وفاة مواطن مصرى بسبب اهمال المستشفى كلاكيت مليون مره

السلام عليكم
امبارح توفى الى رحمة الله شخص عزيز ادعو له بالرحمه والمغفره
كان ماشى على طريق السويس وراكب عربيه دايهاتسيون تريوس 2008 تقريبا
والمحتمل ان العجله فرقعت وهو على سرعه راحت العربيه اتقلبت ودى من عيوب التريوس
المهم واحد ابن حلال اخده ووداه لاقرب مستشفى وكانت مستشفى السويس الحكومى
الراجل الله يرحمه وصل المستشفى وهو على قيد الحياه عملوله جبس فى ايده
وشوية اسعافات بسيطه وعلى اهله ماوصلو والشغل بتاعه بعتله عربية اسعاف مجهزة كان قد توفاه الله
والسبب نزيف فى الصدر
طيب ازاى المستفى اول ماالراجل وصل ماخمنوش انه ممكن يكون عنده نزيف داخلى برغم انهم عرفو ان عربيته اتقلبت بيه
وفين الاشعات اللى المفروض تتعمل للمصاب فى هذه الحالات
فين الاطباء اللى عندهم ضمير

حاجه تجنن والله

أدعو للفقيد بالرحمة جميعاً وأن يسكنة ربنا فسيح جناتة
اللهم آمين

لا حول و لاقوة إلا بالله

اللهم يا حنان يا منان يا واسع الغفران , اغفر له و ارحمه و عافه و اعف عنه و أكرم نزله ووسع مدخله و اغسله بالماء و الثلج و البرد , و نقه من الذنوب و الخطايا كما ينقى الثوب الأبيض من الدنس .

اللهم يمن كتابه و يسر حسابه و ثقل بالحسنات ميزانه و ثبت على الصراط أقدامه و اسكنه فى أعلى الجنات فى جوار نبيك و مصطفاك (صلى الله عليه و سلم)

البقاء لله .. للأسرة الكريمة خـــالص العزاء , نسأل الله لهم الصبر و السلوان و الإحتساب .

غفر الله له وتغمده برحمته وأنزله منزلة الشهداء .. آمين

انا برده ليا قصة اهمال مع مستشفى السويس العام
ايام الجامعة في اواخر التسعينات كنت بدرس في السويس وفي يوم جالي زي دور إعياء او ضربة شمس المهم في الكلية نقلوني هناك عشان يعلقولي محاليل الحمد دخلوني الطوارئ مع حالات الإستقبال الخطرة، والحمد لله عافاني الله وبقيت كويس بعد فترة بسيطة.
المهم الموقف مش معايا، الموقف كان مع شخص واقع من سفية على رصيف الميناء، وهو ارتفاع كبير للي مش متخيلة، المهم الراجل ده كانو حاطينلة في بقه انبوب شفط بيتهيألى لشفط الدم وتقريبا مكانش متثبت كويس فالأنبوب وقع على الأرض، ندهت على ممرضه وقلتلها تلحق الموقف ده
تخيلوا عملت ايه
راحت واخدة الأنبوب (من على الأرض) وحاشراه في زور الراجل على طول، رحت شاددها من ايدها وقلتلها ايه اللي بتعمليه ده، الأرض مش نظيفة؟
للعلم ارض المكان كانت قذرة جدا ولا تليق بأرضية قهوة بلدي مش مستشفى
طبعا البنت بصتلي وزعقت وبتقولي وانا اعمله ايه المهم جت واحدة تانية كبيرة في السن وغيرت الأنبوب بعد الشوشرة والزعيق المتبادل بيني وبين الممرضه (ملاك الرحمة)
معلومة مش متأكد منها لكن متأكد اني قرأتها
اعلى معدل وفيات للمرضى في مستشفى السويس العام
وياريت حد ينفيلي الكلام ده

البقاء لله

لاحول ولا قوه الابالله
اللهم ارحمه و اغفر له ويسر الامور على اهله من بعده
وطبعا كلمعتاد محدش هيتحاسب على الاهمال و التسيب دا
حسبى الله ونعم الوكيل فى كل انسان مبيشتغلش بضميره و بيتسبب فى اذيتهم

