الموضوع: هل عدادات الكليو بيتلعب فيها

يا جمهعه انا بشكر الناس اللي ردت بس انا كده برضو معرفتش هي العدادات بتتصفر بس ولا ممكن يتكتب اي رقم علي فكره انا بسال مش عشان اعمل كده بس الفكره اني عايز اجيب كليو و لقيت نلس قايله العربيات عامله 40000 و ارقام قليله فكنت عايز اعرف ده حقيقي ولا لا سؤال اخير لو رحت كشفت علي العربيه في التوكيل هل هيعرفو الكيلومتر ده صح ولا ملعوب فيه

بلا ش رقم 40000 كم لانى متعقد منه انا اشتريت عربية كليو 2004 الناس قالت لى عاملة 40 الف وكانوا تجار وفى اسبوع واحد صرفت 2000 جينة ومش ماشية معايا كويس بالصدفة لقيت رقم تليفون صاحبها اتصلت بيه قلت له العربية جميلة جدا من برة ورغم المصاريف دى كلها وسالتة على العداد وكانت الصدمة كانت عاملة 138000 كم والتجار لعبوا فى العداد بعتها وخسرت فيها 5000 جينة لانى شيلت منها

العداد الديجيتال بيتلعب فيه بتغيير رقم لأن اللعب فيه بيبقي غالي

المشاركة الأصلية كتبت بواسطة amr_moh

مش شرط العداد الأليل يبئة ملعوب فيه
بسم الله الرحمن الرحيم
يا أيها الذين آمنوا اجتنبوا كثيراً من الظن إن بعض الظن إثم


أنا أصدي إن الحالة العامة هي البتحكم في شرا المستعمل.. متخليش الألأ الزيادة يضيع منك بيعة لقطة

لو صاحبها مواظب على الصيانة طبعاً حعرفو فالتوكيل

بالمناسبة أنا معايا كليو ٢٠٠٣ ماشية ٣٧٠٠٠

بالتوفيق

طبعا كلام حضرتك صح مليون في الميه بس الفكره اني كنت هبدا الف علي معارض المستعمل او اجيب من السوق بس لو العداد بيتلعب فيه بسهوله و بيتظبط علي اي رقم يبقي كده مينفعش يشتري من اي معرض او من السوق اللي كله تجار,انا سؤالي مفيش جهاز في التوكيل يعرف العداد اتعملو رستارت قبل كده ولا لا