يا وحوش كارت التشغيل ضاع مني ، اعمل ايه

**midohits** · 11-07-2009 06:21 PM

ازيكم يا وحوش ، امبارح كارت التشغيل ضاع مني وخلاص اللي حصل حصل وجبت الكارت التاني وشغلت العربية حمد لله ، دلوقت انا علشان اطلع كارت تاني بكام ولازم في توكيل القاهره وسعره كام

**Amr_Moh** · 11-07-2009 06:37 PM

دانت مشكلة، قدر الله وماشاء فعل .. الافضل تكلم التوكيل مباشرتاً

16202

وفداك ميت كرت

**ramy_gamal** · 11-07-2009 06:53 PM

المهم مايكونش حد اخدة عشان مايخدش العربيه

**د.محمود صلاح** · 11-07-2009 07:03 PM

اعتقد انهم هيغيروا السيستم ويدولك كارتين جداد مبرمجين برمجه جديدة على السيارة

**chato_eg** · 11-07-2009 10:35 PM

لو شاكك إن الكارت ممكن يقع تحت إيد واحد ( غير موثوق ) و يعرف إن الكارت يخص عربيتك...يبقى موضوعك فعلا فعلا مكلف...و إللى هيحصل زى ما الدكتور محمود صلاح قالك...هيتفك ال Immobilizer و يتعمل كروت جديدة...و الحل ده بآلاف كتير

لكن لو الكارت ضاع فى ظروف غامضة زى ما إنت موضح كده...فأنا هاعتبر إنك كنت فى نزهة نيلية و الكارت وقع فى النهر الخالد و ابتلعته سمكة نيلية ....و فى الحالة دى الموضوع بسيط..هما 1500 جنيه ثمن الكارت بس....الموضوع هيأخد أسبوع و لازم طبعا رخصة العربية و يستحسن إللى العربية بإسمه هو إللى يقوم بالموضوع...
على كل حصل خير و وداع مؤقت لل DVD ...أكيد طبعا الكارت أهم من ال DVD ...خصوصا إن لو حصل حاجة للكارت الباقى هتبقى وقعت فى حيص بيص...و ربنا يجعلها آخر الأحزان الميجانية على يديك

**farahat** · 17-07-2009 02:24 AM

لا لا يا باشا ، لا تقلق ، مش محتاج تغير الكرتين، هو كارت واحد هتجيبه ، و تمنه حوالي ١٤٥٠ زائد الضريبة ، و كمان في حوالي ١٠٠ جنيه برمجة و هي دي إلي فيها السر ،
المفروض عشان تضيف أي كارت على العربية بيتعمل إعادة برمجة لوحدة تحكم ال-access control ، عشان يتعرف على الكروت الجديدة ، و العملية دي بطمس كل الكروت القديمة و بيتعرف كل الكروت من إلو، كأنها reset يعني ، يعني مش مشكلة، كل القصة حوالي ١٧٠٠ جنيه و تنسى القديم خالص ، و ربنا يعوض عليك

**chato_eg** · 17-07-2009 10:12 AM

و الله...فعلا بتمسح تعريف الكروت القديمة ...؟؟؟
أنا كنت متصور إنك بتزود كارت على ال control بس...بحد أقصى 5 كروت...

#ff0000
روح يا شيخ ربنا يزيدك علما

**farahat** · 17-07-2009 12:01 PM

السيستم بيقبل لحد ٤ كروت ، و كل مرة يتغير واحد فيهم لازم تبرمج الأربعة على العربية

**meso76** · 18-07-2009 03:08 PM

المشاركة الأصلية كتبت بواسطة farahat

لا لا يا باشا ، لا تقلق ، مش محتاج تغير الكرتين، هو كارت واحد هتجيبه ، و تمنه حوالي ١٤٥٠ زائد الضريبة ، و كمان في حوالي ١٠٠ جنيه برمجة و هي دي إلي فيها السر ،
المفروض عشان تضيف أي كارت على العربية بيتعمل إعادة برمجة لوحدة تحكم ال-access control ، عشان يتعرف على الكروت الجديدة ، و العملية دي بطمس كل الكروت القديمة و بيتعرف كل الكروت من إلو، كأنها reset يعني ، يعني مش مشكلة، كل القصة حوالي ١٧٠٠ جنيه و تنسى القديم خالص ، و ربنا يعوض عليك

الكلام ده صح 100% - لما تعمل كارت جديد حيغيروا البرمجة للكارتين (اللى معاك + الجديد) ، انا عملت الوضوع ده فى شهر فبراير الماضى عند الميكايكيون العرب (مركز خدمة معتمد من التوكيل) وكان ثمن الكارت بالظبط 1127 جنيه يضاف عليه التكويد والضريبة وكمان كنت عامل تغيير لمياه الريداتير ودفعت كله 1460 جنيه

الموضوع: يا وحوش كارت التشغيل ضاع مني ، اعمل ايه

LinkBack

أدوات الموضوع

عرض

يا وحوش كارت التشغيل ضاع مني ، اعمل ايه - انشر الموضوع فى :

-

-

-

المواضيع المتشابهه

عاوز اعمل كارت للميجان

من وحوش الميجان الى وحوش اللوجان :الفتوه المفتريه فى العضه المارشيديريه

اعمل صيانه ال120 الف فين يا وحوش ، ايه افضل توكيل اروح

كارت التشغيل

لمبه الايرباج منوره اعمل ايه يا وحوش

الكلمات الدلالية لهذا الموضوع

المفضلات

المفضلات

ضوابط المشاركة