قدر الله و ماشاء فعل حادثه غريبه...

**okacha** · 10-07-2009 04:47 PM

امبارح على كورنيش المعادى و انا مروح من الشغل الساعه 10 تقريبا و مش بجرى يادوب 70/80كم
اسمع الفرده الشمال الامامى تفرقع و العربيه ترمى يمين و شمالو لفت حوالين نفسها مرتين و دخلت فى جزيرة الرمل و طلعت على الرصيف بالعجلتين الشمال امامى و خلفى و وقفت على كده الحمد لله.
بعد الهيصه و اللمه ما انفضت الحمد لله اتصلت بالونش عشان يشيل العربيه .و اشوف اللى حصل فيها .العربيه كبودى و جسم مفهوش خدش و لا خبطه الحمد لله, المصيبه بقى المقصين الشمال ورا و قدام اتكسروا غير الكوبلن طبعا اللى اتكسر. قلت الحمد لله جت على قد كده.... اكتشف النهارده انه كمان الفتيس مش نافع و لازم يتغير ....انا مشتت و مش عارف اركز و لا افكر ياريت يا رجاله اللى خبرة فى اللانسر يقولى ازاى حصل اللى حصل؟؟ و طبعا التكاليف دى كام تقريبا فى التوكيل..؟؟؟

**أحمد كمال** · 10-07-2009 05:26 PM

انت مأمن و لا لأ؟

و الفتيس مانوال و لا اوتوماتيك؟

و العربية نوعها ايه؟ بوما و لا كريستالة و لا مكواة و لا شارك؟؟؟؟

**khpopo** · 10-07-2009 05:57 PM

جمدلله على سلامتك الحمدالله انها جت على قد كده
ربنا يسترها

**EslaM_NagY** · 10-07-2009 06:26 PM

حمدا الله على سلامتك

**Ghamrawy** · 10-07-2009 06:41 PM

المشاركة الأصلية كتبت بواسطة okacha

امبارح على كورنيش المعادى و انا مروح من الشغل الساعه 10 تقريبا و مش بجرى يادوب 70/80كم
اسمع الفرده الشمال الامامى تفرقع و العربيه ترمى يمين و شمالو لفت حوالين نفسها مرتين و دخلت فى جزيرة الرمل و طلعت على الرصيف بالعجلتين الشمال امامى و خلفى و وقفت على كده الحمد لله.
بعد الهيصه و اللمه ما انفضت الحمد لله اتصلت بالونش عشان يشيل العربيه .و اشوف اللى حصل فيها .العربيه كبودى و جسم مفهوش خدش و لا خبطه الحمد لله, المصيبه بقى المقصين الشمال ورا و قدام اتكسروا غير الكوبلن طبعا اللى اتكسر. قلت الحمد لله جت على قد كده.... اكتشف النهارده انه كمان الفتيس مش نافع و لازم يتغير ....انا مشتت و مش عارف اركز و لا افكر ياريت يا رجاله اللى خبرة فى اللانسر يقولى ازاى حصل اللى حصل؟؟ و طبعا التكاليف دى كام تقريبا فى التوكيل..؟؟؟

الف حمد لله على السلامة

بالنسبة للفتيس هات واحد استعمال و هات الباقى جديد

بس انت فرملت لما العجلة فرقعت ؟؟

**mohamedway** · 10-07-2009 07:34 PM

قلبى عندك و ربنا يعوض عليك و أهم حاجه سلامتك..............و أنا بقرأ موضوعك قدرت الإصلاحات و أسعار الكوبلن و المقصات أصلى من التوكيل و شغل نضيف حوالى 5000 أو 6000 جنيه بالكتير لأنى أعرف ان كوبلن الانسر الأصلى الواحد ب3500 جنيه و لكنى زعلت جامد بجد لما قريت ان الفتيس اتضر و انت محددتش إذا كان مانوال ولا أتوماتك و لو مانوال مش هتتكلف كتير و ممكن تغيره كله استيراد بدون مشاكل و ان شاء الله يبقه رخيص و هيطلع سليم و لكنننننننننننننننننننن لو أتوماتك cvt يبقى مالوش تصليح خالص و مالوش أى تصرف و لا تغيير فارغه و لا غيره و ده تمنه جديد فى التوكيل حوالى 30000جنيه و هيستوردوه لأنه مش بضاعه حاضره وممكن تجيبه إستعمال و ده اللى بأنصحك بيه لأنك أولى بالفلوس و لكن مش هيقل عن 8000 جنيه و ممكن يطلع بايظ و الراجل يغيرهولك كذا مره و فك و تركيب كذا مره و تجربه و قرف لأنه بطيخه مقفوله و لا يمكن تجربيته إلا لما يركب مش زى حاجات تانيه ممكن تجربتها خارج السياره (يبقه كده ممكن العربيه تصرف حوالى 15000 جنيه بالفتيس إستعمال) انما لو مأمن على العربيه يبقه توديها تتعمل فى التوكيل و يغيرولك كل حاجه جديده و أصلى بما فيها الفتيس و التأمين هو اللى هيشيل التكلفه اللى هتكون فى حدود 40000 جنيه بس انت مالكش دعوه.