الموضوع: نادي واجا WAJA CLUB WoooW

الملف في المرفقات لحد لما يحلوا المشكلة دي

انا عضو بس مش عارف رقم كام؟؟!!!:)

المشاركة الأصلية كتبت بواسطة mohamed_elnaggar

انا عضو بس مش عارف رقم كام؟؟!!!:)

اهلاً اهلاً بيك يا فندم ممكن تعرفنا بحضرتك وبالامورة واجا
وبالنسبة للرقم ممكن تختار اللي انت عاوزة من 1 إلى 100000

جاتلي اكتر من رساله على الخاص بخصوص خطوات استلام الواجا الجديدة " من الواضح انها حتنافس قريب قوي " فقلت احط الموضوع هنا علشان كل الاعضاء اللي ناوين " ربنا يكتر منهم " يقدرة يستفيدوا وكمان لو حد عنده اي معلومة زيادة يا ريت يفيدنا بيها
بص يا سيدي انت حتلاقي الراجل اللي بيسلمك مستعجل وعاوز يخلص وبيقولك كله تمام ( سيبك منه ) خد وقتك محدش بيجري وراك خليك على رحتك ولو حسيت انه ابتدى يدايئك قولة سيبني وتعالالي كمان نص ساعة ..
1-الموتور : دورة وشوف الار بي ام بيبقى على كام اول ما تدور مش المفروض يعلى عن 12000
2-شوف العربية حتسخن وتوثل لنص عداد الحرارة بعد قد ايه المفروض من 3 على 5 دقايق
3-سيب العربية دايره طول ما انت بتكشف على باقي الحاجات وشوف العربية حتسخن زياده ولا لاء (المفروض متعديش نص عداد الحرارة مهما طالت المده)
4-طفي الموتور ودورة تاني بعد ما تسخن شوف سرعة الدوار شلكها ايه
5-بس على الشكمان كل فترة والتانية شوف شكل الدخان اللي طالع ولو بتعرق ماية ولا لا
6-افتح الكابوت وبص على كل ما هو ظاهر امامك ولاحظ لو في صوت غريب جاي من اي حته لو في حاجة شكلها غلط او مكسورة او متنية جامد.
7-صوت الموتور وهو بيدور ليه صوت جميل جداً زي ما يكون صوت طياره نفاثة ( صوت مميز وحيعجبك)
8-الكونتاكت : طفي الموتور لو مشغلة وافتح الكنتاكت بس من غير ما تدور وبص على اللوض في التابلوه كل اللمط حتفضل منورة ما عدى الاير باج والabs اتأكد انهم ضفو بعد 5 الى 10 ثواني.
9-الزجاج : طلع ونزل في الزجاج كانك بتلعب بلاي ستاشن.. مرة كل واحد لوحدة ومرة 2 مع بعض ومرة كلهم سوى معرفش حتعملها ازاي دي.
10-الكاسيت : خد معاك سي دي (mp3) اهم حاجة يكون معمولة رايت على سبيد قليلة زي مثلا‘ 10كيلوبايت او 16 كيلوبايتحطة في السيدي وخلي بالك متزقهوش لجوه مجرد حطة على طرف السي دي وهو حيسحبة لوحدة ( تكنولوجيا يا باشا)عالي ووطى والعب كأنك في دي جي ولا يهمك حد ( طبعاً حتسمع صوت زنة في الصوت لو عاليت قوي وده طبيعي علشان المشمع اللي فوق سماعات البابين)
11-العب في المساحات وشغل الراشاشات واتأكد نها متظبطة وشغاله تماما
12-خالي اي حد معاك يلعب في الانوار ( نور الليل - النور الواطى - النور العالي - الفوجات – الاشارات ) وكمان بص على نور الفرامل والمارشادير ونور الاستوب اللي على الشنطة ...
13-الكنبة بتتنى وبتتفتح على الشنطة ( الموضوع ده جميل جداُ ) جرب اتنيها كلها
14-افتح الشنطة واستلم العدة حتلاقي كيس مقفول في كل العدة بتاعت العربية + جراب للعدة + طبعاً الاستبن والكوريك ( اكد على كل حاجة فيها) – وبص بالمرة على اللمبة اللي في جوه الشنطه شغاله كويس ولا لا
15-طبعاً متنساش الدوسات العربية فيها طقم دوسات محترم محترم حتحبة قوي لما تشوفة
