السلام عليكم
كيف حال الجميع ..
إن شاء الله بخير
أسأل عن موتور البيتلز 1600
يستهلك معي حوالي 110 كيلو في الصفيحة ..(20 لتر )
هل أحتاج لتغيير الكاربراتير ؟ أم لا ؟
عرض للطباعة
السلام عليكم
كيف حال الجميع ..
إن شاء الله بخير
أسأل عن موتور البيتلز 1600
يستهلك معي حوالي 110 كيلو في الصفيحة ..(20 لتر )
هل أحتاج لتغيير الكاربراتير ؟ أم لا ؟
اولا اهلا بحضرتك معانا
بالنسبه للاستهلاك انا شايف انه عالى فعلا
انا معايا 1500 سى سى والاستهلاك تقريبا 180ك فى الصفيحه
بس مش معنى كده اننا نحكم على تغيير الكاربراتير مباشرة
فى حاجات كتير ممكن تتحكم فى استهلاك البنزين
ممكن تكون محتاج تغيير طقم سرفيس كامل
البوجيهات والابلاتين والكوندنسنر مع تنظيف الكاربراتير والاسبراتير
لانهم ليهم تأثير قوى على استهلاك البنزين
اسلوب القياده بيفرق من شخص لاخر فى الاستهلاك
يعنى ممكن تكون انت بتحب القرص على الموتور بدون داعى
متابعة ضغط هواء الكاوتش لو مش مظبوط
التحميل فى السياره اثناء القياده
ممكن تكون دايما بتركب معاك ناس كتير ودى حمولة على الموتور والسحب
طبيعة الطرق اللى بتمشى فيها لو كلها داخل البلد والاشارات يبقى استهلاك عالى طبعا غير لما تكون دايما بتمشى دائرى واتوستراد مثلا توفر معاك كتير
نوع الزيت وارتياح الموتور ليه وسهولة التبريد
اقولك على حاجه كمان
مجرد فتح زجاج السياره اثناء القياده بيسبب استهلاك اعلى للبنزين
لان فتح الشبابيك بيسمح بدخول ضغط هواء يعمل رد فعل ومقاومه لاتجاه السير بس مش استهلاك عالى قوى يعنى
واخيرا لو كان الكاربراتير فعلا يستحسن متغيرهوش
ممكن اصلاحه عند ميكانيكى متخصص كاربراتيرات ومقرهم فى شبرا
هو غالبا بيعمله حاجه اسمها اكس وباب وتكلفتها فى حدود 80 جنيه وهيبقى كويس ان شاء الله
لكن الكاربراتير الجديد بيكون فى حدود 1000 جنيه
والاستيراد تقريبا 600 وانت وحظك ممكن يطلع بايظ كمان
كلام سليم جداً يا هاشم و ربنا يبارك فيك
و أحب أضيف إن العربية لو محتاجة ظبط زوايا ممكن تستهلك بنزين و الشكمان لو مكتوم ممكن يسخن العربية و إستهلاك البنزين و كمان عدم ضبط التاكيهات يؤدى لإستهلاك عالى للبنزين و كذلك عد الضبط الجيد لمسامير بيكات الكربراتير يؤدى لإستهلاك بنزين بدون داعى.
و الكربراتير الإستيراد 1 بيك من 250 إلى 350 جنية
و الكربراتير الإستيراد 2 بيك من 300 إلى 400 جنية
و الجديد برازيلى من 800 إلى 1000 جنيه
و الجديد ألمانى من 1300 إلى 1500 جنية !!!
جزاك الله خيراً على هذه المعلومات أستاذ هاشم ..
وأنا سعيد بانضمامي إليكم ..
السيارة 1303 موديل 1975 والموتور 1600
قمت بتغيير البوجيهات والأبلاتين والكوندنسر منذ شهرين تقريباً ..
وقمت الأسبوع الماضي بتنظيف الكاربراتير عند ميكانيكي في طريقي ..
الكاوتشات كما هو مكتوب على غطاء التابلوه ( 18 أمامي و 20 خلفي ) في الصيف ـ تقريباً لا أذكر بالضبط الآن ..
أغلب الأوقات أكون وحدي بدون الزوجة والأولاد
طريق العمل يمر بالدائري يومياً والإشارات قليلة بعد ذلك .
ذهبت للميكانيكي .. أخبرني أن طقم الإصلاح الخاص بالكاربراتير ثمنه أكثر من مائة جنيه .. وأخبرني أنه سيشتري لي ( بيكات ) بيك السرعة على وجه الخصوص لأنه المسؤول عن سحب البنزين وسيغيره ( وهتظبط معاك إن شاء الله !! ) .. على حد تعبيره
وقام فعلاً بتغييره ب ( 10 جنيه ) .. المهم السيارة بعدها كان سحبها سيء جداً .. رجعت له في نفس اليوم فأعاده كما كان ..
