لا يا استاذ توت عنخ امون هو اكيد يقصد اننا اذا تمسكنا بكتاب الله اخلاقنا وسلوكنا هايتحسنوا لان كتاب الله فيه من الحث والتمثل بالقيم العليا ايات كثيرة ولا ايه
عرض للطباعة
يعني يا جماعه الكل اتكلم كلام جميل
لكن ماحدش قال خطوات ايجابيه تتنفذ ضد الميكروباصات
انا موش بقول نلغيها لكن نحاول نردعها
تفتكروا الناس دي لو فكرنا اننا نقف ضدها ونحسسهم ان وضعهم بقى مهدد فقط بالالغاء هايقدروا بعد كده يعملوا شغل البلهلوانات في الشارع دول هايخافوا ويكشوا وهايبقوا قمة ف الاحترام
احنا لازم نتحرك موش بس ضد الميكروباصات لا احنا ممكن نعمم كمان
بس ليه انا بدأت بالميكروباصات لانهم فعلا مؤذيين يعني مثلا لو شوفت سلكوهم مع اي عربيه تقف بس في وشهم او حد يطلع راسه من العربيه ويشاورله حاسب يروح دوغري مريح الميكروباص عليه بخبطه في اكصدام العربيه ولو جدع بقى انزل قوله تلت التلاته كام اوحتى اذا قدرت هاتاخد حقك منه ازاي معظمهم واخدنها بلطجه ومن غير رخص وفيه رد سجون ومسجليين خطر كمان يعني لو حد اتفق مع حد فيهم ع جريمة موش بعيد ينفذوها في مقابل قرشين :b4_444:
انا والله ما حصل مواقف معايا من دي خالص بس انا موش عايش لوحدي ولازم افكر في غيري احنا عايشيين في مجتمع
انا ناوي اعمل حملة ووصلها لاعلى المستويات مين معايا؟
وفي انتظار مقترحاتكوا
تلغى ايه هيا سايبة دة الجمهور هو اللى يتعرض للحكومة دة مرة كانت فى غرامات على الميكروباص فى ميدان الجيزة علشان ملهمشى موقف خط حلوان الجيزة راحت السواقين كلها عملت اضراب ساعتها عربيات اتارى وظباط كانوا بيتحيلو على السواقين علشان يشتغلوا وينقلوا الناس والموقف دة حصل قدامى تقولى يلغوة
ماينفعش الدنيا تتاخد قفش كده
أنا بشجع وسائل النقل الجماعي بصفه عامه عشان أوفر وأقل في الزحمه
بس المشكله إن السواقه في مصر بصفه عامه هي اللي عايزه تتظبط بسبب حاجتين:
1- اللامبالاه بقوانين المرور اللي هي أصلا مش مظبوطه بس أهو ده اللي موجود وأمرنا لله
2- إعتقاد الناس (الخاطئ) إن دي بلد الحكومه مع إنها بلدنا إحنا (زي فيلم عايز حقي كده)
الاعتقاد الخاطئ ده بيخلي كل واحد عاوز يلحق ياخد حقه قبل ماحد تاني ياخده, ولو خد زياده يبقى خير وبركه تعويض عن حقه اللي ضاع أو لسه هايضيع يعني باختصار قانون الغابه
سواق المكروباص عاوز يروح اخر اليوم باكبر قدر ممكن من الفلوس ماهو ماحدش هايديلو فلوس
وأمين الشرطه لو ماخدش رشوه هاينام من غير عشا ولا غدا, أصل جوز اللحالييح اللي بياخدهم مايأكلوش طوب
باختصار كل واحد عاوز يلحق أي حاجه
سؤال بقى:
لو فجأه لقيت مكروباص بيكسر عليك بمنتهى البلطجه هاتعمل إيه؟ ولا حاجه
هتلاقي نفسك مضطر تسوق برضو بمنتهى البلطجه عشان تلحق شغلك أو تروح تنام وهكذا (Chain Reaction)
ياريت نقدر نظبط سلوك المكروباصات في الشارع إنما الصراصير اللي بتجري في الشوارع دي (أحيانا بيقولوا عليها توكتوك) لازم تتنسف
يا جماعه انتو ناسين ان سواقين الميكروباصات دول السواقه دى بالنسبه لهم اكل عيش
يعنى لما نلغى الميكروباصات هم يتقطع عيشهم ولا ايه؟؟!!!
