GEN2 or Yaris

**Mohamed_hemdan** · 08-07-2009 07:54 PM

السلام عليكم..

يا شباب بجد انا محتار و مش عارف اعمل ايه 100 رأي و رأي عن كل عربيه ... انا كنت مقتنع ب Gen2 لكن واحد صاحبي معاه واحده موديل 2008 مبهدلاه في قطع غيارها و بيقول انها كانت كويسه في الاول بس بدا يطلع مشاكل فيها كتير بجانب قطع غيارها الغاليه .. في ناس رشحتلي ياريس عشان ياباني و قالتلي العربيه دي حلوه جدا و اعاده سعر البيع كويسه بجانب التوكيل المحترم و لكن يعيبها الخفه علي الطريق و التصميم الداخلي الفقير و الصاج الخفيف... ف انا محتار جدا هل اشتري العربيه اللي عجباني جدا اللي هي GEN2 ولا اشتري ياريس هاف اوبشنز؟؟؟ محتاج لرأيكم الغالي بجد!!!

**M.FOUAD** · 08-07-2009 11:04 PM

شوف انا طول عمري بقول الواحد المفروض يشتري الحاجة اللي عاجباة و ميسمعش كلام الناس لانك لو جبت الياريس مثلا اول مشكلة هتحصل فيها هتقعد تقول ياريتني كنت جبت الجين 2 و هتفضل عاجباك لحد ما تشتريها
لكن لو فكرت تفكير منطقي هتلاقي اليارس احسن طبعا كعربية و اعادة بيع و توكيل و سيبك من موضوع الثبات دة العربية حلوة و انت مش هتطير بيها

**kloda** · 09-07-2009 01:36 AM

الياريس غالية جدا علي امكانيتها و مش ثابتة خالص علي الطريق دة غير ان طبعا قطع غيارها حتكون غالية
الجين 2 2009 الشكاوي منها تكاد تكون اختفت و في ناس كتير بيشتغلو فيها برة و ليها محلات بتبيع قطع غيار كتير
دة غير الامكانيات و السعر المميز و الثبات الرهيب
الثبات من اهم مقومات السيارة
اي سيارة لابد ان يكون ثباتها جيد بالطبع
اتفضل حضرتك في منتدي بروتون و شوف تجارب الاعضاء المكتوبة بحيادية تامة
و ادخل علي التويوتا و اقرا اراء الاعضاء بة
و ربنا يوفقك للي فية الخير انشاء الله

**Eslam.Elrefaey** · 09-07-2009 02:06 AM

الجين 2 أحسن كتير وكل عيوبها اختفت فى2009 و أنت إن شاء هتروح 2010 أنا عارف........تحايتى

**Ayman_52** · 09-07-2009 01:42 PM

المشاركة الأصلية كتبت بواسطة kloda

الياريس غالية جدا علي امكانيتها و مش ثابتة خالص علي الطريق دة غير ان طبعا قطع غيارها حتكون غالية
الجين 2 2009 الشكاوي منها تكاد تكون اختفت و في ناس كتير بيشتغلو فيها برة و ليها محلات بتبيع قطع غيار كتير
دة غير الامكانيات و السعر المميز و الثبات الرهيب
الثبات من اهم مقومات السيارة
اي سيارة لابد ان يكون ثباتها جيد بالطبع
اتفضل حضرتك في منتدي بروتون و شوف تجارب الاعضاء المكتوبة بحيادية تامة
و ادخل علي التويوتا و اقرا اراء الاعضاء بة
و ربنا يوفقك للي فية الخير انشاء الله

المشاركة الأصلية كتبت بواسطة eslamvip2008

الجين 2 أحسن كتير وكل عيوبها اختفت فى2009 و أنت إن شاء هتروح 2010 أنا عارف........تحايتى

