الفرش الأصلي عاجبني جدا .. بس خايف يتبهدل

**Eng.Sameh** · 08-07-2009 01:01 AM

عربيتي الجديدة مازدا3 والأنتريور أسود ....
المشكلة باختصار أن الفرش الأصلي بتاع العربية عاجبني جدا ونفسي اخلية من غير ما احط فرش عليه ... بس بردو خايف يتبهدل خاصة انه اسود ، فكرت اركبله فرش جلد والكل قالي ان الفرش الجلد مؤذي جدا في الصيف ، فكرت اركب فرش عادي بس مفيش حاجة عجباني زي فرش العربية الأصلي ،

- قلت أسالكم يمكن فيه حاجة غير الفرش تتحط وتتشال بسهولة وتحافظ على الفرش ، أو اي اختراع نزل السوق وانا معرفوش ، أو اي اقتراح يريحني من الحيرة دي ،

- السؤال التاني .. هل فية حاجة تتحط على الأرضية زي دواسات بس كبيرة ومرنة بحيث تتفرش وتغطي الجزء اللي اما الكراسي والكنبة الخلفية بصورة كاملة ويتحط فوقيها دواسات عادية ، هوه فيه ناس قالولي اعمل الأرضية كلها جلد أو بلاستيك بس أنا مش عجباني الفكرة لأنه ممكن يسرب ميه ويكون ضرره اكثر من نفعه ،

مستني رأيكم في النقطتين ... مع خالص تحياتي

**KoDaK_Gti** · 08-07-2009 01:07 AM

الفرش الجلد ليه مميزات وعيوب ميزته فى النضافة وعيوبه فى الصيف بس طالما العربية مكيفة خلاص وممكن تجيب عراقتين للكرسيين اللى قدام
القماش لو اتوسخ بيبقة شكله وحش جدا

والافضل انك تفرش الارضية كلها جلد عند سروجى وهتبقة انضف بكتير

**Eng.Sameh** · 08-07-2009 01:09 AM

المشاركة الأصلية كتبت بواسطة kodak_gti

الفرش الجلد ليه مميزات وعيوب ميزته فى النضافة وعيوبه فى الصيف بس طالما العربية مكيفة خلاص وممكن تجيب عراقتين للكرسيين اللى قدام
القماش لو اتوسخ بيبقة شكله وحش جدا

والافضل انك تفرش الارضية كلها جلد عند سروجى وهتبقة انضف بكتير

طب لو عاوز اعمل موضوع الجلد ده والأرضية بس تكون حاجة نضيفة جدا .. أعمله فين ... وبكام

**M.Osman** · 08-07-2009 02:06 AM

اعتقد الموضوع دا هيكون مفيد لحضرتك ايضاً:
http://www.nilemotors.net/Nile/showthread.php?t=82092

- السؤال التاني .. هل فية حاجة تتحط على الأرضية زي دواسات بس كبيرة ومرنة بحيث تتفرش وتغطي الجزء اللي اما الكراسي والكنبة الخلفية بصورة كاملة ويتحط فوقيها دواسات عادية ، هوه فيه ناس قالولي اعمل الأرضية كلها جلد أو بلاستيك بس أنا مش عجباني الفكرة لأنه ممكن يسرب ميه ويكون ضرره اكثر من نفعه ،

واحد صاحبي كان جايب من عند النساجون موكيت بلون فرش العربية تقريبا (تقريبا معمول للعربيات) بيحطه تحت الدواسات ...

**Eng.Sameh** · 08-07-2009 04:09 AM

يا ريت يا جماعة حد يقولي عنوان أحمد دوس تفصيلا ، ورقم تليفونه ، ويا ريت لو حد عمل عنده يقولي هل فعلا شغله نضيف زي ما بيقولو ولا ايه ، وكمان اسعاره ايه ، وهل الفرش اللي عندو تفصيل ولا جاهز

**tarekmomo** · 10-07-2009 08:01 PM

ركبلو كسوة فريبة من شكل الفرش الاصلى اكيد هتلاقى حاجة قريبة منة وكمان هيحفظة من التراب واى حاجة تقع علية

**pop_miro** · 25-07-2009 01:06 PM

طب مهقولك يا مان متعمل فرش يكون شامواه عندي اي حد بتاع فرش برده بيبقا جامد جدا

**himaz** · 25-08-2009 12:05 PM

انا رأيى انك تسيب الفرش الاصلى لان مقتنع ان اى حاجة مهما كانت بتتحط على الفرش بتيوظو وبتاكل فيه غير ان اريح فرش للركاب هو الاصلى ;)

موضوع الارضية كفاية تحط فرش عادى للاستخدام العادى

المهم فى الاخر تحافظ عليها من جوة و على تنظيفه كل فترة

كمان انت عندك ميزة فرش العربية الاصلى اسود و ده كويس بيستحمل اكتر من الالوان الفاتحة