نداء استغاثة
يا جماعة حد معاة برسونا 2010 فول ابشن فيها زرار تحكم فى الاضواء الامامية
عرض للطباعة
نداء استغاثة
يا جماعة حد معاة برسونا 2010 فول ابشن فيها زرار تحكم فى الاضواء الامامية
يا جماعة الخير
عندى سأل عايز ازود او اكشف على منسوب المياة مش عارف علشان مافيش min&max على اى حاجة
هو موضع العزل اتحسن فعلا في الاليجانس ؟ ونعومة العربيه اخبرها ايه
وهل هي موجوده في المعارض؟
البرسونا حتى موديل 2011 مش الاليجانس
مكنش فيها زرار للتحكم فى اضاءة التابلوه اما الجين 2 فيها
حضرتك موجود مؤشر على القربة ناحية شمال القربة بس حضرتك دقق النظر فيه وانتا هتشوفه لان العلامة بالون الابيض بتاع البلاستيك وفعلا مش باينة كويس
المكتوب فى برشور عرض الاليجانس انها افضل من ناحية العزل ولكنى لم اختبر قيادتها حتى الان انا ركبتها وهى وقفة بس - وبالنسبة لموضوع وجود السيارة فى المعارض هى موجودة الان فى توكيل عز العرب الصحراوى
وممكن حضرتك تكلمهم و تتابع معاهم ، وان شاء الله ربنا يوفقك الى ما فيه الخير
شكرا على الرد بس عايز اعرف لية البرسونة فل ابشن اغلى من جين 2 فول ابشن ومع ذلك مافيهاش الموجود فيها مثل ضبط الضواء الامامية التى نزلت من اول 2011 هو فى حاجة احنا مش عرفنها
أ / أسامة ، ايه الفرق بين الماتور بتاع الإليجانس والجين 2011 ؟!
ممكن افهم ما هي أهمية التقنية الخرافية دي ، يعني ايه 32 بيت ويعني ايه 16 ؟! انا حاسس ان الموضوع له علاقة بالكمبيوتر :D معلش لسه بنتعلم :d
+
بالنسبة لموضوع سعرها ، ليه الوكيل أغلي من المعارض ، مع ان المفروض لما اروح اشتري منه يعاملني بسعر الجملة :-(
وإذا كان موضوع ال 32 دة بيفرق وحلو جداً فى المزايا اللى معاليك هتقولها ، ممكن حد يعمل تعديل ويركب حاجة 48 بيت او 64 بيت :)
وإذا كانت دي ذاكرة ، فإيه لازمتها ، المفروض بيكون فى بيانات جديدة وتتحدث بإستمرار طول ما العربية ماشية ، والقديم يتمسح ؟ ، فمش محتاج ذاكرة تحفظ نسب الأكسجين ولا العادم ولا اى حاجة ، انا محتاجها فى لحظتها بس ! ،
فهمني يا دكتور بدل ما انا عامل زي :error404:
تقدر حضرتك تتابع الموضوع الجميل للاستاذ توت :
http://www.nilemotors.net/Nile/135150-a.html
بيوضح تقرير عن الاليجانس بالتفصيل
طيب ما رديت فيه من اسبوعين ولا حاجة واستاذ توت مختفي :(
فية صوت في الدركسون لية هذا طبيعي والا اية
السلام عليكم,
عندي مشكلة, انى بعد ما غيرت بطارية مفتاح البرسونا (موديل 2009), مابقاش بيدور العربية!
يعنى الريموت بيفتح و يقفل العربية عادى لكن مش راضي يشغلها.
وعليكم السلام ورحمة الله وبركاته
فى شريحة صغيرة داخل المفتاح للتعرف على كمبيوتر السيارة لتشغيلها عند ادارة المفتاح
واضح ان حضرتك وانتا بتغير البطارية واثناء فك مسمار الريموت اتحركت او وقعت الشريحة دى
شوف المفتاح دلوقتى وابقى طمنى وان شاء الله يكون الموضوع بسيط
السلام عليكم
مفيش حل يا جماعة للاوتوماتيك سنتر لوك (لما تسيب فرامل اليد السنتر يقفل)
انا بجد اتخنقت منه و عايز الغيه
و فيه بكره على يمين الدركسيون بتاعة شده الضوء تقريبا انا بلعب فيها بس مش حاسس ان فيه حاجة بتتغير
عايز اعرف دي بتاعة ايه
انا عربيتي بيرسونا 2012
اولاً الف مبروك على البرسونا الجميلة،
طبعا بالنسبة للوك الاوتوماتيك ممكن تلغيه فى التوكيل ولكن حاول تتعود عليه افضل لانه حماية،
اما بالنسبة للبكرة الى يمين الدركسيون فى واحدة لشدة الاضاءة وواحدة للتحكم فى انخفاض وارتفاع المصابيح الامامية اعتقد حضرتك بتحرك الى مسئولة عن المصابيح الامامية .
