مش عارف اقول ايه
والله مجهود جبار
انا معايا بيرسونا 2010 اوتو
وبسال ياتري في اي اكسسوارات او كماليات ليها وخصوصا الاسبويلر الخلفي او نواكل وياريت لو في دلايات ليها
عرض للطباعة
مش عارف اقول ايه
والله مجهود جبار
انا معايا بيرسونا 2010 اوتو
وبسال ياتري في اي اكسسوارات او كماليات ليها وخصوصا الاسبويلر الخلفي او نواكل وياريت لو في دلايات ليها
احب انا اسال عن صوت التزييق اللى فى التابلوة او الدركسيون مش عارف ودة حاجة جديدة لانى اول ما اشتريتها ماعملتش كدة على فكرة انا معايا برسونا2009 وارجو الافادة
[QUOTE=mohaktb;3872373861]احب انا اسال عن صوت التزييق اللى فى التابلوة او الدركسيون مش عارف ودة حاجة جديدة لانى اول ما اشتريتها ماعملتش كدة على فكرة انا معايا برسونا2009 وارجو الافادة[/QUOTE
اهلا بحضرتك
بالنسبة لاستفسارك بخصوص تزييق التابلوه ده بيحصل نتيجة الحرارة والاتربة الى بتيجى وتخش فتحات التكييف ووممكن يكون مسامير العدادات محتاجة يتقرط عليها وكلها حاجات بسيطة اما بخصوص الدركسيون فالتزييق ده بيجى من الكوتشة الداخلية الى بتحمى السلوك وومكن تبلغهم بيها فى التوكيل وهيعملهالك واسمها هناك كلوك اسبرينج
وان شاء الله فى الصيانة الدورية كل مشاكلك البسيطة تتحل باذن الله
اسف يا رامى على التاخير فى الرد بس كنت مشغول حبتين
طبعا فى اسبويلر خلفى للبرسونا وده صغير فى الحجم علشان يتناسب مع الشكل الجمالى للسيدان ودى صورته ان شاء الله
http://photos-p.friendster.com/photo...987465645l.jpg
http://images.paultan.org/images2/Pr...sona-SE-10.jpg
وفى اسبويلر كبير رياضى زى ده:
http://i342.photobucket.com/albums/o...Dv3spoiler.jpg
وفى الاكبر منه :
http://www.zerotohundred.com/newforu...icture-001.jpg
وفى نواكل للابواب شفتها بالفعل متركبة للعربية بعضهم حاطط بتاعت التويتا كورولا 2009 وبعضهم حاطط بتاعت الالنترا 2009 برده وشكلها جميل فعلا ولكن بحس انها كبرت مقبض الباب شويا عن الواقع لكن ملقتش الاكسسوار الاصلى لنواكل الابواب
عموما قريب ان شاء الله ينزلها خصوصا ان الاصداؤ الجديد للبرسونا فى ماليزيا بينزل بنواكل للابواب اما بخصوص الدلايات الى وراء الكوتش الى بتحمى من المياه دى بافعل ممكن تتركب فى التوفيقية او دمشق وهى شبيها للى متركبة بالواجا بالفعل وليها مكان مجهز فى جسم العربية
احنا بس نرتب مرة نروح مع بعض قريب ان شاء الله ونكتشف المزيد
السلام عليكم و رحمه الله
مبدئيا الموضوع ده هايل بشكل كل اللي حط فيه سؤال
و كل اللي جاوب عليه باستفاضه
و ربنا يباركلكو في عرابيتكو جميعا
اعرفكم بنفسي محمد عبد العزيز
كنت عايز اسال البيرسونا عامله كام دلوقت مانيوال فول اوبشن
و هل الوانها كلها متوفره ولا ايه
بصراحه العربية شكلها و صالونها تحفة و طبعا من الكلام اللي قراته هنا عن المالكين القدامي و الجدد بيخليني اتشجع و اطلب ايديها
و شكرا جزيلا و اسف علي الاطاله
يا جماعة طب انا من يومين بس بدا يظهرر عندد صوت بيجي من العجلة ال شمال الي قدام من المنطقة دي يعني صوت كداا زي مايكون سلاسل ماسكة في العجلة و بتتجر علي الارض او صوت زي صوت المسامير لما توقع علي بعضيهاا كدااا يا تري ح يعرف اية دة؟؟؟؟؟؟؟؟؟؟؟؟؟
لازم تروح التوكيل
هوا الصوت بيظهر امتا
لا يا باشا ال صوت مالوش وقت سعات ابقي ماشيي كداا و فجاةة يظهر و يروح و يظهر تانيي لوحدة كدا و مش ببقي ماشي علي ارض مكسرة ولا حاجة با العكس امارح ظهر كتيير جدااا وانا علي صلاح سالم مش عارف اية دة بصراحة
انا مش عارف دي صدفة ولا ايه؟؟
صوت حاجة بتلف حديد كدا؟؟؟؟؟؟؟؟؟؟؟
اة يا باشا حاجة زي كداا زي ماتكون مطلع حديدة من الشباك ومخليها لمسة الارض و العربية ماشية صوت بقي الاحتكاك دة و جي من المنطقة بتاعت العجلة الشمال الي قدام بتاعت السائق
حضرتك ممكن يكون تيل....