فهل ممكن طقم الإصلاح لو اشتريته يكون له تأثير بعد ذلك ؟
والغاية الأساسية من سؤالي هو خبرة من لديه موتور مثلي ما هو استهلاك البنزين معه وأنا أستخدم بنزين 80
الله يبارك فيكم .. ومشكورين
الفاضل ahit
جزاك الله خيراً على هذه المعلومات
اقتباس:
و جزاك خيراً أخى الكريم
لا يوجد فرق كبير فى إستهلاك البنزين بين المواتير 1300 و 1500 و 1600 و الفرق الأكبر بيكون فى عزم الماتور.
بمعنى آخر إن عزم الماتور 1300 بيكون أكبر من الماتور 1200 ولكن ليس بصورة كبيرة و ملحوظة لكن بيكون هناك قرق ملحوظ بين عزم 1600 عن 1200 سى سى .
كذلك إستهلاك البنزين بالنسبة لل 1600 بيكون أكبر من 1200 و لكن ليش بشكل ملحوظ و بمعنى آخر تقريباً:
إستهلاك البنزين فى الماتور 1300 و1200 بيكون من 180 إلى 200 كيلو للصفيحة ( 20 لتر ) و بيزيد فى الطرق الطوالى السريعة.
و بالتالى بيزيد الإستهلاك فى المواتير 1500 و 1600 بمتوسط من 170 إلى 190 كيلو تقريبا فى الصفيحة.
و لكن لما بيكون فيه مشكلة فى كهرباء الماتور أو التاكيهات أو الكربراتير الإستهلاك بيزيد جداً حتى لو كان الماتور 1200 سى سى !!!
و عشان تحكم و تتأكد من إستهلاك البنزين عندك ممكن تتبع التالى قبل تغيير أو اللعب فى الكربراتير:
1- ظبط التاكيهات و كهرباء الماتور (خلوص بوجيهات و خلوص أبلتين ) و نظف الكربراتير عند ميكانيكى كويس و أنا برشحلك محمد الأسمر فى جسر السويس أمام سنترال مصر الجديدة.
2- إطلع على طريق سريع و فاضى و فى أوله فول التانك و إكتب قراية العداد و بعدين إمشى مسافة 50 كيلو مثلاً و بعدين فول تانى و إكتب قراية العداد .
3- إقسم عدد الكيلومترات اللى قطعطها على عدد اللترات اللى فولتها فى نهاية المشوار و النتيجة هاتكون عدد الكيلومترات اللى بيعملها اللتر الواحد.
4- المعدل الطبيعى من 8.5 إلى 10 كيلو للتر فى الطوالى.
و إبقى قولى ناوى تعمل إيه و أنا أكلملك الميكانيكى محمد الأسمر عشان يقوم معاك بالواجب . و إن شاء الله خير و أنا تحت أمرك فى أى وقت
أخوك أحمد حسن
الله ينور يابو عمر
كلام سليم فعلا
وعلى فكره انا كمان بكره ان شاء الله احتمال كبير اروح عند محمد الاسمر اظبط العربيه عنده
الله يبارك فيكم جميعاً ويجعلكم ممن يدخلون الجنة دون سابقة حساب ولا عذاب ..
سأذهب لمحمد الأسمر وأخبركم بالنتائج ..
هل هو أفضل أم محمد علي ؟ ..
و ينور عليك يابو مريماقتباس:
الله ينور يابو عمر
كلام سليم فعلا
وعلى فكره انا كمان بكره ان شاء الله احتمال كبير اروح عند محمد الاسمر اظبط العربيه عنده
و لو عزت أى حاجة كلمنى من عنده و أنا أوصية على اللى إنت محتاجه و إبقى قولنا عملت إيه إن شاء الله بعد ماتخلص.
و يبارك فيك و يجعلنا و إياكم ممن يدخلون الجنة بغير حساب إن شاء الله تعالى.اقتباس:
الله يبارك فيكم جميعاً ويجعلكم ممن يدخلون الجنة دون سابقة حساب ولا عذاب ..
و الله الإجابة على هذا السؤال صعب جداًاقتباس:
هل هو أفضل أم محمد علي ؟ ..
لكن فيه ناس بتستريح مع محمد على و ناس تانيه بتستريح مع محمد الأسمر... لكن عن تجربة محمد الأسمر ممتاز فى التاكيهات و ظبط خلوص الأبلتين و الكوندينسر و كهرباء الماتور و الكربراتير و عنده صبر و سرعة.
و محمد على ممتاز لكن صبره قليل شوية و إبنه عمرو مش متمكن و بطىء جداً.
فلو ماستريحتش مع محمد الأسمر جرب محمد على أو العكس و لو ماستريحتش للإثنين قولى و أنا أديلك على كذا ميكانيكى غيرهم.
و ربنا يوفقك لما فيه الخير.