الموضوع: حمله الصبر مفتاح نزول الأسعار بأذن الله

كلناشايفين موضوع المرسيدس c180 الخليجى اللى ب223000ج

السعر غلط و السعر المظبوط 323 لان اساسا العربية تمنها فى المانيا او الخليج اول فئة الفاضية خالص 190 الف جنيه بدون الجمارك او الضرايب , يعنى معنى كدا مينفعش تقل عن 280 الف باى حال من الاحوال.

انا كلمتهم عموما و اتاكدت ان السعر غلط

وكمان رمضان إن شاء الله على الأبواب لسه 43 يوم إن شاء الله ويعقبه الأعياد والمدارس كل ده هيأثر على مبيعات السيارات لوحده من غير حاجه ومتنسوش إن إصحاب التوكيلات والمعارض عندهم مصاريف ثابته كبيره سواء فى حركه بيع أو لا يوجد حركه بيع

يا جماعة ارجوكوا محدش يجادل قبل ما يسال الاول و يتاكد

اولا سعر العربية فى اى دولة خليجية لا يقل عن 192 الف جنيه حسب الدولة , فى الامارات كان 127 الف درهم و اعتقد غلوها و السعر اغلى قليلا فى السعودية
ثانيا انا كلمتهم بنفسى و متاكد 100%
العربية اغلى من بتاعت التوكيل لان فيها حاجات زيادة عن التوكيل و للاسف اللى بيردوا على التليفون مش عارفينها و انا شفتها قبل كدا جنب جامع الفتح (فى معرض ) و شفتها فى الشارع علشان كدا عارف الفروق.
اولا العربية جنوطها مختلفة عن التوكيل و فيها luxury multifunction ال 12 زرار مش 4 بالجلد و فيها علامة مرسيدس على الشبكة قدام و فيها شاشة المعلومات اللى فى العداد زى ال c200 و فيها كروم على حتت معينة مش زى الc200 او 280 فى كل حتة , بس دى الفروقات و طبعا الفروقات متستاهلش 25000 بس بيقولك برده تسليم فورى لان بتاعت التوكيل عليها حجز.
سعرها فى التوكيل 298 الف. و سعرها فى التوكيلمناسب جدااا و دى العربية الوحيدة اللى توكيل مرسيدس مش مبالغ فى تمنها علشان يمشى حاله فى ظل انخفاض او انعدام بيع الE و ال S و الGLK اللى مشفتهاش فى الشارع خالص لحد دلوقتى.

سؤال بقى للناس , الاسبوع اللى فات او اللى قبله معرض كتب سعر passat الكاملة خالص 150 بدل 250 محدش ليه دخل يقول العربيات رخصت و الكلام دا ولا حد علق اساسا!!!