انتا عامل كام الف كيلو؟.
وعليكم السلام ورحمة الله ا محمد
اهلا بحضرتك
بالنسبة لاستفسارك بخصوص سعر البرسونا مانيول فول ابشنز 85900 ده السعر الرسمى وممكن تاخد خصم كمان عن طريق ا ايمن عادل
الالوان الى متوفرة ممكن تتصل بالاستاذ محسن صالح مدير مبيعات مركز الصحراوى وهو هيقل حضرتك على اللوان المتاحة حالياً
وربنا يوفقك الى ما فيه الخير:shine[1]:
تمام يا محب احتمال يكون التيل فعلاً
انا الحمد الله استقريت علي البيرسونا بعد جهد فظيع اني الاقي عربيه مناسبه
روحت عز العرب مدينة نصر و سألت علي البيرسونا مانيوال فل اوبشن كانت ب 86000
انا هدفع ان شاء الله 25000 مقدم و الباقي علي خمس سنين يعني في حدود 1450 في الشهر
دلوقتي الراجل في عز العرب قال ان في تأمين 4% اجباري يعني هدفع في الشهر 1770
اجمالي القسط و ده كتير عليا الصراحه
يا تري في مكان تاني اشتري منه البيرسونا ميكونش التامين اجباري او يكون حنين شويه
و حاجه كمان هيا البرسونا المانيوال فل لوبشن فيها فرامل abs و كاسيت mp3 ؟
علي فكرة انا عامل 26500 بالظبط برده والصوت دا عندي بالظلط
و اصلا بيظهر من غير فرملة ولا اي حاجة و صوت حيد جامد...بس عندي من العجلة اليمين
و بعدين انتا اوتوماتيك يعني كويس جدا ان التيل قعد معاك 26 الف
عامة انا رايح التوكيل الاسبوع الي جاي ان شاء الله لو تحب تيجي
ربنا يسهل اكيد طبعاا هروح بس تفتكر هو تيل فعلا؟؟؟؟ اصل دة مش صوت التيل الي احنا اتعوندنا علية خالص و اى بيطلع من غير ما دوس فرامل اول ما بطلع ب العربية يظهرر
لا حضرتك انا بتكلم على البرسونا الفول ابشنز المانيول ب 85900 فعلا
ودى قائمة الاسعار للبرسونا :B4_007: :
برسونا مانيول - هاف ابشنز 79900
برسونا مانيول - فول ابشنز 85900
برسونا اوتوماتيك - هاف ابشنز 85900
برسونا اوتوماتيك - فول ابشنز 91900
اتمنى اكون وضحت الاسعار لحضرتك :E_braces[1]:
اما بالنسبة للخصم تقدر تسال أ . أيمن عادل =
Ayman_52
وان شاء الله ربنا يوفقك الى ما فيه الخير
ان شاء الله .. قريباً هبتدى فى كتابة ملاحظات عن مانيول البرسونا
اتمنى للجميع الافادة
السلام عليكم
اولا انا بحب اشكر القائمين على المنتدى جميعا
ثانيا اخص القائمين على قسم البروتون
ثالثا و ده زي ما بيقولوا احقاقا للحق الـ أ/محسن صالح و الـ أ/ مروان اعتقد انهم اغنياء عن التعريف و اللي بشكرهم بشدة على زوقهم
انا لسه مش بروتوناوي بس تقدروا تقولوا فاضل على الحلو تكة :ma: ربنا ييسر الحال و ان شاء الله يكون اختيار موفق
بس يشرفني اني اشارك معاكم و اشكر الجميع على المعلومات القيمة اللي سعدتني كتير في اتخاذ القرار
ياباشا انتا منورنا...... :)))
