تجربتى مع الzx من 97 لحد دلوقتى

**ramy_gamal** · 08-07-2009 10:08 PM

العربيه جميله جدا وناعمه جدا وقويه جدا موتورها 1400 جامد وسحبها حلو اوى انا بجيب على الاول 50 والتانى 90 والتالت 120 وكمان اقتصاديه جدا في البنزين انا من اسكندريه بحط 25 لتر واروح القاهرة والف لفه بيسطه فى القاهرة وراجع تانى اسكندريه محطش بنزين تانى .... يعنى هي احسن فى سحب البنزين من الانوس واقوى وانعم من الانوس والكليو ....العفشه كويسه جدا... طول المدة دى محتاجتش صيانه خالص انا بس غيرت تيل فرامل امامى... بس طبعا فيها شويه عيوب الكنبه ضيقه والقعدة فيها موش مريحة زي الانوس ... المرايات الجانبيه بتتكسر بسهوله... التبلوة موش شيك....قطع الغيار موش سهلة... الثبات بعد ال130 موش اوى عشان ملهاش شنطه... التكييف موش حلو.....
بس عربيه جامدة وصاجها جامد جدا ... عربيه تستحمل لف كتير وتهلكها وميحصلش حاجة

**bios** · 14-07-2009 10:34 PM

طب انصحنى انا امامى سيارة ستروين zx 1380 cc وبيتكلم فى 25000 اية رايك مو 97 الكل بيقولى بلاش بس انا عجبانى وخايف من قطع الغيار و من الصيانة رججاء الرد

**ramy_gamal** · 18-07-2009 01:49 PM

المشاركة الأصلية كتبت بواسطة bios

طب انصحنى انا امامى سيارة ستروين zx 1380 cc وبيتكلم فى 25000 اية رايك مو 97 الكل بيقولى بلاش بس انا عجبانى وخايف من قطع الغيار و من الصيانة رججاء الرد

قطع الغيار موجودة موش غاليه اوى ...صيانتها موش صعبه لانها كاربراتير ) تاني حاجه حاله العربيه ايه عشان على اساسها نحدد السعر ( راشه جوة او راشه برة محتاجة ايه ماشيه كام العربيه واقفه على حيلها

**abosamra** · 18-07-2009 02:38 PM

انا عندى العربيه من 2003 وهى موديل 96 وكانت مع زميل لى هو اول مالك لها وفعلا كان بيمشى بيها على 160 وقالى انه مر شد مع سيارة اخرؤى والثالث جاب معاه 120ولن مش عارف ليه هى مش كدة معايا يعنى الثانى 40 والثالث 60 والرابع 80 والخامس لحد 120 فقط واى زيادة بحس بصوت الماتور انا عارف انها ناعمه وصوتها هادى بس الصوت بيزيد السحببيقل على الارقام السابقه.
ولكنى بحبها جدا وعلى فكرة ثباتها هاليل على 120 الفرامل كمان بتسعفك والعربيه صفقه ممتازة وقطعع الغيار كتوفرة ومعقوله جدا فى السعر

**ramy_gamal** · 19-07-2009 03:46 PM

المشاركة الأصلية كتبت بواسطة abosamra

انا عندى العربيه من 2003 وهى موديل 96 وكانت مع زميل لى هو اول مالك لها وفعلا كان بيمشى بيها على 160 وقالى انه مر شد مع سيارة اخرؤى والثالث جاب معاه 120ولن مش عارف ليه هى مش كدة معايا يعنى الثانى 40 والثالث 60 والرابع 80 والخامس لحد 120 فقط واى زيادة بحس بصوت الماتور انا عارف انها ناعمه وصوتها هادى بس الصوت بيزيد السحببيقل على الارقام السابقه.
ولكنى بحبها جدا وعلى فكرة ثباتها هاليل على 120 الفرامل كمان بتسعفك والعربيه صفقه ممتازة وقطعع الغيار كتوفرة ومعقوله جدا فى السعر

كل العربيات الفرنساوي ليها دوسه معينه عشان تجمع حلو ودي كانت مشكلتى اول ماجبت العربيه مكنتش عارف اسحب بيها خالص روحت التوكيل وعمل بيها شغل جامد وهو بيجرب وبعدها اتعلمت ازاي اسحب بيها وهيا موش لازم تدوس جامد وبسرعه لآ دوس على قد العربيه ماهي عايزة

**EmBaWe** · 28-08-2009 12:54 AM

السلام عليكم

رمضان كريم

كنت بفكر اشتري العربية ديه وملقتش اي معلومات عنها

فياريت تنصحوني بيها وتقولي لي ايه رايكم فيها ومشاكلها

واللي عنده خلفيه عنها ياريت يتكلم بوضوح

هل قطع غيارها بتبوظ بسرعه , ولا بتعمر

والبنزين ايه نظامه

وهل صاجها يستحمل ولا ايه

وهل الميكانيكيه بيفهموا فيها

وايه نظام سعر قطع غيارها ... ؟

وكام سعرها مستعمل دلوقتي موديل 97

وهل هي باور ولا لأ ... ؟

ومشواري ان شاء الله , من فيصل لجامعة القاهرة للقصر العيني يوميا ... ؟؟ , يا ترى هعبي بكام بنزين وهتعقد اد ايه في البنزين مع هذا المشوار اليومي ... ؟