+100000000000

اشترى العربيه الل مقتنع بيها ... وعيوب تقفيل الجين فى 2009 شبه تلاشت

-----
وصاحب حضرتك بيقول على قطع غيار الجين غاليه ؟؟؟؟؟

طب هو قارنها بايه عشان يقول غاليــه؟؟؟؟؟
-----

ربنا يوفقك للخيـــر ان شاء الله

تحيـــــــــــــــاتـــى

**Ahmad Aboul Fotouh** · 09-07-2009 01:44 PM

اوعي تجيب يارس دي هوااااا
مش ثابته خالص خفيفه اوي وغاليه علي الفاضي
بس لازم تبقي عارف ان توكيل بروتون مش كويس وقطع الغيار مش متوفره فيه
واحد صاحبي ركن العربيه شهر عشان مفيش رادياتير في التوكيل
بس برضه متجيبش يارس العمر مش بعزقه الا لو كنت هتمشي بيها بهدوء و متعديش ال 90 خالص

**momenhamdy** · 09-07-2009 02:45 PM

طبعاً يا جماعة في فروق جوهرية في العربيتين

بمعني الياريس انا بصنفها انها عربيه لداخل المدينه موفره جداً في البنزين و تتميز بموتور محترم و جير محترم و مقصوره واسعه ولكن و دا رأي الشخصي بالنسبه لها انا مستخدمهاش علي الطرق السريعه خالص ..... لان فعلاً صجها ضعيف و في نفس الوقت بعد ال 120 كم/س العربيه بتعوممم فأنا ارشحهالك لو استخدامك داخل المدينه

بالنسبة للجين 2 عربيه قوية ثابته مصممه للسرعات العاليه
ولكن طبعاً تكلفه الوثقود داخل المدينه اعلي لان الموتور قوي و 1600 و هي عربيه اساساً مصممه للاستخدام الرياضي يعني من الاخر عايزه سرعات عاليه

بالنسبه لعيوب التقفيل علي الرغم اني راكب 2008 و تكاد تكون معدومه في عربيتي الحمد لله الا انا شايف ان فعلاً 2009 اجود و افضل

بالنسبه لقطع الغيار العربيه بدأت بالفعل في الانتشار و يوجد كثير من المحلات لبيع قطع الغيار

وتقبل تحياتي

**أبومعاذ** · 09-07-2009 04:02 PM

بص الجين 2 لحد موديل 2009 لسة بتظهر فيها عيوب تقفيل بس هي عيوب بسيطة و بتتظبط في التوكيل و مقبولة مقارنة بالامكانيات الجبارة بتاعة العربية دي بس لو انت عايز عربية مفيهاش غلطة يبقى ابعد عن الجين 2 بس انا لو سالتني عن رايي في العربية رغم وجود العيوب هقولك عربية هايلة ومتتفوتش
اما الياريس بتتفوق عن الجين2 في سعر اعادة البيع و استهلاك البنزين و بسسسسس

**Ahmad Aboul Fotouh** · 09-07-2009 08:56 PM

المشاركة الأصلية كتبت بواسطة momenhamdy

طبعاً يا جماعة في فروق جوهرية في العربيتين

بمعني الياريس انا بصنفها انها عربيه لداخل المدينه موفره جداً في البنزين و تتميز بموتور محترم و جير محترم و مقصوره واسعه ولكن و دا رأي الشخصي بالنسبه لها انا مستخدمهاش علي الطرق السريعه خالص ..... لان فعلاً صجها ضعيف و في نفس الوقت بعد ال 120 كم/س العربيه بتعوممم فأنا ارشحهالك لو استخدامك داخل المدينه
وتقبل تحياتي

الكلام ده من الاخر

الموضوع: GEN2 or Yaris

LinkBack

أدوات الموضوع

عرض

-

-

-

-

المواضيع المتشابهه

Gen2 او lancer او yaris اوcity

كنت عايز اشتري عربيه اوتماتيك اجيب ايه yaris ولا gen2 ولا lancer ولا nissan

Gen2 و لا بيرسونا مع العلم إن البيرسونا عبارة عن Gen2 سيدان

Vote Yaris A/T VS Gen2 A/T Vs Lancer1300 A/T

yaris or gen2

الكلمات الدلالية لهذا الموضوع

المفضلات

المفضلات

ضوابط المشاركة