الله يبارك فحضرتك
بس انا عندي بكره واحده بس و مش بتعمل حاجة خالص
ممكن يكون فيوز و لا ايه؟
معلش عندي سؤال تاني
كنت ماشي مره و ببص على استهلاك البنزين لقيته 19.2 لتر/كم و بعدين عملت ريست بقى 5.5 و بعدين زاد ل 12.5 كده الكمبيوتر بيخرف و لا ايه
و المفروض الاستهلاك الطبيعي كام و التنك سعته قد ايه
معلش انا بتقل عليك
تحياتي
بالنسبة للبكرة الوحيدة الى عند حضرتك فى البرسونا دى فقط للتحكم فى موتور المصابيح الامامية
ممكن حضرتك تشغل النور وتجرب وقلنا فى تغيير ولا لا لما بتحرك البكرة ،
وبالنسبة لعداد الكمبيوتر مبيخرفش ولا حاجة ده عداد لحساب متوسط الاستهلاك والاهم ان متوسط الاستهلاك الفعلى بيبان جدا بعد فترة التليين وبعد صيانة ال 5000 كيلو متر الاولى ،
اما سعة تنك البنزين فهى 50 لتر ، وربنا يباركلك فيها ويحفظهالك .
هو عربية حضرتك موديل كام
اصل البكرة دي عندي لقيت انها بتاعة شدة اضاءة زراير التابلوه(الانتظار و الفوج ...) و شدة اضاءة النور اللي في بكر التكييف
بس ملهاش علاقة بالكشافات
بالنسبة للتنك
مؤشر عداد البنزين كان قبل النص بشرطة و فولت خدت 30 لتر بس .. معنى كده ان التنك 40 لتر
و كنت عايز اعرف متوسط الاستهلاك الطبيعى كام
تحياتي
السلام عليكم ...
أنا كنت عايز أعرف أسعار الصيانه بتاعت تابيرسونا 2012 ؟
و كملن السعر بتاع تيل الفرمل ؟
السلام عليكم ,,0
أن كنت عايز أعرف أسعار الصيانه (الفلاتر و السيور و تيل الفرامل)
انا اشتريت persona elegance 2012 من اسبوع وكنت عايز اركب شوية حاجات زى Cd wide touch screen usb ,camera , bluetooth , & Gps وعندى شوية اسئله للأربع حاجات دول :
1-الماركات اللى تمشى مع العربيه
2-احسن مكان بيع و تركيب مضمون وسعره كويس
3-multi function هايشتغل ولا لأ
4-فيه مشكله فى الضمان
جزاك الله خيرا على الموضوع الاكثر من رائع
يا كبير انا معايا بيرسونا2012 وانا ماشى على الطريق وقافل الزجاج بتسمع صوت صفارة هواء داخل من الخلف دة سببه إيه وهل في حل للموضوع دة .
أنا متردد جدا فى شراء البروتون بيرسونا بس معجب جدا بفكرة مثبت السرعة, ساسعات يكون موجود فى وصف و صور العربية و ساعات لأ..........نفسى أعرف الحقيقة إيه؟؟؟؟؟؟؟؟؟؟
البيرسونا فيها مثبت سرعة من بعد موديل 2012 ده أكيد لأني معايا 2012 ... معرفش الموديلات قبل كدة فيها ولا لأ
السلام عليكم
كنت عايز من ملاك البيرسونا يقولولى ايه رايهم فى العربيه لان محتار جدا و كنت كتبت موضوع فى القسم و مش لاقى ردود كتيره تريحينى ولقيت بعد المشاكل زى موضوع الدهان الخارجى وانا سئلت فى التوكيل وانه الموضوع ده اتحل فى الموديلات الجديده و موضوع الفرامل برده اتحل فى الجديد من بعد 2012 طبعا انا مش عارف الكلام صح و لا لا ده على حسب كلام التوكيل و برده موضوع العطل فى الاشارات و الملتى فانكشن و موضوع توافر قطع الغيار وهل التوكيل اتحسن معاملته عن الاول و لا لسه مطنش قوى لان لقيت ناس كتير قوى بتشتكى منه وعلى صفحتهم على الفيسبوك .العربيه بصراحه فيها مواصفات كتيره و جميله بس المخوف الواحد الحاجات ال انا كتبها فمحتاج منكم رد هل موديل 2014 تلافه فيه العيوب فعلا ولا لا و التوكيل ايه اخباره
جزاكم الله كل خير
فى صوت تزييق فى التابلوه وفى ورشة عصام وصفا ربطوا على التابلوه ولكن للاسف الصوت لسه موجود, ارجو الافادة مع الشكر
موضوع اكتر من رائع و مفيد جدا لاي جد بيفكر يجيب بيرسونا الف شكر لكل المشاركين
كان عندي كذا سوال و كلهم متجاوبين في الموضوع ده يا ريت يتثبت
الاختلاف بقطع الغيار بين البرسونا وال gen2 هو المولد فقط (الداينمو) حيث مولد ال gen2لا يمكن تركيبه على البرسونا