وهل تستحمل مثلا اني اروح بيها اسكندرية فسحه في الاجازة وارجع بيها ولا لأ ... ؟؟

ياريت تقولوا كل المعلومات اللي عندكم لاني قدامي واحده وصاحبها طالب 33 الف

وايه الفرق ما بين الانجكشن والكارتير ويعني ايه دول اساسا وايه اهميتهم ... :( , معلش سؤال مش حلو بس عايز افهم

وشكرا لكم ... :)

والسلام خير ختام ... :)

**ahit** · 28-08-2009 11:38 PM

المشاركة الأصلية كتبت بواسطة embawe

السلام عليكم

رمضان كريم

كنت بفكر اشتري العربية ديه وملقتش اي معلومات عنها

فياريت تنصحوني بيها وتقولي لي ايه رايكم فيها ومشاكلها

واللي عنده خلفيه عنها ياريت يتكلم بوضوح

هل قطع غيارها بتبوظ بسرعه , ولا بتعمر

والبنزين ايه نظامه

وهل صاجها يستحمل ولا ايه

وهل الميكانيكيه بيفهموا فيها

وايه نظام سعر قطع غيارها ... ؟

وكام سعرها مستعمل دلوقتي موديل 97

وهل هي باور ولا لأ ... ؟

ومشواري ان شاء الله , من فيصل لجامعة القاهرة للقصر العيني يوميا ... ؟؟ , يا ترى هعبي بكام بنزين وهتعقد اد ايه في البنزين مع هذا المشوار اليومي ... ؟

وهل تستحمل مثلا اني اروح بيها اسكندرية فسحه في الاجازة وارجع بيها ولا لأ ... ؟؟

ياريت تقولوا كل المعلومات اللي عندكم لاني قدامي واحده وصاحبها طالب 33 الف

وايه الفرق ما بين الانجكشن والكارتير ويعني ايه دول اساسا وايه اهميتهم ... :( , معلش سؤال مش حلو بس عايز افهم

وشكرا لكم ... :)

والسلام خير ختام ... :)

محتاجين رد لو تكرمتم ؟؟؟؟؟؟؟؟
شكراً

**ramy_gamal** · 30-08-2009 10:16 PM

اغلب الاسئله انا كاتب عنها فى الاول بس على العموم قطع غيارها بتعمر سحب البنزين حلو جدا انا من اسكندريه فمعرفش مشوارك كام كيلو هى ال20 لتر بيمشو جوة البلد حوالى260 كيلو ( ممتاز طبعا ) برة البلد 360 كيلو
صاجها ممتاز واحسن من كل الجديد
قطع غيارها اغلى شويه بس بتعمر ولازم ميكانيكى يكون بيفهم فيها
موديل 97 من 22 ل 26 وتستحمل تروح بها اخر الدنيا انا مرة نزلت من اسكندريه ل القاهرة الساعه7 الصبح وخلصت مشاورى وكونت فى اسكندريه الساعه2.3
الانجكشن نظام احدت من الكاربراتير والمفروض انه بيوفر فس سحب البنزين بس العربيه دى كاربراتير وسحبها فى البنزين حلو زى ماذكرت ومافيهاش باور والعربيه مشاكلها قليله جدا
يارب اكون قدرت افيدكوم ومستعد لاى استفسار

**ahit** · 31-08-2009 01:59 AM

جزاك الله خيراً

أنا قدامى عربية 96 فابريكة جوه و راشة برة و مغيرة ماتور و مثبوت على الرخصة و التكييف محتاج تظبيط فى حدود 400 جنيه و صاحبها طالب فيها 28 ألف.
فهل ده سعر كويس ولا غالى؟
و هل تكييف الستروين zx كويس و لا فيه مشاكل زى ما سمعت؟ و هل العربية بتسخن ؟
و شكراً

**ramy_gamal** · 01-09-2009 03:29 PM

المشاركة الأصلية كتبت بواسطة ahit

جزاك الله خيراً

أنا قدامى عربية 96 فابريكة جوه و راشة برة و مغيرة ماتور و مثبوت على الرخصة و التكييف محتاج تظبيط فى حدود 400 جنيه و صاحبها طالب فيها 28 ألف.
فهل ده سعر كويس ولا غالى؟
و هل تكييف الستروين zx كويس و لا فيه مشاكل زى ما سمعت؟ و هل العربية بتسخن ؟
و شكراً

اعتقد غاليه والعربيه معمول فيها شغل وتكييف العربيه مش جامد لكن شغال على كل حال والعربيه اساسا مفهاش مؤشر للحرارة لمبه بس فمتقدرش تحكم عليها بس انا لغايت دلوقتى اللمبه عمرها ما نورت معايا