أرجوا ان يكون الحوار بناء يا جماعة
يعني الي عندة قتراح يقوله لا أكثر ولا أقل
عرض للطباعة
أرجوا ان يكون الحوار بناء يا جماعة
يعني الي عندة قتراح يقوله لا أكثر ولا أقل
والله والله والله انا كرهى لبتوع الميكروباص اكتر من اى حاجه فى الدنيا واللى اتعمل فى عماد الكبير لما عرفت انه سواق ميكروباص فرحت جدا جدا وقلت ده شويه عليه ويارب كل سواقين الميكروباص تجيلهم مصيبه حتى واللى راكبين معاهم علشان سلبين وبايدو السواقين فى كل حاجه
معلش يا باشا أنا مختلف معاك .......
حرام عليك تدعي على الناس ..........
المشكلة في الجهل بالقوانين .........
و حرام تفرح في مشكلة سواق منهم ........ برضه العيب مش عليهم بقدر ما هو عيب على الحكومة ......
بس في النهاية ....... نعدمهم برضه في ميدان عام ....... :3mla:
الله ينور عليك يا استاذ طلعت :Ta_clap[1]:
شوفوا يا جماعه انا لما طرحت الموضوع ده موش كنت بفكر من وجهة نظري كمالك سيارة، انا ماتولدتش لاقيتني معايا عربيه ده العربيه دي من قريب جدا يلا فرصه تباركولي :)
وبصرف النظر عن العربيه انا نسبة اعتمادي عالميكروبصات 60% كوسيلة نقل لكن صراحة انا بركبها وانا مضطر حمايه من لهيب الشمس وبتكون طبعا اكتر في اعدادها،، لكن اللي بيحصل وانا في الميكروباصات جواها وبراها شئ مؤسف
من بره طبعا انتم عارفيين عاوزيين يمشوا ومايكونشي حد قدامهم خالص بيسوق كأن الشارع بتاعهم وبس، غرز طبعا ومناورات عالطريق وفوق الكباري بشكل مخيف، طيب انتم متخيلين المنظر كده من بره وانتم سايقيين وشايفين من مراية العربيه "وحش الطريق" ميكروباص واخد الطريق غرز وزمامير وازعاج وبيطير متخيلين مدى خوفك اللي سببه ميكروباص وراك وتبقى عاوز تتقي شره عشان مايحدفشي عليك يعني عملك من الاخر ارهاب وكارت انذار انك ماتحاولشي تتحداه طيب سيبكوا منا
خلينا في الناس اللي جوى الميكروباص هل هما مستمتعيين باللي بيحصل، لأ طبعا انت موش بتبقى دريان باللي بيحسوه الناس اللي جوه دول بيبقوا خايفيين ادك ويمكن اكتر منك والله والله الناس بتكون واقفه كبار وصغار يستنجدوا بالسواق يهدي يسوق عدل متخيلين الناس بيحاولوا يمسكوا في كل حاجه ممكنه عشان مايقعوش تعالى بقى للناس القاعديين بنسبه 70% مع كل غرزه وفرمله ومطب قولولي انتم حال معدتهم بيكون ايه.
