ايه اللى قطع الكاوتش كدا ؟

**blazer** · 10-07-2009 05:21 PM

السلام عليكم و رحمه الله و بركاته
انا كنت ببص كدا على فرده من فرد الكاوتش عشان كان بقلى فتره كبيره ممشتش بلعربيه
لاقيت المنظر دا!
فانا مش عارف هو كان موجود من فتره وانا مأخدتش بالى وايه اسباب حدوثها
ولا لسه معموله جديده
وهل الحته دى بتكبر
ايه خطوره تاثيره على الكاوتش
اغيره علطول ولا ممكن امشى بيه 5 الاف كيلو كمان

**أحمد كمال** · 10-07-2009 05:31 PM

دي يا إما حكة في رصيف مكسر

يا فعل فاعل بالة حادة

و في الحالتين اشتري نفسك و غير الفردة

ما تخاطرش بعمرك بتمن فردة

**أحمد كمال** · 10-07-2009 05:37 PM

المشاركة الأصلية كتبت بواسطة nadernabil

بنسبة 90 % ده عمل تخريبي...
و أغلب الظن هايكون حصل و إنت راكن العربية في منطقة محرم فيها ركن السيارات..أمام محل كشري مثلاً!!!

انا عندي قطع مش طويل قوي كده و غائر لجوه حوالي ربع سنتي
و بقالي اهو بتاع 7000 كيلو ماشي بيه...و في بريدجستون قالولي طالما معداش لجوه ماتقلقش...ده في اللحمة فقط...

بس المنظر عندك مش مشجع...

ممكن تروح لواحد بتاع كاوتش و تفكه...و تلحمه من جوه...حتى لو مكانش فيه قطع غائر أو مأثر عليه...مجرد إحتياط

محل كشري

الله يحرق دي بلد

كل حيوان واخد له محل متر في مترين يضرب لك سور من البراميل او الطوب او الحجارة قدام المحل عشان يمنع الركنة

و لو حد ركن يخرب له عربيته بالشكل ده

حسبي الله و نعم الوكيل

رأيي مخالف لرأي نادر ان مش مستاهلة مخاطرة و تغير الفردة أأمن لك

**dr-mohamed** · 10-07-2009 11:03 PM

والله وبيحصل اكتر من مدة كمان
والاسوا بقة الموضة الجديدة ان مبقتش المحلات بس لا كمان البيوت كل واحد يقولك محدش يركن ادام بيت وتلاقي واحد سايب عربيته ادام بيتك ومنتش عارف هو مين وتيجي تركن ادام بيت يخرج لك الف عفريت يقولك متركنش هنا ولو ركنت يعملوا زي ما اتعمل عندك كدة او يكسر لك فانوس