المشاركة الأصلية كتبت بواسطة اسلام المصرى
ألف مبروك يا أستاذ أبوسيف :) ربنا يباركلك فيها و يديك خيرها و يبعد عنك شرها. ان شاء الله أختيار موفق و تكون مبسوط منها. الترخيص مفيش قلق منه و ان شاء الله مايخدش وقت لانها زيرو بس أعمل حسابك فى شوية فكة و أنت رايح المرور علشان هتسمع الكلمتين دولت كتير: مبروك يا بيه :D
أول حاجة حضرتك ممكن تعملها فرش للكراسى جلد أو قماش جاهز أو تفصيل حسب رغبتك , فرش جلد للأرضية عند سروجى شاطر أو تستكفى بطقم دواسات حلو خامته تكون تقيلة , تشترى شماسة للزجاج الأمامى و شمسية للدركسيون , ممكن كمان تعمل دواسة لأرضية الشنطة للحفاظ عليها من الأتساخ , تركيب جهاز أنذار و قفل للدريكسيون - ربنا يحفظهالك من كل سوء ان شاء الله - حضرتك لسه معاك فلوس ولا أكمل :lol: أنا تحت أمرك.