اللهم اغفر له و ادخله فسيح جناتك
انا لله و انا اليه راجعون
امتى بس المستشفيات تبدأ تتعامل بضمير اكتر من كدة؟
هى حياة البنى ادم اصبحت بلا قيمة خلاص!!
اللهم اغفر لنا..واعفو عنا..انك انت التواب الرحيم

انا لله و انا اليه راجعون

البلد محتاجة وزارة صحة
بلاش صرف على الفشخرة والاسفلت اللى مبيدعدلش
والتعليم الحكومى الفاشل
ونهتم شوية بالصحة وتشديد الرقابة عليه

غفر الله له وتغمده برحمته وأنزله منزلة الشهداء .. آمين

انا لله و انا اليه راجعون

إنا لله وإنا إليه راجعون ... الله يرحمه ويدخله فسيح جناته

البقاء لله
إنا لله وإنا إليه راجعون

اقتباس:

---

المشاركة الأصلية كتبت بواسطة abzoabzo

البلد محتاجة وزارة صحة
بلاش صرف على الفشخرة والاسفلت اللى مبيدعدلش
والتعليم الحكومى الفاشل
ونهتم شوية بالصحة وتشديد الرقابة عليه

---

ده اسمه غياب الرقابه وغياب الضمير وحتي ولو كان التعليم فاشل زي ماحضرتك بتقول معتقدش انه في واحد كان في طب ودرس 7 سنين ولا كام سنه وميعرفش معلومات عامه زي كده العيل الصغير يعرفها دول مش بني آدمين
اطلبوا للفقيد الرحمه واكثرو من الدعاء الله رحمه الله وادخله فسيح جناته

إنا لله وإنا إليه راجعون .. وده قضاه والحمدلله على ما إبتلانا ..
------------
المهم ما أعتقدش إن الأطباء تعمدوا ذلك على قد ماهو قلة وعى بأبسط مبادىء الإسعاف الأولية . وده نتيجة سوء التعليم .. لأن الواحد بيدخل كلية الطب 7 سنوات ومفيش مادة إسمها إسعافات أولية .. ولا أى مادة يتم فيها تعليم الأصول المهنية عمليا .. واللى بيعمل كده بيكون إجتهاد شخصى من بعض الأطباء ... والبعض هو اللى بيدور على الدورات دى ويأخدها ..
-
المشكلة دى بتظهر أكتر فى الأماكن النائية والبعيدة عن القاهرة لأن الكفاءات الطبية هناك بتروح من غير تدريب كافى ..
------------------------
وأبسط حاجة كانت تتعمل للمصاب ده أشعة على الصدر و أشعة تلفزيونية على البطن و يسمع الطبيب صدر المصاب ويتحسس الضلوع للوقوف على حالته .. رحمه الله
---------------
وصدقنى اللى بيقول إن الصحة محتاجة فلوس كمان غلطان لأن الفلوس على الوحدات الصحية والمستشفيات بالملايين لكن تذهب هباء نتيجة سوء الاستخدام و يكفى أن وحدة صحية من ألاف الوحدات فى مصر بها 80 موظف بينهم 3 أطباء فقط و لايقوم أى من الموظفين بعملهم .. شفتم قد إيه فى عبء على الدولة ... المشكلة كبيرة قوى للاسف

اللهم اغفر له وارحمه
إتا لله وإنا إلبه راجعون

الله يرحمة ويصبر اهلة
المشكلة الحالية ان جميع المستشفيات الحكومية والاستثمارية بتنافس بعض على الاهمال والفساد
الاول كان المستشفيات الاستثمارية كانت محترمة حاليا بقت ماضى
فعلا بلد فسادستانن

طبعا بعد الاستغفار للمتوفي والدعاء له بالرحمة
الابني ادم في مصر يتعامل معاملة اللا شىء
هل سياسية متبعة لصفصفة المواطن المصري
في امريكا اللي احنا بنقول عليهم كفرة لما قطة تتعلق فوق شجرة يبعتلوها فرقة انقاذ اه والله فرقة انقاذ
ما بالك بالانسان
حسبي الله ونعم الوكيل
ضيعتوه البلد فهل من محاسب

