احنا امتلكنا فيكترا 2001 و بعدها استرا 2006 (زى ال 2004) هقولك مقارنه سريعه بينهم ..
الفيكترا تتفوق فى الاتى:
1-اوسع من الاسترا...
2-اثبت من الاسترا(بس الاسترا ثابته جدا برده)
3-نور الفيكترا اقوى
4-قطع غيار الفيكترا ارخص و اكتر انتشارا و النقطه دى محتاجه شويه كلام ...
ملخص الموضوع ان الاسترا الموديل ده فى الاصل شيفروليه و بتنزل 3 دول و هى مصر و البرازيل و جنوب افريقيا ..
فمفيش ليها قطع غيار استيراد (الا المشتركه مع الشكل الى قبلها)...
يعنى مثلا الفوانيس و الصاج و الاكصدامات ملهاش استيراد ..
و اغلب حاجتها برازيلى ....و مش موجوده فى التوكيل و عند 2 او 3 فى الحرفيين ..(دول الى اعرفهم) و باقى قطع اليغرا موجوده فى اى حته ...
فدى نقطه ضعف العربيه ...
الاسترا تتفوق فى التى :
1-السحب لان العربيه اصغر و اخف من الفيكترا ...
2-كماليات اكتر (لو الفيكترا 1600)
3-الامان .. فيها 2 ايرباج و الفيكترا مفيهاش ...
4-موديل اعلى من الفيكترا و بالتالى حاله احسن من الفيكترا ...
التكييف بتاع الاسترا كويس بس محتاج حد يظبطه صح ...
ملخص الكلام ...
الفيكترا لو حالتها ممتازه هتكون افضل من الاسترا ...
لو حاله الاسترا احسن يبقى الاسترا احسن ....
بالنسبه لاسعار قطع الغيار فى الاسترا ...
مثلا المرايه انا جايبها استعمال خارج ب 210 جنيه (المانى)
الفانوس الامامى ب 725 جنيه فى الحرفيين (موزع معتمد منصور) و فى منصور نفسه ب 990 ..
طرنبه البنزين ب 800 جنيه
المروحه ب 600 جنيه
الفلاتر و الحاجات دى مش غاليه ...
التيل عندك من اول 170 جنيه (مصرى) لحد 550 جنيه المانى...
الايرباج ب 500 جنيه استعمال خارج (غيرته عشان مكان الكلاكس بيقطع لوحده مش حادثه لا قدر الله ...
و متنساش ان الاسترا بتحب البرومه فى الرفارف من جوا ....
ملحوظه :
الاسترا بتاعى جايبها زيرو موديل 2006 ..
حاليا ماشيه 145 الف كم ....
كنت منتظم فى الصيانات فى التوكيل ...
و مش بعمل حاجه برا ..
و الحمد لله العربيه زى الفل ...
بس بيعتها عشان جبت فيكترا الجديده ...
او عشان اكون صادق البيع هيخلص بكره ...
لو عايز تعرف السعر انا تحت امرك و اى استفسار تانى انا تحت امرك ...
معلش كلامى ملخبط شويه ...
المفضلات