استلمت لانسر 2008 (شكل قديم)

**أبوسيف** · 13-10-2007 06:15 PM

الحمد لله يا جماعة أستلمت لانسر 2008 الشكل القديم خليجى مواصفات كويتية 1600 مانيوال ، بس للأسف لسة ما رخصتش ، ان شاء الله هارخصها بعد العيد ، أنا سقتها من المعرض لغاية البيت ما شاء الله عليها عربية جميلة جدا. يا ريت لو اى حد عنده نصايح أعملها فى العربية ، هى العربية مركونة تحت البيت بالورق بتاعها وطبعا مغطيها لحد ما اروح بيها المرور يوم الثلاثاء ان شاء الله

**معاذ الشرباصى** · 13-10-2007 07:10 PM

الف مبروك يا ابو سيف

ربنا يبارك لك فيها و يحفظها لك من كل سوء

**Heshaam** · 13-10-2007 07:16 PM

ألف مبروك يا أستاذ أبو سيف

ربنا يباركلك فيها ويعطيك خيرها ويقيك شرها

لو في نصيحة ممكن أقولهالك هي أمن عليها وربنا يسلم طريقك إن شاء الله

**hatem_badawe** · 13-10-2007 08:19 PM

مبروك ويا ياريت تقول بكام جبتها وهل في اي جديد في الالوان او هناك اي اوبشن زيادة ادينا التفاصيل يا باشا

**ابوشريف** · 13-10-2007 08:22 PM

المشاركة الأصلية كتبت بواسطة hatem_badawe

مبروك ويا ياريت تقول بكام جبتها وهل في اي جديد في الالوان او هناك اي اوبشن زيادة ادينا التفاصيل يا باشا

+1

**أبوسيف** · 13-10-2007 09:58 PM

شكرا يا جماعة على ردودكم ، أنا جبتها ب 98000 وهى كويتى وتقريبا مفيش إختلاف عن 2007 غير فرق الموديل بس ولونها فيرانى فرش بيج وفيها اير باج للسائق وكاسيت CD MP3 ,ابانوس فى التابلوه.

أستاذ هشام شكرا على نصيحتك وأنا فعلا مأمن عليها مع الجمعية المصرية للتأمين ، أدعولى أرخص بسرعة علشان نفسى أسوقها ومش قادر لأن لسة معلهاش نمر.

**اسلام المصرى** · 13-10-2007 10:11 PM

ألف مبروك يا أستاذ أبوسيف :) ربنا يباركلك فيها و يديك خيرها و يبعد عنك شرها. ان شاء الله أختيار موفق و تكون مبسوط منها. الترخيص مفيش قلق منه و ان شاء الله مايخدش وقت لانها زيرو بس أعمل حسابك فى شوية فكة و أنت رايح المرور علشان هتسمع الكلمتين دولت كتير: مبروك يا بيه :D
أول حاجة حضرتك ممكن تعملها فرش للكراسى جلد أو قماش جاهز أو تفصيل حسب رغبتك , فرش جلد للأرضية عند سروجى شاطر أو تستكفى بطقم دواسات حلو خامته تكون تقيلة , تشترى شماسة للزجاج الأمامى و شمسية للدركسيون , ممكن كمان تعمل دواسة لأرضية الشنطة للحفاظ عليها من الأتساخ , تركيب جهاز أنذار و قفل للدريكسيون - ربنا يحفظهالك من كل سوء ان شاء الله - حضرتك لسه معاك فلوس ولا أكمل :lol: أنا تحت أمرك.

**إسلام شاهين** · 13-10-2007 10:20 PM

ألف ألف مليون مبروك .

ربنا يباركلك فيها وخش بقه على ساحة الميتسوبيشي وتقلب فيها كده علشان تعرف اللي هتعمله فيها من فرش لإنذار لكل حاجة حلوه للعربية الحلوة .

سمعونا زغروووووووووووووووووووووو وووووده .

**hatem_badawe** · 13-10-2007 10:23 PM

اكمل انا وكمان باكتات جانبية علشان الحكات (مثل الاستاذ اسلام شاهين )

باركينج سينسور ب 175

**Nader** · 13-10-2007 10:26 PM

الف مبروك على العربية الجديدة وربنا يبارك لك فيها.

المهم تاخد بالك على التليين عداد الـRPM ميعلاش عن الـ3000 والتسارع بتاعك يبقى تدريجى واحدة واحدة ومتشغلش التكيف غير لما تخلص اول 1000 كيلو بتوع التليين.

الموضوع: استلمت لانسر 2008 (شكل قديم)

LinkBack

أدوات الموضوع

عرض

-

-

-

-

-

-

المواضيع المتشابهه

النترا شكل قديم ولا لانسر مكوة

لانسر بوما ولا شارك ولا تيدا ولا بي ام قديم

لانسر بوما ولا شارك ولا تيدا ولا بي ام قديم

بدور على لانسر قديم شوية في حدود 35000

دللاية العجله الخلفيه لانسر 2008 شكل قديم

الكلمات الدلالية لهذا الموضوع

المفضلات

المفضلات

ضوابط المشاركة