ازيكم يا وحوش ، امبارح كارت التشغيل ضاع مني وخلاص اللي حصل حصل وجبت الكارت التاني وشغلت العربية حمد لله ، دلوقت انا علشان اطلع كارت تاني بكام ولازم في توكيل القاهره وسعره كام
عرض للطباعة
ازيكم يا وحوش ، امبارح كارت التشغيل ضاع مني وخلاص اللي حصل حصل وجبت الكارت التاني وشغلت العربية حمد لله ، دلوقت انا علشان اطلع كارت تاني بكام ولازم في توكيل القاهره وسعره كام
دانت مشكلة، قدر الله وماشاء فعل .. الافضل تكلم التوكيل مباشرتاً
16202
وفداك ميت كرت
المهم مايكونش حد اخدة عشان مايخدش العربيه
اعتقد انهم هيغيروا السيستم ويدولك كارتين جداد مبرمجين برمجه جديدة على السيارة
قدر الله ما شاء فعل
اعتقد احسن حل مؤقتا انك تفعل الانذار و تكلبش الدريكسيون لحد ما تغيرهم بأتنين جداد .
لو شاكك إن الكارت ممكن يقع تحت إيد واحد ( غير موثوق ) و يعرف إن الكارت يخص عربيتك...يبقى موضوعك فعلا فعلا مكلف...و إللى هيحصل زى ما الدكتور محمود صلاح قالك...هيتفك ال Immobilizer و يتعمل كروت جديدة...و الحل ده بآلاف كتير
لكن لو الكارت ضاع فى ظروف غامضة زى ما إنت موضح كده...فأنا هاعتبر إنك كنت فى نزهة نيلية و الكارت وقع فى النهر الخالد و ابتلعته سمكة نيلية ....و فى الحالة دى الموضوع بسيط..هما 1500 جنيه ثمن الكارت بس....الموضوع هيأخد أسبوع و لازم طبعا رخصة العربية و يستحسن إللى العربية بإسمه هو إللى يقوم بالموضوع...
على كل حصل خير و وداع مؤقت لل DVD ...أكيد طبعا الكارت أهم من ال DVD ...خصوصا إن لو حصل حاجة للكارت الباقى هتبقى وقعت فى حيص بيص...و ربنا يجعلها آخر الأحزان الميجانية على يديك :biggrin:
لا لا يا باشا ، لا تقلق ، مش محتاج تغير الكرتين، هو كارت واحد هتجيبه ، و تمنه حوالي ١٤٥٠ زائد الضريبة ، و كمان في حوالي ١٠٠ جنيه برمجة و هي دي إلي فيها السر ،
المفروض عشان تضيف أي كارت على العربية بيتعمل إعادة برمجة لوحدة تحكم ال-access control ، عشان يتعرف على الكروت الجديدة ، و العملية دي بطمس كل الكروت القديمة و بيتعرف كل الكروت من إلو، كأنها reset يعني ، يعني مش مشكلة، كل القصة حوالي ١٧٠٠ جنيه و تنسى القديم خالص ، و ربنا يعوض عليك
و الله...فعلا بتمسح تعريف الكروت القديمة ...؟؟؟
أنا كنت متصور إنك بتزود كارت على ال control بس...بحد أقصى 5 كروت...
#ff0000
روح يا شيخ ربنا يزيدك علما
السيستم بيقبل لحد ٤ كروت ، و كل مرة يتغير واحد فيهم لازم تبرمج الأربعة على العربية
الكلام ده صح 100% - لما تعمل كارت جديد حيغيروا البرمجة للكارتين (اللى معاك + الجديد) ، انا عملت الوضوع ده فى شهر فبراير الماضى عند الميكايكيون العرب (مركز خدمة معتمد من التوكيل) وكان ثمن الكارت بالظبط 1127 جنيه يضاف عليه التكويد والضريبة وكمان كنت عامل تغيير لمياه الريداتير ودفعت كله 1460 جنيه