استطلاع رأى عن لانسر مانيوال 1300

**littlepharoe** · 10-07-2009 02:31 PM

هل لانسر مانيوال 1300 سياره عائليه كافيه لأحتياجات أسره صغيره مع قياده هادئه و مسافات متوسطه يوميا أغلبها داخل البلد وايهما أفضل الشارك او البومه
و شكرا مقدما على ردودكم الغاليه

**أبو إياد** · 11-07-2009 08:13 PM

ماينفعش تقارن بومه 1300 مانيوال بشارك
وبعدين 1300 مانيوال عربيه بصراحه مريحانى واشبعت رغباتى خصوصا انى علاطول بسافر ومسافات طويله وباروح بيها الغردقه رايح جاى فى 11ساعه واسكندريه رايح جاى
وبتسعفنى وموفره فى البنزين
بس لما اسافر مثلا ومعايا تلاته فى العربيه وشنط سفر وتكييف باحس ان العربيه بتنهج منى بس عمرها مابتقل باصلها

على فكره عربيتى عامله معايا 100000كم فى سنتين
ربنا يتممها سنه كمان على خير واغيرها وغالبا هاجيبب لانسر باردو بس مش زيرو هاجيب 1300مانيوال عداد قليل وموديل اعلى

**Ahmed Nouh** · 14-07-2009 02:27 AM

حسب ما انت بتقول ال 1300 هتكون مناسبه قوى معاك والموتور كويس اوى مش هتحس انه فطسان على حجم العربيه

طبعا لو بتسافر كتير يبقى ابعد عن الموتور ده وخليك فى ال 1600 فعلا السفر مسافات بيه بتلاقى دايما ال rpm عالى وبتحس انك محمل عليه جامد

لكن فى الحركه جوا البلد العربيه تسارع ومشى مفيش مشاكل يبدا يبان ضعف الموتور على البدن فى الطرق السريعه

الميزه الاساسيه توفير البنزين فعلا موتور موفر جدا جدا والعربيه واسعه وتشيل 5 بشنطهم مرتاحين