا علشان اكون معاكم
اسف على التأخيير عليك
بص يا سيدي
انا مش حقدر افيدك في المقارنة لأني مش خبير في العربيات واقدر اقارن بينهم ده اولاً ثانياً لاني مركبتش غير الواجا فدي الوحيدة اللي اقدر اقيمهالك غير كده ابقى بفتي..
العربية جميلة جداُ جداُ ( في نظري ) انا حببها من بره ومن جوه وشكل التابلوه والزراير والعدادات والكاسيت والانوار والفيتيس كله كله حلو ومناسب زوقي واحتاجاتي
بالنسبة للواجا تمتاز وتتمييز عن الجين تو والبيرسونا في التقفيل والخامات ( ممتازة بدون مبالغة ) ومش حخش في تفاصيل لان حضرتك لازم تشزفها بنفسك ويكون ليك حكم عليها ..
بالنسبة للتوكيل انا رحت مرتين لحد دلوقتي
صيانة الالف ودي كنت بشتكي من 3 حاجات وكلهم اتصلحوا
( الفيتيس بيعض - السينتر بيقفل اكتر من مرة مع كل دوسة فرامل - الموتور في خشونة على الار بي ام العالي من 2000 إلى 3000 )
بالنسبة للمشكلة الاخيرة اللي هي خشونة الموتور احب اوضحلك ان العيب مكنش في العربية ده كان في رجلي لان الموتور مش بيستجيب كويس لما تدوس بنزين جامد وتستنى العربية تسحب بل بالعكس كل ما تزود بنزين براحة شوية شوية (حتى لو بسرعة) حتلاقي العربية بتسحب جامد ومن غير خشونة او من غير ما تنعر ..
الحاجة اللي مديأني شوية هي ان صاج الرفارف الامامية خفيف شوية (بس من غير مقارنة باي عربية تانية ) انا بقول خفيف لان واحد زق واحد على العربية فالولد دخل بركبتة في الرفرف اللي قدام فدخل لجوة ان بصراحة معرفش ده طبيعي وممكن يحصل في اي عربية ولا لا بس انا رديدته بايدي ورجع معايا من غير مشاكل.
انا طولت عليك قوي انا اسف
بس ارجو اني اكون رديت على اسألتك
تقبل تحياتي
ممكن لو تكرمت تفصيل وتوضيح أكتر للنقطه دي لأني أعتقد ان ده بالضبط اللي أنا بأعاني منه في الواجا الأوتو 2008 ولما قلتلهم في التوكيل علي الحكاية دي قاللولي ان ده عادي وطبيعي في موتور الكامبرو.اقتباس:
بالنسبة للمشكلة الاخيرة اللي هي خشونة الموتور احب اوضحلك ان العيب مكنش في العربية ده كان في رجلي لان الموتور مش بيستجيب كويس لما تدوس بنزين جامد وتستنى العربية تسحب بل بالعكس كل ما تزود بنزين براحة شوية شوية (حتى لو بسرعة) حتلاقي العربية بتسحب جامد ومن غير خشونة او من غير ما تنعر ..
فعلا ده طبيعي في الكامبرو وده مش على طول يعني فترة وحينتهي
الفكرة باختصار هي طريقة كبسك على دواسة البنزين
1- لو بتكبس جامد وتستنى العربية تسحب حتحس ان الموتور بقى خشن لحد لما يوصل لار بي ام اعلى من 3000 وبعدين يرجع ينعم تاني (طبعاً فنيان انا معرفش ده بيحصل ليه )
2- لو بتكس على دواسة البنزين براحة يعني حته صغيره وتزود سنة سنة مش حتحس بالخشونة دي خالص وحتلاقي تجميع العربية اسرع وانعم
انا جربت الطريقتين وانا كنت مسافر القاهرة وفعلاُ كان في فرق واضح
الاهم من كده ان مع كتر الاستخدام حتلاقي الموضوع ده بيقل شوية شوية لحد ما الموتور ينعم خالص..
حضرتك عربيتك عاملة كام كم