أسامة باشا .... هى البيرسونا الهلف أوبشنز فيها إيرباج ولا لأ؟
اكيد يا عمرو باشا فيها
2 ايرباج
تنصحوني بايه تانا ان شاء الله اخترت اتوماتيك بسي المعرض مفيهوش غير النحاسي والازرق اختار ايه
وكمان عاوز اخذ رايكم اجيبها ولا اجيب البيرسونا انا عندي عائلتي 6 افراد وشغال في شركة ادويه
من فضلكو ارجو الافادة
ازاى نحكم على عربية مكملتش فى السوق اكتر من 4 سنوات
دى اكتر حاجة قلقانى
الشكر لحضرتك للمشاركة وطرح الاستفسار
وجهة نظرك تحترم ولكن
يمكن الحكم بهذه الطريقة :
اى سيارة بها خامات واجزاء ميكانيكية ووحدات تعليق واجزاء بلاستكية كثيرة
بالتجربة والاستخدام بيبان مدى اعتمادية هذه السيارة من عدمها
ودى بتبان جدا للى استخدمهم لعدد كيلو مترات كثير يومياً وفى ناس كثير عاملة بالعربيات البروتون اكثر من 100000 كيلو يعنى استخدام معتدل حوالى 20000 كيلو فى السنة وماشاء الله الاغلبية بيقول انها سيارات اعتمادية والمكونات الداخلة فى صناعتها جيدة ومعمرة الى حد كبير
وممكن حضرتك تعمل موضوع فيه تصويت عن مدى اعتمادية عربيات بروتون من عدمها
واكيد هيساعد حضرتك كثير فى الحكم خصوصا ان المشاركين هيبقه عدد كبير ومجرب العربية لسنوات
وتحياتى لحضرتك
طبعا جين 2 او بيرسونا دى حرية شخصية والاثنين مليانين مزايا
بس لو محتاج مساحة اكبر خصوصا من الناحية التخزينية يبقى محتاج البرسونا مع العلم ان الجين 2 شنطتها مش صغيره خالص ده الفرق 16 سم بس يعنى مش فارقة كثير
المهم انتا تكون مستريح نفسياً للعربية الى انتا هتركبها
وربنا يوفقك الى ما فيه الخير ان شاء الله:36_1_1[1]:
سؤال لو سمحتم
العربية بيرسونا اوتوماتيك
من كام يوم ظهرت مشكلة عندي ... وهي إني لما ببطل العربية مروحة الرادياتر بتكون لسة شغالة ومش بتفصل ... ولازم الدور و ابطل كذا مرة عشان تقفل.
كمان النهارده حصل حاجة كمان....
وانا واقف في ايشارة الدائري وجايب على ال
n
وبدوس فرامل عشان أجيب D و أمشي .. الفرامل كانت تعلق ومعرفتش انقل.... اللى لما دورة العربية وقفلتها مرتين...
ارجوكم افيدوني سرعان عشان كده أنا مش هاعرف امسح بيها خالص.
وشكرا مقدما... جزاكم الله خيرا
شكرا للرد...
إن شاء الله أنا رايح يوم السبت...بس هل عندك فكرة ايه الموضوع ده
شكرا.......
استاذ اسامه صباح الخير
انا عارف ان السؤال ممكن يكون مكرر وممل
لو سمحت انا بفكر فى عربيه زيرو تتحمل مشوار كل يوم حوالى 100 : 150 كيلو/يوم
يعنى فى الشهر حوالى 3000 كيلو
ونفسى اجيب بيرسونا او نيسان صنى
بس بميل للبيرسونا طبعا
والتغيير هيكون مش قبل 5 سنين مثلا
و قلقان من اسعار قطع الغيار والتوكيل (running cost )
طبعا اعاده سعر البيع يبقى نيسان صنى ولا مش هاتفرق كتير