القربة القديمة مخرومة من تحت اشتريت وحدة اصلى ب 55 ومليتها كل مرة اكشف ملقيش فيها مية بس العربية مبتسخنش ولا الخراطيم بتسرب يبقى اية السبب
عرض للطباعة
القربة القديمة مخرومة من تحت اشتريت وحدة اصلى ب 55 ومليتها كل مرة اكشف ملقيش فيها مية بس العربية مبتسخنش ولا الخراطيم بتسرب يبقى اية السبب
اعتقد الردياتير انا المشكلة دي كانت عندي و لسه مصلح العربية امبارح
و الله اعلم بردو انتظر ردود الخبراء
طب هية المية وانت بتمليها بتتسرب ... يعنى مثلا بتشوفها نازلة مثلا من تحت العربية ؟؟
بص دور العربية و بص على كل الافايز و الخراطيم عشان ممكن يكون فى تسريب مع ضغط الموتور (و هى مدورة)
و ربنا معاك و تلاقى حل , عشان دورة المية دى لما بيبقى فيها مشكلة فعلا بتضايف
بس اكييد حتلاقى حل عموما شوف اللى بقوللك علية و استنى برضو و شوف رأى خبراء الدايو
شوف كده فيه ميه تحت الموكيت اللى فى الجنب اليمين .....من تحت التابلوه ..............أحتمال تكون الدفايه بتاعة التكييف بتسرب أو مخرومه....................وبرضه أكشف على الخراطيم كويس بعد مالعربيه تعمل مشوار كويس وهى سخنه .......لأن ساعات بيبقى الخرطوم كويس من بره ....ولكنه فى الحقيقه بايظ ومشقق من جوه .....ومع الحراره وضغط الميه والسخونه بتفتح الشروخ الداخليه للخرطوم ده .............وتسرب منك وأنت ماش بالعربيه ومتاخدش بالك .....................وبرضه أبقى بص كويس تحت منطقة سير الكاتينه ..........للأطمئنان على طلمبة الميه ..........لو فيه ميه تحت الحافظه البلاستيك ونازله ومنشعه على الأرض يبقى الطلمبه بايظه....
أنا الموضوع ده حصلي أول ما جبت العربية... روح لمحمد عبده الميكانيكي عنده جهاز ضغط دورة الميه بيركب مكان غطا القربة وحيبان التسرب فين. أنا كان عندي شرخ في القربة وكمان كوعة الميه غيرتهم وكله تمام والحمد لله
فكرة كويسة محمد عبده
شوف غطا القربة لانه غالبا بيبقي بايظ
شكرا ليكم ياجماعة ولكل اللى اهتم -------بصييت كذا مرة مفيش تسريب تحت العربية وهية دايرة ولا من الخراطيم هيكون من اية بس؟؟؟هوة لما يكون الغطا بايظ المية بتتسرب ازاى
طيب حقولك على حاجه ......ظبط مستوى الميه فى القربه ......ودور وسخن كويس .....بعد كده ....خللى واحد صاحبك أو أخيك مثلا .....يقعد على كرسى السواق .....وأنت أاقف عند الشكمان من ورا .......وخليه يزود بنزيد كويس جدا .......وبص كده على شكل العادم وهو خارج ......لو لقيت لونه أتغير للون الأبيض وهو بيزود بنزين ......يبقى فيه ميه بتهرب لغرف الحريق من بين جوان رأس السلندر......وبتطلع مع العادم ..........
ممكن يا جماعه اعرف فين عنوان محمد عبده لو سمحتو