ربنا كرمنى واشتريت صنى الشكل الجديد فيها abs اللون اسود والصالون اسود
انا حاليا فى التليين ياريت لو فى نصائح لاتباعها ارجو الافاده.:shine[1]:
عرض للطباعة
ربنا كرمنى واشتريت صنى الشكل الجديد فيها abs اللون اسود والصالون اسود
انا حاليا فى التليين ياريت لو فى نصائح لاتباعها ارجو الافاده.:shine[1]:
الف مبروك وربنا يباركلك فيها
بس هو ايه الشكل الجديد ؟؟ ممكن صورة
والسعر كام والمواصفات قول يلا
مـبـروك عـلـيـك الـنـيـسـان
الف مبروك
الف الف مبروك
الف مبروك
ربنا يبارك ليك فيها و يكفيك شرها
أهلآ بيك فى أسرة نيسان :satelite:
اللهم صل على محمد وعلى آله وصحبه أجمعين
متشكرين على الردود الجميله . بالنسبه للشكل الخارجى للعربيه اتغير من الامام من وجهة نظرى للاحسن اما من الخلف الفوانيس شفافه فقط لاغير . اما بالنسبه للكماليات هى هى مفيش زياده غير cd - abs -عدد 2 اير باج . اما السعر انا اشتريتها 91 الف لو من المعرض حيكون من87- 88 الف حسب المعرض.
الف مبروك
ربنا يباركلك فيها
الف مبروك ياباشا ربنا يباركلك فيها
بس لية سؤال عربيتك سوبر صالون ولا اى اكس صالون
الف مبروك عليك العربيه انا سالت عليها في اوتو ايجيبت قالولي عامله 93 الف الاكس صالون فيها abs وفوج لايت وكاسيت ؤcd ياريت تقولنا انت جبتها منين بالسعر ده ومن مركز معتمد و لا معرض
العربيه اكس صالون . ثانيا من حيث السعر انا جبتها تبع الشغل واستلمتها من المصنع اللى فى6 اكتوبر. كان سعر اكس صالون فى وقتها بــ 87الف وفيها abs عند سمير ريان بس الواحد كان مرتبط بالعمل .من الواضح ان سعر العربيات غلى.
فيه حاجه غلط انا شاريها 1/6/2009 سوبر صالون الشكل الجديد 106الف ياريت حد يقولى الكلام دا صح ولا غلط بلييييييييييييييييييز ارجو الرد وبسرعه
ألف مبروك ياباشا ربنا يديك خيرها ويكفيك شرها
وبراحه عليها واحده واحده عشان التليين بتاع الألف كيلو
وياريت فى أول 5000 كيلو الأولانيين
برضه متجبرهاش على الجرى او على الشد او على حموله كبيرة
يعنى خليها تلين 5000 كيلو كده أحسن ليها المطور يعمر معاك أكتر ويحافظ على
قوة كبس الموتور...وبعد كده أجرى وشد وحمل بيها من غير ماتقلق
تحياتى
مبروووووووك عليك الصنى
الف مبروك وربنا يعطيك خيرها ويكفيك شرها بأذن العلي القدير
ربنا يباركلك فيها
ألف مبرووووووووووووووووك
1000 مبروك
سؤال هى العربية مانيوال
بالنسبة لاستفسارات الى انت عايزها انصحك بجد تقرا الكتاب الى جاى مع العربية بجد هتستفيد منة جامد
الف شكر على الردود الجميله والاهتمام . العربيه مانيوال abs
بالنسبه لسوبر صالون ده سعرها الطبيعى
انا ليه سؤال هل ممكن اركب انذار للعربيه بيعمل صوت اصل الانذار اللى عندى اخرص .انا مش عارف الموجود فى العربيه ده بيعمل ايه بالضبط
الانذار بتاع العربية زية زى اى انذار بس مفهوش حساس للصدمات يعنى لو حد هز العربية مش هيدى انذار لكن لو تفتح الباب او اتكسر الزجاج هيدى انذار وانذارة عبارة عن صوت الكلكس ومنصحكش تغير حاجة اصلية فى العربية
ممكن تركب انزار في التوكيل علي الريموت بتاعك وهيكون احسن
عشان الي في السيارة مش انزار
وهو تمنة في حدود 450 ج
عشان السرقة اليومين ددول علي ودنة تخصص
ممكن تالي السيارة الجديدة دية اية المكونات الياباني الي فيها واية المصري بعد اذنك
الف مبروك
ومستنيين تقييمك
اناحاسس ان دواسات العربيه عاليه شويه عن ارض العربيه فى السفر بتوجع الرجل مش مريحه . كان عندى اوبل فيكترا ورينو الدواسات قريبه من الارض وبالتالى بتريح القدم ارجو الافاده.
فعلا الدوسات بتعاتها عالية شويتيين
وبتتعب الرجل
دة كان احساسي بيها ورحت التوكيل عشان يوطيها شوية
مطلعتش بحاجة مفيدة
يعنى ملهاش حل . دى متعبه فى السفر.
مقياس الهواء فى الكوتش كام اللى فى الامام والخلف
ألف مبروك يا باشا ...
انا اول مرة أعرف ان في صنى تابلوه اسود!!