طبعا انا ضد الفكره دى نهائياااا
يا ريت يكون فى حل ايجابى احسن من ده
مستحيل طبعا الكلام ده
طيب الناس اللى بتركب الميكروباص هتروح فين
وهما اساسا بيركبوه علشان يهربو من زحام الاتوبيسات
ومافيش عندهم مقدره لركوب التاكسيات
انا معاك 100% ان اغلب مشاكلنا فى المرور سببها الميكروباص
بس مش الميكروباص كسياره
ولكن المصيبه الكبيره هى اللى سايقين الميكروباص
والمصيبه الاكبر ان 80% من السائقين دول اولاد صغيرين
وبلطجيه وخريجين سجون وسوابق ومافيش معاهم رخص
ولا العربيات اللى راكبنها مرخصه اساسا وفى منها كتير
ماشى من غير نمر
ولو رجعت لسبب البلطجه اللى هما فيها
هتعرف ان معظم السيارات دى يمتلكها رجال الشرطه نفسهم
وده اللى بيدى الحافز لسائقها انه يبلطج وياخد الطريق لحسابه
الحل الامثل اللى نطالب بيه
هو انه يتعمل حملات جديه على سائقى الميكروبصات
ويعمل لهم تحاليل دوريه باستمرار علشان الهباب اللى بيشربوه
وبيطلع على عنينا احنا
لو نصف شعبنا عنده ضمير كان اثر على النصف الاخر
والله انا لما طرحت الفكرة كنت متوقع افكار مذهله وكلام مذهل وحلول رائعه زي اللي انا شايفها دلوقت من حضراتكم وصراحة انا انسان موش سلبي واللي نفسي نعمله حمله ضد سواقيين الميكروباصات نرفض فيها طريقتهم في السواقه وبلطجيتهم على الراكب والسايق يعني الضرر موش لاحق بس عربياتنا لا ده لاحق الراكب اللي معاه
اكيد لما يحسوا ان فيه حمله بتهدد وضعهم البلطجي وتوضح حدود ودوريات خاصة لمراقبتهم اكيد هايكشوا
وجملتك دي جميله جدا يا استاذ الكتروا
إعتقاد الناس (الخاطئ) إن دي بلد الحكومه مع إنها بلدنا إحنا (زي فيلم عايز حقي كده)
فعلا الناس ماشيه في البلد وخلاص كانها موش بتاعتنا
عامة احنا في مرحلة شحن الهمم وربنا يوفقنا جميعا
والحمله اللي في دماغي هي موش هاتكون في هيئة اعتصام عن ركوب الميكروباصات اطلاقا هي هدفها التوعيه توعيه المواطن بحقه في ركوب ميكروباص ادمي وطريقة سواقه بتتمتع بمبادئ القيادة "فن - ذوق - اخلاق"
وتوعية ايضاسواقيين الميكروباصات بالقواعد اللازم اتباعها والحقوق اللي ليه واللي عليه مع تحذيرهم من اتباعهم سلوك غير لائق او يخالف القواعد والمبادئ التي تسري عليه وعلى قائد اي مركبه اخرى عشان نقدر يا جماعه نتمتع بقيادة امنه بدون خوف او قلق من بلطجة ميكروباص في الطريق العام
كمان لازم شرطة المرور تساعد المواطن وتعطي ليه الحق في رفع اي شكوى ضد تصرف اي ميكروباص بعد اخذ رقم سيارته وعليها ان تاخذ شكوى المواطن على محمل الجد
والف شكر على مروركم الطيب جميعا