16-افتح تانك البنزين وبص في بصة اتأكد ان كله طبيعي
17-افتح الاربع ابواب واقف قدام العربية وبص علىها من قدام حتعجبك قوي (ده مش اختبار ده مجرد نظرة إعجاب )
18-راجع على انوار الكبينة من جوة اتأكد ان كل باب ليه لمبة بتنور لما يتفتح وكمان في لمبتين فوق السواق ليهم زراير مخصوص ( لمط قراية)
19-حزام الامان ليه 3 مستوايات ارتفاع جربهم واتأكد ان الحزام ثابت في ال3 مستويات ( الحزامين )
20-كرسي السواق واللي جتبة ليهم اتجاهين ( قدام وورا ) (وفوق وتحت ) العب ولا يهمك حد
21-الكونسول اللي على يمين السواق فيه فتحتين ( فتحة علشان وش الكونسول بس ) والتانية بتفتح الكونسول كله.. ( مكان للتخزين رائع وعملي جداً
22-تظبيط العجل ( اللي قدام اظبطهم على ضغط 30 ) ( اللي ورا اظبطهم على ضغط 28 ) وده حتلقية مكتوب على القايم اليمين.
23-لازم تجرب العربية ( تسوقها يعني ) قبل الاستلام مجرد 5 دقايق بس واللي حتجربة فيهم حجتين ( الموتور والفرامل ) - (اكسر الدريكيسون على الاخل ولف بالعربية شوف لو في صوت ضقضقة وانت بتلف)
24-طبعاً متنساش المريات الكهرباء لازم يكون ليها نصيب من الموضوع دورها يمين وشمال وفوق وتحتل لحد لما تدوخ مترحمهاش
25-مخادع الرأس بتعلى وتنزل في الكراسي والكنبة جربهم
26-اهم حاجة المفـــــــتاح : المفتاح بيفتح الابواب والشنطة ( اول ضغطة بيفتح الابواب - تاني ضغطة بتفتح الشنطة)
27-السينتر لوك : اول ما حتتحرك بالعربية ومع اول دوسة فرامل حتلاقي السنتر لوك قفل ( منخفش ممكن تطلع من الشوباك ) والسينتر ليه 3 طرق لفتحة ( من المفتاح وهو في الكونتاك ) ( في زرار في الطابلوه عليه دايرة دا مخصص لفتح السينتر ) ( من اللوك اللي في الباب نفسة ودي انا مش بحبها خالص ) انا عن نفسي بيتخدم الزرار اللي في الطابوة وعلى فكرة الزرار ده لما تقفل العربية من الريموت وتشغل الانزار حتلاقي في لمبة حمرة نورت جواه شكلها جميل .
28-التكييف : جرب كل سرعات المروحة وفتحات التهوية .. اتأكد ان كله تمام والهواء الساقع طالع من كل الفتحات بنسب متسوية.. سيب التكييف شغال شوية ولاحظ تأثير ده على العربية ( هل في لغبطة في الموتور ) ( هل في زياده في درجة حرارة العربية)
امانا عليك يا اخي
متقرصش على العربية في الاول وليينها كويس واديها بريستيجها وعاملها معاملة البرينسيسة وبلاش قرص وحفر وبهدله... الامورة متستهلش كده..
لو كل ده تمام ومفيش مشاكل استلم وتوكل على الله والف الف الف مبروك ربنا يباركلك فيها ويديلك خيرها ويكفيك شرها
لو ليك اي ملاحظات بسيطة اثبتها في الاستلام واكتبها وامضى عليها
لو لا قدر الله في حاجة مش عجباك ( متستلمش ) محدش له عندك حاجة انت بتشتري عربية مش كيس جوافة في واحد ضربة - اعترض و قول لأ ومش حستلم العربية دي ولو جبولك واحدة تانية ابتدي من الاول تاني ولو محتاج اي مساعدة من فضلك كلمني على طول..
بالتوفيق والف مبروك مقدماً

شكرا استاذ رفيق على مجهوداتك لمساعدة الاخوة مالكى الواجا وانا بشكرك فعلا على اسلوبك المنظم فى طريق شرح استلام العربية وان شاء الله نشوف حضرتك على خير فى المقابلة