ممكن صور ؟
ربنا يباركلك فيها يرزقك خيرها وينجيك من شرورها
امين
الف مبروك
ربنا يبارك لك فيها و يكفيك شرها
الف مليون مبروك
متشكرين على الردود و المجاملات الجميله ويارب نكون على تصال دائما
اما بالنسبه للون التابلوه اسود علشان اشتريتها من المصنع. وده على حسب طلب العميل
* التقيم بعد 1000 كم
1- دواسات العربيه بعيده عن ارضيه العربيه وده متعب جدا
2- صوت الموتور بيعلا عند وصول المؤشر على 2 Rbm
3-سحب العربيه مش بيخطف الواحد مثل المستوبيشى و الهونداى عايز عافيه شويه
4-لازم تضع القدم كلها على الدواسه علشان العربيه تسحب و الدواسه ثقيله شويه
5- استهلاك البنزين عالى مفيش كنترول وده معروف للمنتدى كله
6- اما بالنسبه abs لسه مجربتهوش والحمد الله فرامل الصنى قويه من غير abs وده مش معناه انه مش ضرورى .ده مهم جدا عن تجربه.
* ياريت بعض النصائح لاخوكم
نصيحة قبل الشراء للنيسان الاتصال ا/هانى التركى مدير مبيعات السبع اكبر موزع لنيسان 0124165513
افضل موزع لنيسان السبع اوتوموتيف وكذلك افضل مراكز الخدمة واسأل مجرب تليفون السبع 24150677
الف مبروك
مبرووووووك من الاعماق والى الامام وبالتوفيق يارب
بارك الله لك فيها
ألف مبروك عليك وربنا يكفيك شرها ويأتيك خيرها
شوية نصائح
1-متحاولش إنك تسحب جامد بالعربية خليك تحت ال80 كم/س
2-متشغلش التكييف كتير لأنه حمل على الموتور
3-البنزين طبعا 90أو 92
4- ضغط كاوتش العجل أمامى 32 وخلفى 29 مش كله 28 الله يخليك
كل ده لحد 2000 كم كده او 3000 مش أكتر بعد كده خد راحتك ياباشا وضرورى بعد كده الصيانات الدورية
نصيحة هاااااااااااااااااااامة
أرجوك متسلمش عربيتك فى يوم من الأيام لورشة بره مهما كان العيب بسيط
وألف مبروك مرة تانية وفى إنتظار تجاربك مع العربية ويارب خير دايما
انا عايز اعرف الملاحظات اللى انا حاسيت بيها دى طبيعيه ولا ايه
عاوزين حد يقولنا هو الموديل الاتوماتيك الشكل الجديد فيها abs وفى كمان سينسور بارك ولا مجهزة بس بالسينسور بارك وبيتركب فى التوكيل وهل معاها كاسيت سى دى ولالا وبعدين بيشغل mp3 ولالا, انا بتكلم على الموديل اللى ب93 الف او تقريبا 94 االف ويبقا كتر خيركم
اللى اعرفه السعر ده اتوماتك الشكل القديم. اما الكماليات معنديش فكره
السلام عليكم
انا شارى مانيوال الشكل الجديد فيه abs
اساس سعرها 91 الف ونزل عليها خصم 3 الاف فى فتره المعرض يعنى 88 الف
الى مفهوش abs شيل الفين جنيه من سعرها يعنى ب 86 الف وفى فتره واساس سعرها 89 الف
بالنسبه للاتوماتك فيه بردو نظام بabs وبدونه
وعشان تعرف حسبتك
الفرق بين المانيوال والاتوماتك 4 الاف وليك حريه الاختيار
يعنى تزود على الحسبه السابقه 4 الالف
العربيه موش مجهزه بسينسور بارك
بس الاكسدام مخرم جاهز لتركيبه
كاست السياره سى دى ودخل ممكن توصله بدخل صوت من لاب توب او mp3 h او غيره
وبيقرى mp3
اتمنى ان اكون جاوبت على اسئلتك باستفاضه
وشكرا
م/ اسلام
يعنى بصراحة توكيلات العربيات دى مستفزين بامانة , مخرمين الاكصدام عشان تركبه طيب ما لو ركبته بره بردوا حيحصل لعب فى دائرة الكهرباء وحيقولك خرجت من الضمان ولو ركبته عندهم حتدفع بردا , طيب ايه الفكرة لو نزلوها فيها سينسور بارك راكب وجاهز يعنى يا جماعة هما عمالين يشيلو من العربيات كماليات كتيرة ويقرفوا الناس عشان يوفروا ويكسبوا بجشاعة وبعد ما ينزل فى السوق موديلات كتيرة من انواع عربيات كتيرة يبتدوا ينزلوا الكماليات اللى كانوا شايلنها , طيب ما ينزلوها من الاول عشان الناس تقول ان التوكيل الفلانى والعربية دى محترمة , عندكم مثال لعربيات جديدة بالحال ده زى هيونداى النترا اللى حتنزل لسه حطو فيها abs عشان تنافس السيراتوا عشان لقوا السيراتوا اكلت السوق منهم وبردوا النسيان صنى حطول فيها abs وحركات لما لقوا بردوا بقا فى عربيات بتنافسها جامد , مع ان كل العربيات دى بره مصر فيه كل حاجة سواء العربيات اللى فى اوروبا او فى دول الخليج ومع ان اللى بندفعه فى العربيات هنا مش قليل يعنى عشان يشيلو منها حاجات كتير او مثلا مش بيكسبوا من ورانا عشان يقولوا ان مش بيكسبوا فيشيلو , كل ده احنا السبب فيه عشان لو بنقول لا ونبطل بقا تسرع ونشترى وخلاص ونعمل واقفة الامور حتتغير , بس المشكلة اننا بنشترى وخلاص , وحتى العربيات اللى فوق ال100 الف اسعارها مبالغ فيها اوىى , بصراحة جشع رهيب , والناس بتساعد فى الجشع ده , محسسنى اننا حنطلع الفضاء بالعربيات دى يا جماعة ومش قادرين نصبر عشان نقاوم الجشع ,وتلاقى اللى بيدفع اوفر بريس عشان يستلم , اكنه حيستلم مكوك فضائى , وفى الاخر حيقعد بيها شوية وحيبعها ويشوف موديل غيرها وهكذا