المستشفيات والصحة والطب فى مصر عموما , كما فى جميع القطاعات , فى حالة انهيار تااااام ,

اللى معاه فلوس بس هو اللى بيتعالج وممكن مايلاقيش علاجه فى مصر

والغلابة لهم الله

ربنا يرحمه ويغفر له ويحسن مثواه
ويارب ارحمنا احنا كمان من العيشة واللي عيشينها

الموضوع مش قلة تعليم و لاغيره :mahf(5):

الموضوع استهتار .... استسهال ...... احساس بعدم اهمية الشخص المصاب.......... الاحساس بأنه مفيش مشكلة لو واحد مات.. العدد في الليمون و البلد مليانة ......... ايضا عدم وجود رادع بأي شكل من الاشكال لحساب المقصر - وهذا من اهم الاسباب- :rfds:

ايضا منظومة عمل فاشلة بالكامل .......... تحقير وتثبيط همة من يعمل بجد الامر المؤدي الي اما القبول بالوضوع الحالي او السفر للخارج او الاصابة بمرض نفسي كالاكتئاب ......

حاجات من النوعية دي :rfds:

طبعا دا اللي انا شوفته و انا لسه طالب :3mla:

وليس دفاعا عن الاطباء في المناطق البعيدة عن القاهرة السابق ذكره يحدث في مستشفيات حكومية و خاصة في قلب القاهرة المشكلة المرة دي ان اهل المتوفي صوتهم عالي و يقدروا يوصلوه لينا بس و لا شئ سيتغير .

علي حد علمي القاصر قسم النساء و التوليد بالدمرداش بعين شمس هو الوحيد في مصر الذي يفحص في اسباب موت مرضاه ليس من اجل محاسبة المخطئ :mahf(5):

بل للتعلم من الاخطاء و عدم تكرارها :rfds:

برضه جهد مشكور احسن من غيرهم:colsmil:

لا حول ولا قوة الا بالله العلي العظيم , اللهم اغفر له وارحمه واعفو عنه واهدي كل من تؤل له نفسه بالسيئه بقصد او بخطأ

الهي انت تعلم بحالنا , فقد وصل بنا الحال الى ما حدث للفقيد , فأسالك اللطف بنا , والعفو عنا , واصلاح قلوبنا , واصلاح الدنيا التي فيها معاشنا واصلاح ديننا الذي هو عصمة أمرنا
الهي ان لم يكن بك علينا غضب فلا نبالي ولكن عافيتك أوسع لنا من ذنوبنا , نسألك بنور وجهك الذي أشرقت له الظلمات , وصلح عليه أمر الدنيا والأخره من أن ينزل علينا سخطك أو يحل بنا عذابك , لك العتبى حتى ترضى ولا حول ولا قوة الا بك

بنت عمتي في نهائي طب السنة دي
ديما تقولنا ان دكاترهم بيقولوا للطلبة وايه يعني لو واحد مات
منتهى الاستهتار بالانسانية والآدمية محطش في اعتباره ان ممكن الواحد ده يكون قريبه او ابنه او ابوه !!!!!!!!!

لا حول ولا قوة إلا بالله .

حصلي موقف مشابه و معملوش حاجة في المستشفي انا اللي إتصلت بطبيب صديق لي و عرفت منه أخليهم يعملوا إيه بالضبط لأنهم كانوا مبيعملوش حاجة !

البقاء لله و ربنا يرحمنا من الإهمال .

إنا لله وإنا اليه راجعون

الله يرحمه

لا حول و لا قوة الا بالله العلى العظيم

انا لله و انا اليه راجعون

اللهم ارحمه رحمة واسعة و أدخله فسيح جناتك

حسبي الله ونعم الوكيل
البقاء لله

...
طول ما وزارة الصحة بتاخد اقل حصة من ميزانية الدولة (اقل من الإعلام يا ناااااااس !!!) هيفضل الوضع الصحي كدا في مصـــــر :(

حاجة تزعل...