انا موش هاتكلم عن كلام انتم عارفينه زي حالة الميكروباصات اللي ماشيه اللي تحس انها عباره عن صاج واربع عجل والسواق جاب انتريه من القرون المنصرمه وربطهم في صاج العربيه اه والله :))
ولا عن اللي سايقيين دون السن المسموح بي ولا عن الاوانص زي ما بيسموها الفلوس اللي بيرشوا بيها عشان الدنيا تمشي، ده كلنا عارفينه، علاوة ع الحوادث اللي بتؤدي للموت
وماأقدرش اقول تتحذف من حياتنا بسبب المصايب اللي من وراها مافيش حاجه كده بتحصل مره واحده لكن انا اللي اقصده ان يتم وضع ضوابط وقوانيين تحد من المهزله اللي بيسببها الميكروباص ولازم صوتنا يوصل للمسئوليين عن التسيب والفوضى دي
والحلول البديله زي ما حضراتكم قلتم
1- توسيع طرق متروا الانفاق
2- عمل اتوبيسات ميكفه محترمه ليها مواعيد ثابته موش ماشيه كده والسلام
فيه كمان مدينة الاسماعليه وصراحة المدينه دي جميله جدا نظافه وناس انا روحتها من 4 سنيين ماشوفتش ميكروباصات بس كنت بشوف تكاسي في غاية النظافه كانت بتركب بالنفر وبتيجي تحمل الناس وكان سعرها رمزي جدا زي تذكرة الاتوبيس
والله في حلول تانيه كتير تخلينا ما نعتمدشي على الميكروباصات اللي بيجد عامليين ازمه وواخدنها بالدراع او ان فعلا تتحط قوانين جذريه وحازمة لسواقيين الميكروباص لانهم موش بيؤذوا اللي بره بس لا كمان اللي راكبيين فيها
الف شكر لكل الناس اللي شاركوا في الموضوع وفي انتظار المزيد من مشاراكاتكم وفعلا الجروب ده بيثبتلي كل يوم اد ايه هو وباعضاءه محترميين
ومن ضمن كلامنا اللذيذ ده اللي اي حد يشوفه يستمتع بي لانكم بتذكروا مواقف بطريقه سرد لطيفه تجذب اي مهتم نحاول نطلع بحلول وناقشها ومين عارف يمكن نقدر نعرف نعمل حاجه
حد فاكر مشهد النهاية فى فيلم "فيلم ثقافى" كان فى جملة ساحرة على لسان أحد الشخصيات المعبرة وهو ذو أسم موحي جدا "برايز" وهية: العيب فى النظااااااااااام العيب فى النظام يا .....
للاسف فيه كتير بينسوا اول درس اتعلمته في القيادة
القيادة فن-ذوق-اخلاق
ما احنا برضوا نستاهل كتير
فعلاااااااااااا.................... ..
المشكلة في النظام....................
المصري سواء كان شرطي أو سواق ميكروباص أو مواطن عادي بيستخدم عربية أو بيركب مكروباص كلهم من غير نظام......
قالك الدخول عكسي بسجن ولا حطوا يفط و لا بقوا يمسكوا حد و لا كأن فيه قانون صارم جدا جدا و كله بيمشي عكسي براحته لدرجة اني شفت واحد راكب لادا خد نص أحمد سعيد الضيق أصلا من نادي المية لغاية أشارة المستشفى الجوي عكسي...وطبعا في عز الضهر و العسكري المحترم واقف ملبوخ في الأشارة و قاله ايه يا بيه ده و ضحك ضحكة مش هنقول بلهاء هنقول ضحكة راجل طيب غلبان و الراجل يقوله (((لا مؤاخذة يا دفعة!!!!!!!!!وضحكله ضحكة أبله منها)))).......
فالعسكري قلبه حن و احترم احترام الراجل ليه((قاله لا مؤاخذة ياجماعة!!!هتفتروا)) و خلاه يدخل الأشارة عادي ناحية عبدو باشا مع العربيات ولا كأن حاجة حصلت ..........
اللي يشل في لموضوع انه لو مشي ورا فيه شارع متسفلت واسع زي الفل موازي لأحمد سعيد و هيطلعك من نفس المكان و فيه ملف يو تيرن قدام تاكي يعني كان ممكن يرجع عادي في اتجاهه أو يرجع من الشارع الموازي لكنه اختار الحل المتربي عليه المخالفة و خلاص.....................ما هي فوضى...........
النظام..........لا المواطن عنده نظام ولا السواق و لا سواق المكروباص و لا أمين الشرطة ( أللي مش أمين ولا حاجة) ولا الماشي حتى في الطريق اللي لازم يمشي في نص الشارع بمنتهى البرود.........ولا في الشارع نفسه اللي مليان مطبات وبلاعات و مفيهوش رصيف ولا ركنة...................
مفيش ثقافة النظام..........