عرض للطباعة
ياريت كل واحد بيفكر يشترى سياره جديده أو مستعمله ينتظر فقط سته شهور من الأن بأذن الله صدقونى ده هيضغط على الأسعار بشده جدا مع نزول موديلات 2010 وكذلك بدء الأعفاء الجمركى التدريجى للسيارات الوارده من أوربابدايه من 1/1/2010
ياريت كل واحد يعرف واحد بيفكر يشترى يبلغه بذلك وكلناشايفين موضوع المرسيدس c180 الخليجى اللى ب223000ج
يا ريت الناس تفكر بشكل جماعي و نسعى وراء هدف واحد عشان مصلحتنا كلنا ... و مبادرة مشكور عليها
السعر غلط و السعر المظبوط 323 لان اساسا العربية تمنها فى المانيا او الخليج اول فئة الفاضية خالص 190 الف جنيه بدون الجمارك او الضرايب , يعنى معنى كدا مينفعش تقل عن 280 الف باى حال من الاحوال.اقتباس:
كلناشايفين موضوع المرسيدس c180 الخليجى اللى ب223000ج
انا كلمتهم عموما و اتاكدت ان السعر غلط
سعرها كان 290 الف فى التوكيل بالضماناقتباس:
المشاركة الأصلية كتبت بواسطة som3aa
وشوف الموضوع ده كده انا مستغرب جدا ومش مصدق السعر لحد دلوقتى
http://www.nilemotors.net/Nile/showthread.php?t=84283
السعر مكتوب فى جريده الاهرام223000جنيه
ثم هو مش عبيط يعنى عشان ينزل العربيه ب 323 ال وهو عارف ان التوكيل بيبعا بارخص من كدا 30 الف
وكمان رمضان إن شاء الله على الأبواب لسه 43 يوم إن شاء الله ويعقبه الأعياد والمدارس كل ده هيأثر على مبيعات السيارات لوحده من غير حاجه ومتنسوش إن إصحاب التوكيلات والمعارض عندهم مصاريف ثابته كبيره سواء فى حركه بيع أو لا يوجد حركه بيع
اقتباس:
المشاركة الأصلية كتبت بواسطة som3aa
سعرها في السعودية حاجة و تسعين الف ريال يا باشا
يا جماعة ارجوكوا محدش يجادل قبل ما يسال الاول و يتاكد
اولا سعر العربية فى اى دولة خليجية لا يقل عن 192 الف جنيه حسب الدولة , فى الامارات كان 127 الف درهم و اعتقد غلوها و السعر اغلى قليلا فى السعودية
ثانيا انا كلمتهم بنفسى و متاكد 100%
العربية اغلى من بتاعت التوكيل لان فيها حاجات زيادة عن التوكيل و للاسف اللى بيردوا على التليفون مش عارفينها و انا شفتها قبل كدا جنب جامع الفتح (فى معرض ) و شفتها فى الشارع علشان كدا عارف الفروق.
اولا العربية جنوطها مختلفة عن التوكيل و فيها luxury multifunction ال 12 زرار مش 4 بالجلد و فيها علامة مرسيدس على الشبكة قدام و فيها شاشة المعلومات اللى فى العداد زى ال c200 و فيها كروم على حتت معينة مش زى الc200 او 280 فى كل حتة , بس دى الفروقات و طبعا الفروقات متستاهلش 25000 بس بيقولك برده تسليم فورى لان بتاعت التوكيل عليها حجز.
سعرها فى التوكيل 298 الف. و سعرها فى التوكيلمناسب جدااا و دى العربية الوحيدة اللى توكيل مرسيدس مش مبالغ فى تمنها علشان يمشى حاله فى ظل انخفاض او انعدام بيع الE و ال S و الGLK اللى مشفتهاش فى الشارع خالص لحد دلوقتى.
سؤال بقى للناس , الاسبوع اللى فات او اللى قبله معرض كتب سعر passat الكاملة خالص 150 بدل 250 محدش ليه دخل يقول العربيات رخصت و الكلام دا ولا حد علق اساسا!!!
هو ده اللي حملة "خلوها تصدي " بتنادي بيه منذ شهور و ماحدش عايز يسمع أو يصدق
نزول الاسعار وارد جدا و أعصار الازمة الاقتصادية سيعصف بمصر و يضربها بقوة خلال الشهور الثلاث القادمة شئنا أم أبينا رغم تصريحات الجهلاء
لذا يجب أن نستغل الفرصة لاجبار الوكلاء و التجار علي التخفيضات و كي يكون لنا اليد الطولي في هذا الامر .
انا معاك جدا
وانا مستغرب من الناس اللي بتدعي وتتمني ان الاسعار تنزل
احنا في موقف القوة
الفلوس معاك في جيبك قيمتها بتزيد
لكن صاحب التوكيل مصاريفه بتزيد ومش لاقي الدخل اللي يعوض
وكمان احنا بنتكلم في حقنا لان اللي بيحصل دلوقتي سرقة وغش علني
لو الناس بطلت تشتري شوية كمان هنوصل للوقت اللي ممكن احنا (المشتري) نحدد فيه السعر العادل لعربية
يا جماعة ده مش اكل ولا شرب عشان ما نقدرش نعيش من غيره
العربية حتي لو مش موجودة ليها بدائل مؤقتة كتير
احنا الاقوي ولازم نتصرف بالمنطق ده
و حتي الاكل و الشرب ممكن نعمل مقاطعة لبعض المنتجات يومين ثلاثة تلاقيها نزلت علي طول لأن دي منتجات ممكن تفسد لو قعدتاقتباس:
يا جماعة ده مش اكل ولا شرب عشان ما نقدرش نعيش من غيره
جي بي أوتو" تخفض سعر "هيونداي ماتريكس" 4000 جنيه
قررت شركة "جي بي أوتو" وكلاء سيارات "هيونداي" الكورية في مصر تخفيض سعر هيونداي "ماتريكس" 4000 جنيه.
و أصبح السعر الجديد ل"ماتريكس" المانيوال 86.000 جنيه بعد أن كان 90.000 جنيه .
أما سعر هيونداي "ماتريكس" أوتوماتيك الجديد فبلغ 93.000 جنيه بعد أن كان 97.000 .
ولسه الباقي جاي وراها
واتمني حد لو متابع يقول لنا هي السعر الطبيعي كان فعلا 90 ولا اقل
عشان فيه شركات بتزود السعر 10 الاف وبعدين تخفض 5 وتعمل دوشة انها عملت تخفيضات
ولسه كمان وكمان
والله الصبر ينولك مرادك ..انا على قلبهم لغايه متصدى
طب ما هو انشاء الله الاسعار تنزل للزيرو000000000000
بس للمستعمل يا تري الحالة العامة للسوق هاتكون ايه ( هاتبيع رخيص ها تشتري رخيص) ولا ايه ؟؟؟؟؟؟
معاكم بس مش المهم أنا المهم الباقى