8 خروم في فرده واحده

**ZALABANY** · 08-07-2009 09:35 AM

امبارح عديت على واحد بتاع كاوتش
يزودلي العجل قالي باباشا انت رايح مشوار بعيد العجله دي فيها خرم قلتله شوفه طلعلي 8 خروم وانا واقف وقالي انت اكيد دست على ازاز المهم قالي الخابور ب 7 جنيه اسباني و10 جنيه امريكي قلتله ولا 7 ولا 10 واسباني ولا استرالي هو كله خابور قالي ازاي قلتله انا بعمل الخابور ب 3 جنيه قعد يقولي ازاي يا بيه والله ما يجيب حقه على العموم اللي انت عايزه واحنا خدامين وتحت امرك وتك تك تك تك كان مثبت ال 8 خوابير منه لله العجله ما كملتش شهرين في العربية وفي الاخر عايز 60 جنيه
قلتله مش هادفع غير 40 بس ما كانش معايا غير 50 جنيه مجمده قعدنا نحكي نص ساعه لما خنقني قلتله غور بال 50 جنيه وحسبنا الله ونعم الوكيل
على فكره الخابور في الغالب لا تيواني ولا نيله لأن الكيس ما كانش مكتوب عليه اي حاجه الأمريكي هو اللي فعلا كان مكتوب عليه صنع في امريكا
خلو بالكم من النصب ده وياريت تتفقوا قبل ما اي حد يمد ايده على الكوتش
بس هلى اللحام الداخلي اضل ولا الخوابير انا مش عارف بسمع كلام كتير ومش عارف الصح فين

**ahmed76** · 08-07-2009 09:47 AM

نفس الموقف ده حصل معايا بالنص من سنه
فى بنزينه tam oil الحى العاشر مدينه نصر
ومكانش معايا غير حوالى 50 جنيه ونازل اجيب حاجات للبيت
طبعا روحت وما جبتش حاجه
حسبى الله ونعم الوكيل

لكن بقيت اسأل واتفق قبل ما يشتغل حد فى العربيه
خلى بالك من اللى يقولك انت تأمر ومن غير فلوس
وخليها علينا

واعتقد ان اللحام الداخلى احسن وب 5 جنيه اللحام
وبياخد اللحام الواحد حوالى 10 دقايق

**ahmedhilmy** · 08-07-2009 09:55 AM

عموما الحمد لله ربنا يعوض عليك بتوع الكاوتش دول من اسوأ الفئات خاصة اللي شغالين في محطات البنزين شوية نصابين المهم بلاش الخوابير خالص احسن حاجة اللحام لاني الخبور مع الحر و حركة العربية بيفتح المكان اللي هو فيه و بياثر علي عمر العجلة بتاع الكاوتش اللي قللي كده علشان كده بسال قبل مخليه يشتغل فيها في لحام لأ بخليه يزودها لغاية مشوف حد تاني

**masrawy1441** · 08-07-2009 10:06 AM

ههههههههههههههههههههههههه هههههههه حسبى الله ونعم الوكيل
احلى حاجه قلتها اوى حد يمد ايده على الكاوتش هههههههههههههههههههههههه
حتى الكاوتش بقى مخروم
مش عارف والله الواحد يعمل ايه فى البلد دى

**M.FOUAD** · 08-07-2009 10:41 AM

احسن حاجة بعد كدة ساعة ما تلاقي خروم كثير تركبلها شنبر عشان العجلة تعيش معاك

**zeyad1810** · 08-07-2009 01:50 PM

معظم بتوع الكاوتش بتوع اشتغالات

**جمال** · 08-07-2009 03:27 PM

يا جماعة اتقال هنا فى المنتدى اكثر من مرة عن محطات البنزين اللى بتخرم الكاوتش عن قصد و تصلحة بخابور
وان ده غلط جدا , وغالبا بيكون العامل هو اللى عمل الخروم و بيشتغلك
الحل المثالى هو انك ماتسألش فيه و تمشى و متخليش حد من محطات البنزين يكشف على العجل , ومعروف ان التيوبلس ممكن تمشى بيه و فيه خرم بدون ان العجلة تنام ( طالما ماشى بيها مش واقف )وتروح بسرعة لاى بتاع كاوتش انت مجربه و ضامنه للاصلاح - ده اذا كان فيه خرم اصلا

**SHNORY** · 08-07-2009 04:26 PM

انا مره روحت اكشف علي فرده بتريح لقيت فيها 6 اخرام والواد قالي ان العجله منمله
بس هو ثقه
العيب بقي ان عندي جنب المحل منجد وطبعا بيغرق الشارع مسامير
فحتي لو جيبت كاوتش جديد برضه النتيجه حتبقي واحده
فمستني ان العربيه تطلع من العمره وحجيب السائل بتاع لحام الاطارات
واملي العجل نتروجين واريح دماغي من الموضوع دا كله
ولو بعد الموضوع ده فضلت المشكله زي ماهي
حستعوض ربنا في الاكل والشرب واشتري كل شهر طقم كاوتش جديد

-

الموضوع: 8 خروم في فرده واحده

LinkBack

أدوات الموضوع

عرض

-

-

-

المواضيع المتشابهه

محتاج فرده ١٣/١٦٥/٨٠

كده يبقي البنزين ها يترفع بس واحده واحده

فرده كاوتش باظت

للبيع مديول زينون فرده واحده بس بوش الماني

ايهما افضل الترصيص بالموتوسيكل ولا الترصيص فرده فرده لوحدها على الجهاز؟؟؟

الكلمات الدلالية لهذا الموضوع

المفضلات

المفضلات

ضوابط المشاركة